В Государственном литературно-мемориальном музее Якуба Коласа прошёл литературно-музыкальный вечер “Нясіце вясну да людзей” народного коллектива авторской песни «Элегия» Центра эстетического воспитания

– Вас сапраўды прыняў Колас, – наўрад ці маглі пачуць у гэты дзень удзельнікі народнага калектыву «Элегія» лепшы камплімент. Ён прагучаў з вуснаў кагосьці з тых, хто прыйшоў на літаратурна-музычны вечар у Дзяржаўны літаратурна-мемарыяльны музей Якуба Коласа, каб паслухаць, як сведчыла праграма,беларускае слова і песню ў яе нестандартным гучанні. Скажам, мы ўжо пачынаем адвыкаць ад спакойных, светлых, у матывах айчыннай песеннай класікі, мелодый. Якія, у тым ліку, нясе ў сабе і аўтарская песня.
Як паведаміла прысутным дырэктар музея Зінаіда Камароўская, установа рэалізуе новы праект, заснаваны на супрацоўніцтве з вядомымі творчымі калектывамі краіны. Запланаваны сустрэчы з Нацыянальным акадэмічным драматычным тэатрам імя Коласа. Ну, гэта ўжо, як кажуць, сам Бог наканаваў. Але будуць стасункі і з музеем-запаведнікам Аляксандра Пушкіна ў Міхайлаўскім. Некалі давялося там бываць. Шчыра скажу, узрадаваў той выбітны дух славянства, які з’яднаў аматараў паэтычнага слова краін-суседзяў, гатовых супрацоўнічаць па самай высокай ноце ўзаемаразумення. Скажу, што наша «Элегія» мае гонар прысутнічаць у гэтай кагорце. І ўсім гэтым павінны ганарыцца і мы, віляйчане.
Дарэчы, словы захаплення творчым калектывам былі выказаны ў падзячным пісьме кіраўніка раённай улады, тэкст якога данесла ўдзельнікам імпрэзы старшыня Вілейскага раённага Савета дэпутатаў Наталія Радзевіч. Слова меў і рэжысёр Нацыянальнай радыёкампаніі Рэспублікі Беларусь Алег Вінярскі, у якога ўжо рэалізавалася з «Элегіяй» 15 творчых праектаў, 8 радыёперадач прагучала на Нацыянальным радыёканале з удзелам гэтага самабытнага калектыву. Алег Аляксандравіч прызнаўся, што за час супрацоўніцтва з «Элегіяй» яму дарагім стаў вілейскі край і яго людзі.
Паэты Аліна Лігастаева і Васіль Жуковіч, саліст Нацыянальнага канцэртнага аркестра Беларусі пад кіраўніцтвам Міхаіла Фінберга Уладзімір Ткачэнка, загадчык кафедры універсітэта культуры Рыгор Шаура…
Творчая інтэлігенцыя Мінска ў асноўным ішла на калектыў, які ведалі. Але былі і такія,для каго менавіта ў час канцэртнай праграмы з’яўлялася адкрыццё.
Гучалі песні ў выкананні Таццяны Захарыч, Уладзіміра Цануніна, мастацкае чытанне Валянціны Цітовіч. Лейтматывам усёй праграмы стала паэма Якуба Коласа «Сымон – музыка», па-мастацку прыпаднесеная Алегам Вінярскім. Увогуле творчы дуэт Таццяны Захарыч і Алега Вінярскага прымала публіка рознага кшталту – і сталічная, і правінцыяльная. І ўсякі раз гэтыя кантакты паміж артыстамі і аўдыторыяй прыводзілі да нязменнага захаплення пластыкай слова, яго гучаннем у прасторы і часе. Бо гэта мастацкае чытанне – заўсёднае вяртанне да паэзіі Івана Лашуткі, на якую створана кампазіцыя «Святло слова». Была інструментальная музыка. Гучалі гітара, раяль і скрыпка. Па асабліваму заявіў аб сабе кожны ўдзельнік ансамбля – музыкі Уладзімір Лапцік, Аксана Жук, паэт Віктар Кажура. У выкананні Уладзіміра Лапціка і Уладзіміра Цануніна гучала песня-прысвячэнне Якубу Коласу. Была і віншавальная паэтычная паштоўка,што паклала пачатак узаемнаму абмену духоўнымі састаўляючымі калектываў, якія ў творчай узаемнасці пазіцыяніруюць сябе як аднадумцы.
«Вілейскія госці глядзеліся і «чуліся» ў коласаўскім антуражы вельмі арганічна» – напіша потым у адной са сваіх публікацый газета «Культура», зазначыўшы, што ўпершыню за 20 гадоў «Элегія» выйшла на сустрэчу з гледачамі ў поўным складзе.
«Тут кожны кусцік, кожны камень вартуе Коласа сляды», – лепш, чым сказаў Уладзімір Цанунін аб памяці нашага слыннага земляка, я думаю, ужо не скажаш.
Мария КУЗОВКИНОЙ.

Фото Алексея КАМИНСКОГО.

  


Написать комментарий

НОВОСТИ

ФОТОРЕПОРТАЖ с фестиваля «УХА-ФЕСТ 2018»

9 метровая змея появилась в Вилейке (Фото)

Оплата за общежития в некоторых регионах составляет до 30% от зарплаты проживающих

В Крупском районе прошел областной фестиваль «Васiльковы вянок-2018»: у команды «Вилия» — 7 место

САМОЕ ЧИТАЕМОЕ

  • ФОТОРЕПОРТАЖ с фестиваля "УХА-ФЕСТ 2018" - 15 июля 2018 (1435)
  • Фаер-шоу и салют на фестивале "Уха-фест 2018" - 15 июля 2018 (404)
  • Женщину, которую разыскивает милиция, видели живой и здоровой - 16 июля 2018 (155)
  • Вблизи агр. Куренец лесник нашёл гранату времен ВОВ - 16 июля 2018 (41)
  • Летняя школа юных ученых открывается в Молодечненском районе - 16 июля 2018 (5)
  • На 16, 17 июля объявлен оранжевый уровень опасности из-за гроз и ливней - 16 июля 2018 (0)
  • В Молодечненском районе утонула школьница - 16 июля 2018 (0)
  • ВСЕ НОВОСТИ

    В Молодечненском районе утонула школьница

    На 16, 17 июля объявлен оранжевый уровень опасности из-за гроз и ливней

    Вблизи агр. Куренец лесник нашёл гранату времен ВОВ

    Женщину, которую разыскивает милиция, видели живой и здоровой

    Летняя школа юных ученых открывается в Молодечненском районе

    Фаер-шоу и салют на фестивале «Уха-фест 2018»

    ФОТОРЕПОРТАЖ с фестиваля «УХА-ФЕСТ 2018»

    Завтра, 14 июля, ожидаются сильные грозы, местами сильные ливни

    Женщине-браконьеру, которая думала что «пронесёт», дали два года

    9 метровая змея появилась в Вилейке (Фото)

    РУБРИКИ ШП НАШИ АВТОРЫ

    Яндекс.Метрика