Сямён ШАПІРА: “Дарога да прызнання ніколі не бывае лёгкай”

Павел Дубяга, у рабочай спяцоўцы, яшчэ не пазначаны рэгаліямі сваёй выключнасці, адкрывае ўрачысты рад узнагароджаных на першай старонцы абласной газеты. Мне ж ўдалося занатаваць яго падчас цырымоніі ўшанавання «Чалавек года Міншчыны-2015». Яна адбылася напрыканцы мінулага тыдня ў салігорскім Палацы культуры. Ёй спадарожнічала яшчэ адна не менш значная цырымонія – прысваенне званняў «Ганаровы грамадзянін Міншчыны». І тая, і другая сведчаць аб узроўні грамадскага прызнання асоб, якія вылучаюцца з кагорты працаўнікоў сваім асаблівым іміджам, ступенню ўплыву на акаляючы свет і магчымасцю яго пераўтварэння да пэўнай дасканаласці.

Хірург Юрый Астроўскі, доктар медыцынскіх навук, прафесар, акадэмік, загадчык лабараторыі хірургіі сэрца, рэагуючы на ганаровае званне, зазначыў, што ганарыцца сваёй і калег магчымасцю прадоўжыць людзям жыццё. І ўдзячны органам абласной улады за высокую ацэнку сваёй працы. Ацэньваць, вядома, было што. Толькі за мінулы год Юрый Астроўскі правёў тры тысячы аперацый на адкрытым сэрцы. Ён заснавальнік і кіраўнік Рэспубліканскага навукова-практычнага цэнтра «Кардыялогія», разам з калегамі, зрабіўшы перасадку сэрца, зноўку падарыў жыццё тым, хто быў ужо практычна асуджаны на небыццё.
Калі чалавек нараджаецца на гэты свет, ён не ўсведамляе, не асэнсоўвае новыя рэаліі свайго ў ім існавання. Двойчы народжаны пачынае адчуваць вяртанне. Сябе – у рэальнасці. Дзе стоенае чаканне блізкіх, вочы дарагіх людзей. Якія ён знаходзіць словы для таго, хто прымусіў у ім біцца новае, трапяткое, уразлівае сэрца, даў магчымасць зноў адчуваць і бачыць? Аб гэтым можна толькі здагадвацца.
Разам з Юрыем Астроўскім званні ганаровых грамадзян Міншчыны падчас урачыстай цырымоніі атрымалі Уладзімір Гаркун, першы намеснік старшыні выканаўчага камітэта – Выканаўчага Сакратарыята Саюза Незалежных Дзяржаў. Адзначаны гэтым тытулам і Сяргей Лінг. Яго мы памятаем на пасадзе прэм’ер-міністра, пастаяннага прадстаўніка Беларусі ў Арганізацыі Аб’яднаных Нацый. Разам з губернатарам зноў узнагароджаныя ганаровым званнем уручылі пашпарты грамадзяніна Беларусі юным прадстаўнікам Міншчыны. Да гонару Вілейкі, на ўрачыстую сцэну была запрошана і Карына Пагуда, выпускніца гімназіі № 1 «Логас». Кажуць, такія імгненні не забываюцца. Яны нейкім чынам становяцца пралогам да наканаванага чалавеку зоркамі вялікага жыцця. Дзе будуць і віхуры жыцейскіх ператрусаў, і нечаканыя правалы між сузор’ямі. Але запаленае некалі ў маладых сэрцах уражанне значнасці ў гэтым свеце стане надзейным лоцманам і правадыром. Лёс будзе розным, толькі няхай вядзе ён маладыя, светлыя душы па шляху ідэалаў грамадзянскасці і чалавечнасці. Менавіта гэтыя думкі прыходзілі на памяць, калі лепшыя прадстаўнікі сталічнага рэгіёна ўзнімаліся на сцэну, каб быць пазначанымі святочнымі стужкамі з надпісам «Чалавек года Міншчыны-2015».
– Хвалюецеся? – першае, што прыходзіць у галаву, пытаюся ў Паўла Дубягі, вадзіцеля пагрузчыка філіяла «Дарожна-будаўнічае ўпраўленне № 13 ДБТ № 5». Пытанне можна б і не задаваць. Наш герой сядзіць у першых радах перапоўненай святочнай залы і проста чакае, калі вядучыя назавуць яго імя. Кажуць, у такія моманты чалавек успамінае многае са свайго жыцця. Больш тое, што вывела ў лідары, дапамагло дабіцца прызнання. Бываюць крутыя віражы лёсу, слізкія, ухабістыя, як ненаезджаныя шляхі. А, бывае, чалавек запраграмуе сябе і, як вопытны вадзіцель, стараецца не збочыць. Прытрымліваючыся прыдарожных арыенціраў і стрэлкі спідометра. У Паўла Дубягі – другі варыянт. Да яго і прафесія абавязвае – вадзіцель. А яшчэ – дарожнік. Кропкі на дарожных маршрутах дарог рэспубліканскага значэння Павел наўрад ці будзе адшукваць з дапамогай навігатара. Рэканструкцыі дарожнага пакрыцця аўтатрас суседніх раёнаў, цяпер – будаўніцтва другой Мінскай кальцавой аўтадарогі – тут і працуюць сябры з упраўлення і трэста, туды і Павел Дубяга атрымлівае камандзіроўкі. А яшчэ за ім замацаваны пагрузчык, з якім ён выдатна ўпраўляецца на тэрыторыі асфальта-бетоннага завода. Прадпрыемства належыць ДБУ-13 і выпускае асфальт, пясчана-гравійную сумесь – тое, што неабходна ў рабоце дарожнікам.
Пра такіх, як Павел Дубяга, гаварыў Сямён Шапіра, старшыня абласнога выканаўчага камітэта, звяртаючыся да залы, запоўненай дэлегацыямі ўсіх рэгіёнаў Міншчыны:
– Заўсёды ў любым калектыве ёсць нехта вядучы. Ён паказвае прыклад іншым і вядзе іх за сабой. Так бывае і ў нейкім рэгіёне, напрыклад. Толькі тут ужо не чалавек, а цэлы калектыў вядзе за сабой астатніх. Маю на ўвазе агракамбінат «Сноў» на Нясвіжчыне, агракамбінат «Дзяржынскі». Я к таму, што заўсёды павінен быць лідар.
Губернатар вельмі коратка спыніўся на дасягненнях Міншчыны, на тых раёнах, дзе маладыя кіраўнікі прадэманстравалі ўжо ўражальныя вынікі. Лагойскі – старшыня райвыканкама Віктар Каляда – на 117 працэнтаў за мінулы год прырос у аб’ёмах намалоту збажыны. На 114 працэнтаў – Сталбцоўскі раён, ім нядаўна кіруе Мікалай Горлаў.
«Дарога да прызнання і поспеху ніколі не бывае лёгкай і кароткай, – зазначыў кіраўнік сталічнай вобласці. – У паспяховай дзейнасці чалавека на тым ці іншым месцы можна назваць шмат складаемых, – але самае галоўнае – гэта любоў да справы, якой займаемся, – рэзюмаваў Сямён Шапіра, віншуючы лаўрэатаў спецпрэміі. Сярод іх – кіраўнікі акцыянернага таварыства, фермерскай гаспадаркі, ляснік, паштальён,шахцёр, аператар машыннага даення, настаўнік, сацыяльны работнік, юрысты, журналіст… Усяго 22 прадстаўнікі вобласці ўдастоены спецыяльнай прэміі Мінаблвыканкама.
Святочным канцэртам віншавала прысутных творчая Міншчына. У праграме – выступленні навучэнцаў Салігорскай дзіцячай школы мастацтваў, заслужанага аматарскага калектыву Рэспублікі Беларусь ансамбля танца «Сузор’е». Парадаваў усюдыісны Аляксандр Саладуха, дабавіўшы ў святочную атмасферу Палаца сваёй артыстычнай крэатыўнасці.
Магутна і велічна прагучаў фінал мерапрыемства выкананнем песні «Міншчына» на музыку кампазітара Алены Атрашкевіч, дарэчы, менавіта на гэтым свяце ўзнагароджанай званнем чалавека года сталічнай вобласці. Публіка вітала артыстаў стоячы – вышэйшае прызнанне выканаўцаў.
Марыя КУЗАЎКІНА.
Фота аўтара

 


Написать комментарий

НОВОСТИ

На Вилейщине в очередной раз снимают кино…

Установлен перечень предметов школьных выпускных экзаменов в новом учебном году

В 2019/2020 учебном году появятся новые комплексные учебные программы для дошкольного образования

Мониторинг Госконтроля: когда здания используются неэффективно

САМОЕ ЧИТАЕМОЕ

  • Разыскиваемая 83-летняя женщина умерла - 18 июля 2018 (822)
  • На Вилейщине в очередной раз снимают кино... - 19 июля 2018 (711)
  • Минчанка на новом автомобиле попала в ДТП В Вилейском районе - 19 июля 2018 (656)
  • В ГАИ рассказали, сколько нарушений выявлено в Вилейке во время акции "Ребенок- главный пассажир" - 18 июля 2018 (524)
  • Егор КУЗМИЧЁВ: "Водители торопятся и надеются на "авось" - 20 июля 2018 (474)
  • ФОТОРЕПОРТАЖ. Вилейской соцслужбе - 30 лет - 19 июля 2018 (364)
  • Установлен перечень предметов школьных выпускных экзаменов в новом учебном году - 19 июля 2018 (316)
  • В Вилейском районе начнут обучать юных блогеров-журналистов - 18 июля 2018 (210)
  • Розыск Максима Мархалюка продолжается - МВД - 18 июля 2018 (100)
  • В эти выходные футбольная команда "Вилия" встретится с "Фалько". Болеем за наших! - 18 июля 2018 (83)
  • ВСЕ НОВОСТИ

    Второй этап вступительной кампании 2018 года на контроле

    Выходные будут теплыми, но дождливыми

    Установлено влияние излучения мобильных телефонов на память подростков

    ФУТБОЛ. Чемпионат области

    На Чижевичской затоке…

    С областных соревнований вилейские спасатели вернулись с наградами

    Егор КУЗМИЧЁВ: «Водители торопятся и надеются на «авось»

    Праект «Віляйчанка». Ёсць высокае званне – служыцель культуры

    Истина в воде

    Обратите внимание на приобретаемый товар

    РУБРИКИ ШП НАШИ АВТОРЫ

    Яндекс.Метрика