У Вілейскай гімназіі № 2 традыцыйна прайшоў фальклорны фестываль “Вясёлка»

У Вілейскай гімназіі № 2 прайшоў традыцыйны фальклорны фестываль «Вясёлка», у рамках якога ладзіліся калядныя вячоркі з песнямі і танцамі.

Кажуць, той, хто спявае, ніколі не зробіць зла. А той, хто спявае народныя песні, напаўняе душу пяшчотай. Так лічыць і намеснік дырэктара гімназіі Мікалай Іваненка. Мікалай Міхайлавіч распавядаў: «Народныя святы, абрады, традыцыі, вусная паэтычная творчасць, песні і танцы, разам з мовай, з’яўляюцца асновай этнасу і маюць выключнае значэнне ў жыцці чалавека. Адчуванне свята, чаканне яго і актыўны ўдзел у святочных дзеях давалі нашым продкам душэўныя сілы, стваралі добры настрой і радасць жыцця пры любых абставінах».
«Добры вечар табе, пане гаспадару! Радуйся!..» – гэтымі словамі пачаў святочную вечарыну знакаміты гурт «Чабарок», мастацкім кіраўніком якога з’яўляецца Таццяна Каркотка. Далей былі народныя танцы. Музыкі з Вілейкі і Мінска стварылі дзіўны каларыт народных вячорак. Такіх, якія ўжо амаль забытыя паўсюль, а тут так арганічна ажылі на вачах удзельнікаў мерапрыемства, а таксама гасцей сустрэчы.
Былая настаўніца этнашколы Зінаіда Крупская з вялікім захапленнем і веданнем справы дала майстар-клас. Зінаіда Васільеўна за доўгія гады працы апісала вялікае мноства разнавіднасцяў народных танцаў, якія бытавалі на Вілейшчыне. Жанчына не толькі дасканала ведае кожны элемент танцавальных рухаў і прафесійна валодае методыкамі выкладання, але і сама можа сыграць на гармоніку кожны з любімых танцаў.
Уразіла і вялікая колькасць выступоўцаў на свяце. Не першы год у гімназію прыязджаюць удзельнікі музычнай капэлы «На таку», студэнцкага этнаграфічнага таварыства і клуба традыцыйнага танца «Сіта» Марыя Аднадворцава, Аляксей Крукоўскі, Сяргей Лісіца, а вось група моладзі з Маладзечна завітала сюды ўпершыню. Яны былі вельмі ўражаны вечарынай і ўжо дамовіліся з Мікалаем Іваненкам, што ў маі прыедуць у гімназію зноў на асобны вечар народнага танца.
Нельга не адзначыць і вучняў, якія таксама выйшлі на танцавальную пляцоўку. Не першы раз таленавітыя хлопцы і дзяўчаты танцавалі побытавыя народныя танцы, бо хоць у гімназіі і няма ўжо этнашколы, але жыве традыцыя зберажэння народнай культуры. Дзеці выйшлі танцаваць у народных касцюмах, якія былі адноўлены некалькі год таму ў ходзе реалізацыі праекта «Народны касцюм Вілейскага строю».
Хацелася б узгадаць і адну з самых цікавых для мяне жанчын на мерапрыемстве – харэографа з Мінска Алену Прохараву. Жанчына – заўзятая збіральніца беларускага фальклору. На вечарыну прыехала ў нацыянальным строі. І з захапленнем расказвала: «Я ўсю ноч вачэй не самкнула. Напярэдадні свята была на мерапрыемстве «Ноч бібліятэк». Прыйшла дамоў глыбокай ноччу, вырашыла праверыць почту ў інтэрнэце, пачытаць навіны. І раптам заўважыла на адным з сайтаў анонс гэтага фальклорнага фестывалю. Ні хвіліны не сумнявалася. Патэлефанавала на вакзал, даведалася, калі першы цягнік на Вілейку, і пачала збіраць сумку. Так я прыехала ў ваш горад спантанна, але вельмі задаволена. Я часта прыязджаю ў гімназію № 2 на розныя мерапрыемствы і адчуваю сябе тут ужо як дома – настрой узнёслы. Упэўнена, што вельмі важна на дзяржаўным узроўні захаваць аўтэнтычны фальклор. Нажаль, у Мінску нельга наведаць такія вечарыны, таму я заўсёды з вялікай ахвотай прыеду да вас. Я лічу, што вілейскі край мае вельмі багатую культуру. Ведаю, напрыклад, што ў вашым горадзе жыве цудоўны таленавіты цымбаліст Аляксандр Валынец. Я захапляюся яго талентам: музыка можа з лёгкасцю хутка перайсці падчас ігры ў любую танальнасць. Буду працягваць сачыць за яго творчасцю».
Напрыканцы маёй размовы з Мікалаем Іваненкам, намеснік дырэктара паведаміў: «Як добра, што ў наш прагматычны век мы яшчэ не страцілі магчымасць адчуваць і разумець простыя і такія глыбокія ісціны спрадвечнай народнай мудрасці, якая дапамагае працаваць з творчай радасцю і святкаваць прыгожа».
Анастасія ЛЕАНОВІЧ.
Фота аўтара


Написать комментарий

НОВОСТИ

В здании по улице Партизанская произошёл «пожар» (ВИДЕО)

Милиция предлагает пройти тест «В безопасности ли ваша квартира (дом) или нет?»

В Беларуси юношей больше, чем девушек – Белстат

Госавтоинспекция с 22 по 24 июня проведет массированную отработку автодороги Р-28

САМОЕ ЧИТАЕМОЕ

  • В здании по улице Партизанская произошёл "пожар" (ВИДЕО) - 22 июня 2018 (889)
  • Госавтоинспекция с 22 по 24 июня проведет массированную отработку автодороги Р-28 - 22 июня 2018 (127)
  • Водитель проехал на красный свет и попал в ДТП на перекрестке вблизи центральной почты - 22 июня 2018 (120)
  • ГАИ ищет очевидцев двух ДТП с пострадавшими, которые произошли в Вилейском районе - 22 июня 2018 (57)
  • "Мысли вслух" вилейской молодёжи - 22 июня 2018 (41)
  • В Беларуси юношей больше, чем девушек – Белстат - 22 июня 2018 (37)
  • Милиция предлагает пройти тест "В безопасности ли ваша квартира (дом) или нет?" - 22 июня 2018 (32)
  • Оздоровительная кампания на контроле - 22 июня 2018 (16)
  • Выпускникам 2018 года – о количестве мест для заключения договоров на условиях целевой подготовки специалистов сельскохозяйственных организаций Вилейского района - 22 июня 2018 (13)
  • Сотрудники ГАИ сегодня начали профилактическую акцию "Скорость" - 22 июня 2018 (11)
  • ВСЕ НОВОСТИ

    Водитель проехал на красный свет и попал в ДТП на перекрестке вблизи центральной почты

    ГАИ ищет очевидцев двух ДТП с пострадавшими, которые произошли в Вилейском районе

    В здании по улице Партизанская произошёл «пожар» (ВИДЕО)

    «Фестываль сяброў» адбудзецца 7 ліпеня ў агр. Вязынь

    Сотрудники ГАИ сегодня начали профилактическую акцию «Скорость»

    МАЛАЯ РОДИНА: ОТ ИЗУЧЕНИЯ К ДЕЙСТВИЮ. Как сделать каникулы незабываемыми?

    «Мысли вслух» вилейской молодёжи

    Милиция предлагает пройти тест «В безопасности ли ваша квартира (дом) или нет?»

    Паспорт при выезде нужен всегда. И не только…

    Оздоровительная кампания на контроле

    РУБРИКИ ШП НАШИ АВТОРЫ
    Яндекс.Метрика