Кранулі струны памяці

Памяць пра вайну не дае нам спакою. Яна, нібы калючая стрэмка, засела навечна ў нашых сэрцах. Няма той сям’і, якая б не адчула ваеннае гора, у кожнай з іх свой рахунак да вайны.

Сённяшняя моладзь – не дзеці вайны. Ім не давялося бачыць аблітую крывёй зямлю і вогненнае сонца. Але яны адчуваюць подых вайны праз дзесяцігоддзі. Нездарма гаворыцца, што той, хто не памятае мінулага, асуджаны зноў яго перажыць. Вось па-гэтаму так важна, каб не змаўкала ў свеце народная памяць. Праўда пра вайну захоўваецца сёння ў архіўных дакументах, яе нясуць у сваіх сэрцах сведкі тых жудасных падзей.
Вельмі балюча ўсведамляць, што ахвярамі вайны былі дзеці, з дзецьмі вайна абышлася бязлітасна. Мільёны іх загінулі. А тыя, хто застаўся жыць, прайшлі нечалавечыя пакуты.
Настаўніца гісторыі Вязынскай сярэдняй школы зрабіла экскурс у гісторыю, расказала пра канцэнтрацыйныя лагеры смерці, пра пекла вайны, праз якое прайшлі мільёны.
Памяць…Яна не дае спакойна жыць дзецям вайны. Яны без слёз не могуць успамінаць сваё ўкрадзенае маленства.
У рамках праекта «Мост» адбылася ў школе сустрэча з членамі клуба «Дзеці вайны», прысвечаная Міжнароднаму дню вязняў. Сем нястомных жанчынак у чарговы раз прыехалі на сустрэчу з маладым пакаленнем, каб расказаць пра перажытае, што яны помняць пра тую страшную вайну, якую бачылі сваімі вачыма. Дзеці з цікавасцю слухалі паведамленне-споведзі вязняў віцебскага канцлагера «Пяты полк» Гарчаковай Антаніны Іванаўны і Дуровіч Надзеі Аляксандраўны. Жыццё ў халодных бараках з цэментаванымі падлогамі, антысанітарыя, эпідэмія тыфу, голад – усё спрыяла таму, каб людзі гінулі як мухі. Вызваленне выратавала ад смерці. І сёння яны ў страі, як і Мароз Лілія Іванаўна, Пяскавая Марыя Мікалаеўна, Саўчыц Соф’я Іванаўна, Цеплякова Нона Іванаўна, Чыжэўская Валянціна Мікалаеўна. Іх маленства таксама было абпалена вайной, бо яны зведалі нямецкае рабства.
Слухаючы ўсхваляваныя аповеды гэтых сціплых жанчын думала: адкуль у іх душах столькі цеплыні, любові, дабрыні, хоць прайшлі яны праз смерч вайны ў раннім дзяцінстве? Ці ж не прыклад сёння маладым іх жыццё? Яны аптымістычна глядзяць у будучыню, дзякуюць за сённяшні дзень, любяць сваю краіну, ганарацца Беларуссю. Многа добрых пажаданняў пачулі дзеці ў гэты дзень ад гасцей.
Сустрэча была цёплай і шчырай. Члены гуртка «Школа здароўя» запрасілі на яе і мясцовых жыхарак, актыўных валанцёрак Траццякову Любоў Аляксандраўну, Філістовіч Таццяну Дзям’янаўну, чыё маленства таксама было абпалена вайной. Усхвалявана расказвалі гурткоўцы Андранюк Павел, Аляшкевіч Дар’я, Стасілевіч Аляксандра пра вязняў, што прысутнічалі на сустрэчы, ураджэнцаў в. Рыбчына – Клімёнак Ганну Аляксандраўну, Сыч (Сак) Фёклу Раманаўну, Гаўрыліка Пятра Адамовіча (нажаль, ён памёр 2 гады назад).
Для гасцей вучні падрыхтавалі канцэрт. Макарава Марына Паўлаўна ад імя цэнтра сацыяльнага абслугоўвання ўручыла гасцям падарункі, вучні – кветкі.
Дыялог пакаленняў прадоўжыўся за салодкім чайным сталом. У сувязі з юбілеем Траццякова Любоў, актыўная валанцёрка, атрымала ад членаў гуртка букет цёплых пажаданняў і падарунак ад сацыяльнага цэнтра.
Гэта сустрэча, думаю, надоўга запомніцца як дзецям, так і дарослым.
Дай Бог усім людзям душэўнага і духоўнага здароўя, спакою і міру.
Раіса ФІЛІСТОВІЧ,
кіраўнік валанцёрскай групы в.Вязынь, педагог Цэнтра дадатковай адукацыі


Написать комментарий

НОВОСТИ

В помощь детям: благотворительная акция по сбору вещей, игрушек и канцелярских товаров проходит в Вилейке

Jazz-time 2018. Вилейский джазовый ансамбль в Международном конкурсе удостоен диплома I степени

В Минской области жениться стали позже, но детей рожать больше

Юная шахматистка из Вилейки  стала  второй в турнире по быстрым шахматам

САМОЕ ЧИТАЕМОЕ

  • Сеансы кинотеатра «Мир» (16 – 20 мая) - 14 мая 2018 (2440)
  • Пенсионерка поехала на свидание с мужчиной в Вилейский район, а вернулась с разбитым лицом - 15 мая 2018 (967)
  • На выезде из Вилейки водитель потерял управление и врезался в дерево (Фото) - 14 мая 2018 (951)
  • Мужчина выгуливал собаку и попал под поезд в Вилейке - 16 мая 2018 (813)
  • Найдены торговки, похитившие у пенсионера из Вилейки 2000 рублей. Деньги вернули - 14 мая 2018 (513)
  • На Вилейщине проводится отработка мест массового отдыха молодёжи - 14 мая 2018 (448)
  • СК завершил расследование уголовного дела по фактам похищения человека и использования рабского труда - 16 мая 2018 (388)
  • Случай на Вилейском водохранилище. Небесный фонарик ...к несчастью? - 15 мая 2018 (386)
  • Минчанин на BMW сбил молодую косулю в Вилейском районе - 14 мая 2018 (353)
  • На перекрёстке столкнулись «Опель» и «Пежо» - 16 мая 2018 (327)
  • ВСЕ НОВОСТИ

    На перекрёстке столкнулись «Опель» и «Пежо»

    В  Беларуси впервые объявлены республиканские конкурсы в сфере зооветеринарного бизнеса

    Маленькому мальчику Ванюше Борисюк нужна помощь

    СК завершил расследование уголовного дела по фактам похищения человека и использования рабского труда

    Вилейчане приняли участие в областной олимпиаде по предмету «Физическая культура и здоровье»

    В «ПМК-212» г. Молодечно Госконтролем установлено завышение стоимости строительно-монтажных работ

    Скульптуру «Рыбий царь» установят в Вилейке на этой неделе

    Мужчина выгуливал собаку и попал под поезд в Вилейке

    В Вилейском районе на контроле в инспекции по делам несовершеннолетних состоит 79 подростков

    Вопрос обеспечения безопасности детей летом на особом контроле

    РУБРИКИ ШП НАШИ АВТОРЫ
    Яндекс.Метрика