А ўздоўж дарог – буслянкі…

Кожны куток адносна невялікай у геаграфічным плане Беларусі адметны і непаўторны. Той, каму часта здараецца бываць у такога кшталту вандроўках, думаю, пагодзіцца. З пачаткам лета надарылася магчымасць наведаць Брэстчыну – крайні поўдзень Беларусі. Спяшаюся падзяліцца ўражаннем – з пункту погляду жыхара сярэдняй часткі Беларусі.

на Івацэвічы – падарожжа пачалося. Да сталіцы – звыклыя краявіды і населеныя пункты. Калі ж Мінск застаўся недзе далёка, «алімпійка» вывела да жалезнай выявы зубра – сімвала Брэсцкай вобласці. Былі і іншыя адзнакі таго, што пачаўся іншы край. Па-іншаму, чым на Міншчыне, упрыгожаны крыжы ля дарогі – рознакаляровымі стужкамі. Большасць сядзіб захоўвае спрадвечны парадак пабудоў – лінейны. Калі першай ад дарогі ідзе хата, а роўненька за ёю – розныя сельскагаспадарчыя пабудовы. І амаль у кожным населеным пункце пры дарозе – буслянкі. Напачатку лета там якраз віравала жыццё – дарослыя буслы клапаціліся пра малых, чые дзюбкі былі ледзь бачныя з гнёздаў. Пра тое ж, што едзем усё далей і далей на поўдзень, сведчылі дрэўцы з налітымі чырванню чарэшнямі – Вілейка гэтым пахваліцца яшчэ не магла. Як пазней аказалася, спелымі былі ўжо і клубніцы. Гэты фактар непасрэдна ўплывае на род заняткаў большасці жыхароў Брэстчыны – клубніцы там садзяць соткамі, як бульбу, а агуркі вырошчваюць не ў адной, а часта ў некалькіх цяпліцах. Ды і бульбы, якая дае добры ўраджай на мясцовых глебах, стараюцца пасадзіць як мага болей. Усё, што шчодра расце на зямлі, для мясцовых жыхароў сродак дадатковага, а ў некаторых – і асноўнага заробку.
У размове з мясцовымі жыхарамі адчувальны своеасаблівы моўны бар’ер – носьбіту сярэднебеларускіх гаворак рэжуць слых нязвыклыя словы. Адны – нібыта на ўкраінскі манер, іншыя – сказаныя быццам па-беларуску, але па сэнсе зусім незразумелыя. Што цікава, нават гаворкі жыхароў суседніх вёсак могуць істотна адрознівацца.
Сядзіба Тадэвуша Касцюшкі і Ружанскі палацавы комплекс Сапегаў – помнікі даўніны і сімвал былой велічы славутых насельнікаў гэтага краю. Помнікі гісторыі аднолькава прывабліваюць і беларусаў, і іншаземцаў – ля старажытных сцен давялося ўбачыць і адных, і другіх. Для турыстаў звычны сцэнарый наведвання такіх мясцін: фотаздымак на памяць, дотык да камянёў – сведкаў падзей даўно мінулых дзён, і кароткі развітальны позірк на адыход, кінуты праз плячо. У напаўразбураных сценах, праёмах і пустых аканіцах – свіст ветру, працяглы і тужлівы, бы подых мінулага.
Па-суседству з мінулым – дзень сённяшні. Год ад году гарады набываюць сучасны выгляд, развіваецца іх інфраструктура. Не так даўно здалі ў эксплуатацыю басейн і лядовую арэну ў Івацэвічах – сёння гэты аб’ект карыстаецца ўстойлівай папулярнасцю і сярод дзяцей, і сярод дарослых. Трэба сказаць, некаторыя настолькі ўпэўнена стаяць на каньках, што міжволі задаеш сабе пытанне, хто перад табой – аматар ці прафесіянал? Удалося і мне паспрабаваць лязом канька пляцоўку лядовай арэны. Уражанні? Дакладна, што адной гадзіны было малавата. А яшчэ зручна, што ў памяшканні лядовай арэны можна не толькі правесці вольны час з карысцю для здароўя, але перакусіць або выпіць кубачак кавы – ёсць пункт харчавання.
Праездам удалося ўбачыць новы фасад вядомага ў рэспубліцы прадпрыемства «Івацэвічыдрэў», прыцягнулі ўвагу дагледжаныя храмы, школы, дзіцячыя садкі. Упэўнена, што шмат чаго цікавага засталося яшчэ па-за ўвагай. Але найбольш запомніліся буслянкі ўздоўж дарог. І гасцінны паўднёвы край пад белымі крыламі іх гаспадароў.
Таццяна ШАРШНЁВА. Фота аўтара 


Написать комментарий

НОВОСТИ

Трудовые пенсии в Беларуси с 1 августа увеличатся в среднем на 10%

Завтра, 18 июля, снова гроза, и снова оранжевый уровень опасности

Как бывший лыжник бегунов готовит

В Вилейке живёт поедатель змей… и не только

САМОЕ ЧИТАЕМОЕ

  • В Вилейке живёт поедатель змей... и не только - 17 июля 2018 (1210)
  • Прокуратура Вилейского района возбудила уголовное дело на замдиректора "Р" - 17 июля 2018 (1030)
  • В ГАИ рассказали, сколько нарушений выявлено в Вилейке во время акции "Ребенок- главный пассажир" - 18 июля 2018 (417)
  • Как бывший лыжник бегунов готовит - 17 июля 2018 (236)
  • Завтра, 18 июля, снова гроза, и снова оранжевый уровень опасности - 17 июля 2018 (174)
  • В Вилейском районе начнут обучать юных блогеров-журналистов - 18 июля 2018 (149)
  • В эти выходные футбольная команда "Вилия" встретится с "Фалько". Болеем за наших! - 18 июля 2018 (55)
  • Розыск Максима Мархалюка продолжается - МВД - 18 июля 2018 (52)
  • Трудовые пенсии в Беларуси с 1 августа увеличатся в среднем на 10% - 18 июля 2018 (27)
  • Недостаточная организация контроля - 17 июля 2018 (18)
  • ВСЕ НОВОСТИ

    Розыск Максима Мархалюка продолжается — МВД

    В эти выходные футбольная команда «Вилия» встретится с «Фалько». Болеем за наших!

    В Вилейском районе начнут обучать юных блогеров-журналистов

    В Беларуси за пять лет в лесах разыскивали более 1 тыс. человек

    В ГАИ рассказали, сколько нарушений выявлено в Вилейке во время акции «Ребенок- главный пассажир»

    Трудовые пенсии в Беларуси с 1 августа увеличатся в среднем на 10%

    21 июля в Минске пройдут торжества, посвященные Дню пожарной службы

    Завтра, 18 июля, снова гроза, и снова оранжевый уровень опасности

    Как бывший лыжник бегунов готовит

    Выступление в трудовых коллективах и приём граждан Вилейским РОВД

    РУБРИКИ ШП НАШИ АВТОРЫ

    Яндекс.Метрика