Калі душа спявае

Больш за тры дзясяткі гадоў мінула, а Яўгенія Міхайлаўна Краўчонак памятае свой першы рабочы дзень так, нібы было ўсё толькі ўчора.
– Я, выпускніца кааператыўнага тэхнікума, прыехала ў Ілью на працу, – расказвае яна. – Вучылася вельмі добра, таму даверылі быць дырэктарам універмага. Прыйшла, памятаю, раненька, яшчэ нікога не было, стаю пад дзвярыма, хвалююся. Як сустрэнуць работнікі ўнівермага? Як лепш ім прадставіцца – Яўгеніяй Міхайлаўнай ці Жэняй…
Вырашыла тады дзяўчына, што з імем па бацьку будзе больш салідна, так і назвалася. А ўжо пасля, папрацаваўшы і пасябраваўшы са старэйшымі калегамі, стала для іх Жэнечкай.
Што яна не памылілася ў выбары прафесіі, пераканалася вельмі хутка. І ніколі за ўсе трыццаць шэсць гадоў працы ў гандлі не пашкадавала, што стала работнікам прылаўка. Хіба што іншы раз узгадае, што закончыла тэхнікум выдатніцай, магла б вучыцца далей. Ды жыццё ўнесла ў яе жыццё свае карэктывы – дзяўчына сустрэла свайго суджанага – Сяргея, выйшла замуж, нарадзіла дзвюх дачушак – Алену і Таццяну. У клопатах пра сям’ю, дзяцей думкі пра вучобу адышлі на задні план. А можа, яно і лепш, што адышлі. Ну, пайшла б яна вучыцца і невядома як павярнулася б яе жыццё. І, магчыма, не было б тых памятных гадоў у Ільі, затым – у сваёй роднай вёсачцы Бараўцы Нарачанскага сельсавета, цяперашняй працы ў магазіне прадпрыемства «Сунічка-гандаль» у Шылавічах… А кожная з гэтых вех па-свойму дарагая і памятная Яўгеніі Міхайлаўне.
– Таму не трэба перажываць аб тым, што не збылося, – лічыць яна. – Усім, што было і ёсць у маім жыцці, даражу і дзякую Богу, што так атрымалася.
У Яўгеніі Міхайлаўны ёсць выдатны спосаб, што называецца, расслабіцца, адпачыць душой, набрацца сіл – спевы. Актыўная ўдзельніца мастацкай самадзейнасці, яна літаральна жыве песняй. І так хораша гэта ў яе атрымліваецца. Дарэчы, талент у Яўгеніі Міхайлаўны ад мамы, Марыі Ільінічны, якая таксама славіцца прыгожым голасам. Дынастыю спевакоў прадоўжыла і дачка Алена, якая працуе дырэктарам Шылавіцкага клуба. Добра спяваюць і ўсе трое ўнукаў Яўгеніі Міхайлаўны.
У мінулыя выхадныя ў сям’і Краўчонкаў было свята – юбілей гаспадыні. Павіншаваць яе сабраліся блізкія людзі (дзеці, унукі, бацькі Марыя Ільінічна і Міхаіл Антонавіч, свякроў Крысціна Мікалаеўна, якую нявестка шануе як і родную маці), сябры і, вядома, калегі па рабоце, начальства. Колькі цёплых слоў было сказана юбілярцы ў гэты дзень, колькі віншаванняў і пажаданняў пачула яна! Ад усяго гэтага жанчына расчулілася, нават не магла схаваць слёзы радасці і падзякі. І каб аддзячыць усім гэтым блізкім ёй людзям, праспявала для іх свае любімыя песні. І пра самага дарагога чалавека на свеце – маму, і сваю вельмі любімую «Ластаўку»…
У рэдакцыю Яўгенія Міхайлаўна прыехала на сваім надзейным двухколавым транспарце – веласіпедзе. Доўгія гады ездзіла яна на ім на працу з Шылавічаў у Бараўцы, не жадае развітвацца і цяпер. І хутка, кажа, і надзейна. Вось і ў Вілейку па справах для яе «злётаць» – справа звыклая. Вясёлая, гаваркая, прыгожая – Яўгенія Міхайлаўна зараджае пазітывам, дзеліцца сваім аптымізмам, радуе ўнутраным святлом. З ёй адчуваеш сябе надзвычайна камфортна. І здаецца, што гэтую жанчыну – гандлёвага работніка з душой артысткі – ведаеш даўно-даўно.
Ірына БУДЗЬКО. Фота аўтара


Написать комментарий

НОВОСТИ

Трудовые пенсии в Беларуси с 1 августа увеличатся в среднем на 10%

Завтра, 18 июля, снова гроза, и снова оранжевый уровень опасности

Как бывший лыжник бегунов готовит

В Вилейке живёт поедатель змей… и не только

САМОЕ ЧИТАЕМОЕ

  • В Вилейке живёт поедатель змей... и не только - 17 июля 2018 (1210)
  • Прокуратура Вилейского района возбудила уголовное дело на замдиректора "Р" - 17 июля 2018 (1030)
  • В ГАИ рассказали, сколько нарушений выявлено в Вилейке во время акции "Ребенок- главный пассажир" - 18 июля 2018 (417)
  • Как бывший лыжник бегунов готовит - 17 июля 2018 (236)
  • Завтра, 18 июля, снова гроза, и снова оранжевый уровень опасности - 17 июля 2018 (174)
  • В Вилейском районе начнут обучать юных блогеров-журналистов - 18 июля 2018 (149)
  • В эти выходные футбольная команда "Вилия" встретится с "Фалько". Болеем за наших! - 18 июля 2018 (55)
  • Розыск Максима Мархалюка продолжается - МВД - 18 июля 2018 (52)
  • Трудовые пенсии в Беларуси с 1 августа увеличатся в среднем на 10% - 18 июля 2018 (27)
  • Недостаточная организация контроля - 17 июля 2018 (18)
  • ВСЕ НОВОСТИ

    Розыск Максима Мархалюка продолжается — МВД

    В эти выходные футбольная команда «Вилия» встретится с «Фалько». Болеем за наших!

    В Вилейском районе начнут обучать юных блогеров-журналистов

    В Беларуси за пять лет в лесах разыскивали более 1 тыс. человек

    В ГАИ рассказали, сколько нарушений выявлено в Вилейке во время акции «Ребенок- главный пассажир»

    Трудовые пенсии в Беларуси с 1 августа увеличатся в среднем на 10%

    21 июля в Минске пройдут торжества, посвященные Дню пожарной службы

    Завтра, 18 июля, снова гроза, и снова оранжевый уровень опасности

    Как бывший лыжник бегунов готовит

    Выступление в трудовых коллективах и приём граждан Вилейским РОВД

    РУБРИКИ ШП НАШИ АВТОРЫ

    Яндекс.Метрика