Інфармацыйна-прапагандысцкая група райвыканкама наведала хлебазавод. Дырэктару была ўручана падзяка за міжведамаснае ўзаемадзеянне

Палавіну вытваранай прадукцыі вілейскі хлебазавод «экспартуе» за межы раёна. Хоць на самой справе, калі зыходзіць з поўнай геаграфіі паставак, паняцце «экспарт» не патрабуе двукосся. Прадпрыемства мае стабільны рынак у Ленінградскай вобласці і Санкт-Пецярбурзе. Расіяне па вартасці ацанілі вілейскі хлеб і кандытарскія вырабы. Пералічыць назвы таго і другога проста немагчыма: на сёння ў асартыменце прадукцыі хлебазавадчан – 40 найменняў хлеба і 60 – кандытарскіх вырабаў.
Калі пашчасціць трапіць на выставу прадукцыі вілейскіх майстроў, на вас патыхне ні з чым не параўнаным водарам хлеба, змешаным ад наяўнасці ў ім розных кампанентаў, аднак з захаванай прыроднай асновай. Гэта пах зярнят на жніўным полі, калі плаўным бурштынавым патокам яны ўліваюцца ў бункер камбайна. Хто хоць раз перажыў падобнае адчуванне, з асаблівай любасцю возьме ў рукі хлеб і ад душы, напэўна, падзякуе людзям, што здзейснілі сапраўдны цуд пераўтварэння.

Гэты лірычны ўступ спатрэбіўся мне для таго, каб стварыць пазітыўны фон для мерапрыемства, якое ў мінулы аўторак мела месца на вілейскім хлебазаводзе. У актавай зале калектыў прадпрыемства сабраўся на сустрэчу з інфармацыйна-прапагандысцкай групай райвыканкама. Узначаліла яе старшыня раённага савета дэпутатаў Наталія Радзевіч.
Падобныя мерапрыемствы дазваляюць прадстаўнікам мясцовай улады наладжваць і пастаянна ўзнаўляць сувязі з працоўнымі калектывамі. Гэта адна з найбольш эфектыўных форм узаемадзеяння, заснаваная на непасрэдных кантактах. Падчас такіх сустрэч можна атрымаць інфармацыю, як кажуць, з першых вуснаў. А заадно – запытацца пра тое,што хвалюе. І асабіста чалавека, і ў кантэксце калектыўнага інтарэсу. Менавіта ў такім рэчышчы праходзіла і гэта мерапрыемства.
Начальнік штаба райаддзела ўнутраных спраў Васіль Ракецкі не прамінуў засяродзіць увагу на крымінагеннай сітуацыі ў раёне. Праблема – важная для ўсіх, паколькі камфортнае для чалавека асяроддзе дае яму пэўны жыццёвы патэнцыял, засцерагае ад розных нечаканасцей, якія ствараюць дысгармонію душы і пагражаюць пэўнымі выдаткамі не толькі матэрыяльнага, але і фізічнага характару. Аператыўная абстаноўка характарызуецца зніжэннем узроўню злачыннасці, – гэта канстатацыя бачна задаволіла прысутных, стварыўшы ў іх уяўленне аб маральным аздараўленні грамадства і, безумоўна, аб дзейснасці намаганняў ахоўнікаў правапарадку.
Разам з тым, трывогу выклікае наркатызацыя, звязаная з прымяненнем «нетрадыцыйных» псіхатропаў. Гэта сінтэзаваныя наркотыкі, што выклікаюць імгненнае прывыканне. Іх ужыванне, у некаторых выпадках, нават аднаразовае, прыводзіць да лятальнага зыходу. Сур’ёзная размова, трывожны яе тон гучыць для некаторых, магчыма, як адкрыццё. І не можа людзей, нават не падвержаных падобнай рызыцы, не хваляваць верагоднасць сітуацый, у якія, па сваёй недасведчанасці альбо безагляднасці, раптам трапляе чалавек.
Грамадства, пазбаўленае падстаў для крыміналу, дэманструе часам праявы сямейнага насілля. Схаванага ў абалонку недатыкальнасці па прычыне ўяўнай ізаляванасці сям’і. Уяўнай таму, што няма таго патаемнага, што не стала б некалі бачным. Як правіла, сямейныя непаладкі ўзнікаюць на глебе непаразумення сужэнцаў. А яно грунтуецца на тых шкодных звычках, якія з цягам часу становяцца ладам жыцця аднаго, двух або некалькіх членаў сям’і. Злоўжыванне спіртным правацыруе скандалы, што заканчваюцца высвятленнем адносін з прымяненнем фізічных метадаў уздзеяння. Зайдзіце ў сеціва: крымінагенныя драмы з крывавым зыходам вельмі часта маюць пад сабой бытавую аснову.
Нелегальны ўвоз спірта ўтрымліваючых напояў – праблема, якая выразна акрэслена ў нашых усходніх суседзяў, становіцца актуальнай і для нас. Разам з самагонаварэннем, якому нелегальныя экспарцёры могуць стаць яўнымі канкурэнтамі. «Чорнымі грашыма» былі названы ў працэсе абмеркавання тэмы крымінальныя даходы падобнага кшталту гандляроў.
Такія стасункі даюць тэмы для роздуму, агаляюць сутнасць прэтэнзій, якія выстаўляюць людзі ўладам. Зноў, ужо ў каторы раз, выплыла праблема аўтамабільнага руху па вуліцы Молакава. Ён дастаткова інтэнсіўны, а да таго ж яшчэ – і двухбаковы, стварае пэўную праблему для пешаходаў – гэта праўда. Толькі памятаецца мне, што з аналагічным пытаннем «наадварот» былі некалі звароты да мясцовых улад. Ім пайшлі насустрач, адкрыўшы па вуліцы двухбаковы рух. Атрымоўваецца, трэба адрабляць назад? Я не ў падтрымку ні першых, ні другіх. Проста на ўсіх дагадзіць вельмі цяжка. У такім выпадку трыцейскі бок выбірае кампрамісны варыянт. Якім ён можа быць у падобнай сітуацыі – немагчыма пакуль прадказаць.
І Наталія Радзевіч, якая выбрала для размовы тэму арганізацыі аховы здароўя ў краіне і рэгіёне, і Марына Стаўская, прадстаўнік службы сацыяльнай абароны, імкнуліся данесці да прысутных інфармацыю, якая выклікала ў іх безумоўную цікавасць. Ніхто не безуважны да наяўных магчымасцей палепшыць сваё самаадчуванне. А ўмацаванне матэрыяльнай базы цэнтральнай раённай бальніцы, рост прафесійнага майстэрства ўрачоў і ўсяго медперсаналу – пацвярджэнне перспектывы сістэмы аховы здароўя, яе пастаяннага ўдасканалення на ўзорах сусветнай урачэбнай практыкі. Сёння ў клініках і іншых медустановах краіны праводзяцца складаныя аперацыі па перасадцы ўнутраных органаў, якія дзесяцігоддзе таму маглі назваць фантастычнымі. Наталія Радзевіч спынілася на асобных момантах, характэрных для забеспячэння медыцынскімі паслугамі насельніцтва вілейскага рэгіёна.
А пытанні прызначэння пенсій? Нюансы, звязаныя з апошнімі зменамі ў пенсійным заканадаўстве? Да іх таксама не засталіся безуважнымі прысутныя.
– Мы ўступілі ў Год культуры. Указ наконт гэтага падпісаны Прэзідэнтам, – падводзячы вынікі сустрэчы, заўважыла галоўны спецыяліст аддзела ідэалагічнай работы, культуры і па справах моладзі Вольга Яўгель. – Маецца на ўвазе не толькі мастацкая творчасць, а культура ва ўсім –земляробстве, добраўпарадкаванні тэрыторый, грамадскіх адносінах… – І, хочацца дадаць, тая самая культура вытворчасці, якую маюць і захоўваюць на вілейскім хлебазаводзе. Высакародства мэты заўсёдна вызначае высакародства шляхоў, якімі яна дасягаецца.
Марыя КУЗАЎКІНА.
Фота Аляксея КАМІНСКАГА


1 Ответ в “Інфармацыйна-прапагандысцкая група райвыканкама наведала хлебазавод. Дырэктару была ўручана падзяка за міжведамаснае ўзаемадзеянне”

  1. ольга:

    а имя директора почему не указали, если человек хорошо работает, мы им должны гордиться

Написать комментарий

НОВОСТИ

Пенная вечеринка на празднике «Детства и семьи» (ВИДЕО)

Вилейчанин выиграл бензопилу на выставке-продаже техники STIHL и VIKING

Вблизи деревни Коловичи во время движения загорелся автомобиль

Пять из десяти лесничеств Вилейского опытного лесхоза попали в очаг поражения леса рыжим сосновым пилильщиком

САМОЕ ЧИТАЕМОЕ

  • Сеансы кинотеатра «Мир» (4 – 10 июня) - 4 июня 2018 (2484)
  • В ДТП в Вилейском районе погиб 3-летний ребёнок - 4 июня 2018 (965)
  • Пенная вечеринка на празднике "Детства и семьи" (ВИДЕО) - 2 июня 2018 (685)
  • Вблизи деревни Коловичи во время движения загорелся автомобиль - 2 июня 2018 (672)
  • Вилейчанин выиграл бензопилу на выставке-продаже техники STIHL и VIKING - 2 июня 2018 (574)
  • За купание в запрещенных местах могут оштрафовать - 4 июня 2018 (135)
  • ФОТОРЕПОРТАЖ. Как прошёл в Вилейке праздник "Детства и семьи" - 4 июня 2018 (72)
  • «Праздник детства и семьи!» на Вилейщине… - 4 июня 2018 (17)
  • О безопасности в своём доме! - 4 июня 2018 (6)
  • Модель проведения Европейских игр в Минске должна стать образцовой - ЕОК - 4 июня 2018 (0)
  • ВСЕ НОВОСТИ

    Модель проведения Европейских игр в Минске должна стать образцовой — ЕОК

    За купание в запрещенных местах могут оштрафовать

    ФОТОРЕПОРТАЖ. Как прошёл в Вилейке праздник «Детства и семьи»

    О безопасности в своём доме!

    «Праздник детства и семьи!» на Вилейщине…

    В ДТП в Вилейском районе погиб 3-летний ребёнок

    Сеансы кинотеатра «Мир» (4 – 10 июня)

    Пенная вечеринка на празднике «Детства и семьи» (ВИДЕО)

    Вилейчанин выиграл бензопилу на выставке-продаже техники STIHL и VIKING

    Вблизи деревни Коловичи во время движения загорелся автомобиль

    РУБРИКИ ШП НАШИ АВТОРЫ
    Яндекс.Метрика