«Мы жывём тут, дзе продкі жылі…»

Радкі, вынесеныя ў загаловак, належаць Міколу Кутасу, вядомаму вілейскаму паэту, які жыве і працуе ў Ільі. Яны прыйшліся вельмі да месца, бо матэрыял гэты – пра Ільяншчыну і яе працавітых і таленавітых людзей.

Раніца выдалася сонечнай – быў адзін з тых апошніх дзён ліпеня, калі не прадбачылася дажджу. А ён у гэтыя дні быў не рэдкасцю – вось-вось прыйдзе свята Ілля, якое, калі верыць народнай мудрасці, наробіць гнілля. Напярэдадні свята мы і скіраваліся ў аднаіменны аграгарадок. Як і чым ён жыве, што бачыцца ў перспектыве і што ўжо дасягнута?
Нягледзячы на ранні час, старшыня сельсавета Мікалай Русак ужо быў на працы, аглядаў тэрыторыю ля адміністратыўнага будынка. Недалёка стракатала бензапіла, і гэты гук міжволі ўспрымаўся пацвярджэнем таго, што ў аграгарадку ўсё робіцца своечасова і па-гаспадарску.
– Рана на працы? – перапытаў мяне кіраўнік мясцовай улады і ўдакладніў. – Ды не, не рана, я ўжо з сямі гадзін тут. Хапае пытанняў, якія трэба вырашаць.
Мікалай Русак на пасадзе старшыні параўнальна нядаўна – гады два ўсяго. Але ж і гэтага часу хапіла, каб вызначыць прыярытэты і працаваць так, як патрабуецца. З нядаўняга часу тэрыторыя сельсавета пашырылася – да яе далучыўся і Альковіцкі, а гэта значыць, што пытанняў у мясцовай улады стала болей.
– За першае паўгоддзе намі зроблена нямала, – расказаў Мікалай Русак. – У Ільі зрэзалі аварыйныя дрэвы, выраўнялі і ўбралі стары плот па вуліцы Вілейскай, пабялілі дрэвы па Савецкай, добраўпарадкавалі ільянскі могільнік, касілі баршчавік у Абадоўцах і Бязводным, капітальна адрамантавалі лаўкі і ўстанавілі ўрны для смецця ў скверы аграгарадка, вывозілі смецце з вясковых могільнікаў, пасадзілі дэкаратыўныя кусты і дрэвы, рэкультавалі звалкі ў Ільі і Кавалях. Гэта асноўная частка таго, чым займаемся. А ўжо пра штодзённую работу з насельніцтвам, мэтанакіраваную і пастаянную, не кажу. Ёсць пэўныя вынікі работы і на тэрыторыі далучанага да нас Альковіцкага сельсавета. Тут таксама косім, наводзім парадак, убіраем звалкі, зносім старыя пабудовы, старыя платы, наводзім парадак на могільніках – працуем.
Многа робіцца, а наперадзе – увасабленне ў жыццё яшчэ мноства планаў і задумак. Што датычыцца Ільі, то ў жніўні тут пачнецца добраўпарадкаванне сквера ля аўтобуснага прыпынку. Мікалай Вацлававіч ужо намаляваў нават, якім бачыцца яму гэты куточак аграгарадка – з прыгожымі лавачкамі і агароджай, праваслаўным крыжам і памятным каменем, на якім будзе напісана дата першага ўпамінання пра Ілью – 1473 год – і радкі з верша Мікола Кутаса: «Праз віхуры нялёгкіх гадоў мы ідзём пераможна і годна, і свой край, край палёў і садоў, называем Ільяншчынай горда…» Няхай ведае кожны, каму надарыцца тут бываць, што за месца гэта – Ілья…
Цёпла расказваючы пра мясціны, дзе выпала жыць і працаваць, Мікалай Русак з удзячнасцю ўспамінае сваіх папярэднікаў, былых старшынь сельсавета Галіну Кутас, Вольгу Гараніну, якія і сёння актыўна ўдзельнічаюць у грамадскім жыцці, многае робяць для таго, каб гэты куточак – своеасаблівая візітная картачка раёна (яна сустракае і дае першае ўражанне пра Вілейшчыну ўсім тым, хто едзе з боку сталіцы) – быў прыгожым, сучасным і чыстым. Вось і стараюцца ільянцы, каб так і было. І пэўныя дасягненні ёсць: па выніках работы за 2011 год аграгарадок названы ў ліку лепшых у вобласці. Тут ёсць усё для таго, каб жыць, працаваць, нараджаць і выхоўваць дзяцей, вучыць іх і ўсебакова развіваць. Таму жыве ў Ільі многа моладзі, а па сельсавеце налічваецца болей за чатыры дзясяткі мнагадзетных сямей – і гэта без уліку нядаўна далучанай новай тэрыторыі.
Многа і цёпла расказваў Мікалай Русак пра Ільяншчыну. Хацелася б перадаць усё, ды наўрад ці хопіць на гэта адведзенага ў газеце месца. Усё, што чулі, бачылі – прыемна ўразіла, пасяліла ў душы хоць і з цяжкасцямі (а без іх у наш няпросты час не пражыць), але рушу наперад. А яшчэ надоўга запомняцца сустрэчы з некаторымі ільянцамі, цудоўнымі, па-свойму творчымі і заслужанымі людзьмі. Адзін з іх – ветэран Вялікай Айчыннай вайны Іван Пятровіч Рудніцкі, які ў снежні гэтага года адзначыць сваё 95-годдзе. Ветэран жыве ў сям’і свайго сына. Былы гандлёвы работнік і неабыякавы чалавек, ён і сёння жыва цікавіцца навінамі, глядзіць тэлевізар, па магчымасці яшчэ дапамагае сыну і нявестцы па гаспадарцы.
На свяце вёскі, якое традыцыйна праходзіць тут 2 жніўня, на Іллю, лепшым падвор’ем аграгарадка названа сядзіба Людмілы і Сяргея Шушкевічаў. Я пазнаёмілася з гаспадыняй, паглядзела на тварэнне іх з мужам рук. Усё зроблена з густам, прыгожа. На такое, падумалася, здольны толькі нераўнадушныя, працавітыя і, безумоўна, творчыя людзі. Якраз такія і ўпрыгожваюць наша жыццё.
Веры Георгіеўне Берман, жыхарцы аграгарадка, ужо восьмы дзясятак гадоў. А не скажаш. Гэта, мусіць, ад таго,што ёсць у жыцці гэтай жанчыны вялікая вера, якая стала часткай яе жыцця. Вера высокая, якая робіць чалавека чалавекам. Жанчына – адна з самых актыўных прыхажанак, многа дапамагае настаяцелю храма прарока Іліі святару Андрэю Швяцову. Тут, у храме, якому ўжо 185 гадоў, знаходзіцца спісак з Ціхвінскай іконы Божай маці, прыхінуцца да якой прыходзяць і прыязджаюць людзі нават здалёку. Кажуць, дапамагае яна ў бедах і праблемах, калі шчыра верыць і прасіць. Таму нярэдка ў царкве можна ўбачыць вянчанне маладых пар, якія ствараюць сем’і. А яшчэ ў храме ёсць ікона прарока Іліі – апекуна гэтага многае перажыўшага храма, які, нягледзячы ні на што, выстаяў і сёння развіваецца, дзякуючы намаганням адданых веры людзей.
Ірына БУДЗЬКО.
Фота аўтара


Написать комментарий

НОВОСТИ

«Ёлка желаний»: уже есть первые «волшебники»

На автодороге Минск-Молодечно-Нарочь будет ограничено движение

ФОТОФАКТ. На Центральной площади идёт установка главной ёлки города

Идет сбор средств на восстановление храма Святого Духа деревни Речки Вилейского района

САМОЕ ЧИТАЕМОЕ

  • Сеансы кинотеатра «Мир» (13 декабря – 17 декабря) - 13 декабря 2017 (1835)
  • Молодечненским РОВД разыскиваются две девушки. Близкие очень волнуются за их судьбу - 14 декабря 2017 (780)
  • В кафе у вилейчанина украли телефон и деньги - 14 декабря 2017 (517)
  • Самые популярные детские имена у вилейчан в 2017 году - 14 декабря 2017 (462)
  • ФОТОФАКТ. На Центральной площади идёт установка главной ёлки города - 13 декабря 2017 (461)
  • Идет сбор средств на восстановление храма Святого Духа деревни Речки Вилейского района - 13 декабря 2017 (372)
  • На автодороге Минск-Молодечно-Нарочь будет ограничено движение - 13 декабря 2017 (296)
  • В Минске определили обладательницу самых сексуальных губ. Девушке из Солигорска досталось 3000 евро на шопинг в Милане - 14 декабря 2017 (227)
  • Вилейчанка – лауреат польского конкурса новогодних открыток - 13 декабря 2017 (198)
  • "Ёлка желаний": уже есть первые "волшебники" - 13 декабря 2017 (183)
  • ВСЕ НОВОСТИ

    Стало известно, сколько микропластика в нашей косметике?

    В Молодечненском районе выпускают сок из пророщенной пшеницы

    Совместный рейд с представителем СМИ

    Самые популярные детские имена у вилейчан в 2017 году

    В кафе у вилейчанина украли телефон и деньги

    Белорусские ученые готовы к выполнению новых стратегических задач по развитию науки и экономики — Чижик

    В Минске определили обладательницу самых сексуальных губ. Девушке из Солигорска досталось 3000 евро на шопинг в Милане

    Успехи наших ребят в соревнованиях по судомодельному спорту

    Молодечненским РОВД разыскиваются две девушки. Близкие очень волнуются за их судьбу

    II Съезд ученых Беларуси

    РУБРИКИ ШП НАШИ АВТОРЫ
    Яндекс.Метрика


    Разработка ИП Харитончик А.Н.