Сын з бацькам першымі ў Вілейскім раёне намалацілі тысячу тон збожжа

Жніво ў раёне пераваліла на другую палову. У няпростых пагодных умовах яно праходзіць, ды і ўвогуле сёлета надвор’е не вельмі спрыяла зерневым – спачатку засушыла, а пасля задажджыла, што, вядома ж, адбілася на важкасці коласа. Ды ўжо з нябеснай канцылярыяй не паспрачаешся.

Традыцыйна ў гэтую жніўную пару ствараюцца агітбрыгады, у склад якіх уваходзяць работнікі райвыканкама, раённага аб’яднання прафсаюзаў і райкама прафсаюза работнікаў аграпрамысловага комплексу, культработнікі, журналісты. У такім складзе агітбрыгады выязджаюць на палеткі, у мехмайстэрні, уручаюць перадавікам падзячныя лісты за подпісам старшыні райвыканкама, падарункі, у тым ліку і музычныя. На некалькі хвілін адрываюць такія ўрачыстыя моманты хлебаробаў ад важнай справы, але ствараюць людзям асаблівы настрой, даюць натхненне, нацэльваюць на новыя рубяжы.


Першы сёлетні выезд агітбрыгады быў знакавы: у «Нарачанскіх зорах» з’явіўся тысячнік. Як і чакалася, першым у раёне намалаціў на сваім «Лексіёне» тысячу тон збожжа камбайнавы экіпаж у складзе Аляксандра і Мікалая Гарэлікаў. Працавітыя сын з бацькам гадоў пару назад памяняліся месцамі і цяпер галоўным камбайнерам выступае Аляксандр, сын, а Мікалай Аркадзьевіч – яго надзейны памочнік. Але, як кажуць у матэматыцы, ад перамены месц складаемых (чытай: хлебаробаў) сума, а тут – вынік, не змяняецца. Многія гады ведаем мы і, напэўна, нашы чытачы гэты экіпаж і заўсёды радуемся такой хлебаробскай традыцыі, духоўнай спадчыне, чым здаўна славіліся сялянскія сем’і. Не здраджвае ёй Аляксандр Гарэлік, студэнт Брэсцкай навучальнай установы, які ўжо нямала гадоў на час жніва садзіцца з бацькам на камбайн і паказвае выдатныя вынікі.
Павіншаваць працавітых хлебаробаў на поле ў гэты раз прыехалі галоўны спецыяліст аддзела ідэалагічнай работы, культуры і па справах моладзі райвыканкама Вераніка Сліпенка,старшыня райкама прафсаюза работнікаў аграпрамысловага комплексу Леанід Радзевіч, вакальны гурт вілейскага Палаца культуры «Бабіна лета» са сваім кіраўніком Сяргеем Рудніцкім. З падарункам тысячнікам ад гаспадаркі да нашай агітбрыгады далучылася ідэолаг «Нарачанскіх зораў» Марыя Тарасевіч.
– Летась на гэты час у Гарэлікаў было намалочана ўжо болей за паўтары тысячы, – адзначыла Марыя Мечыславаўна. – Лепшы быў год і ўраджайнасць лепшая. Як бы там ні было, прыемна, што першы тысячнік у нас. Дастойныя людзі, заслугоўваюць пашаны. У гэтым годзе, дарэчы, іх камбайн ні аднаго разу не выходзіў са строю, ні адной паломкі. Гэта пра многае гаворыць.
І вось ён, урачысты момант: з рук Леаніда Радзевіча камбайнеры прымаюць падзячны ліст за подпісам старшыні райвыканкама, канверцік ад прафсаюза, вымпел «Слава працы!», а на камбайне прымацоўваецца ганаровы знак «Лідар працоўных спаборніцтваў» з лічбай «1000». Гучалі цёпла-падзячныя віншавальныя словы, перадавікам уручылі падарунак ад гаспадаркі, і завяршальным акордам стала ад душы выкананая песня «Хлеб ды соль». Актуальна, у самую кропку. Затым бацька з сынам – абое спрытныя, падцягнутыя – падняліся ў кабіну, і «Лексіён» з адзнакай пераможцы паплыў па збожжавым моры.


На мехдвары ў «Нарачанскіх зорах» мы сустрэлі і герояў нашай нядаўняй публікацыі – маладзёжны збожжаўборачны экіпаж у складзе Руслана Садоўскага і Аляксея Драчылоўскага, якія на сваёй бачыўшай віды «Лідзе-1300» паказваюць лепшы ў раёне вынік сярод маладзёжных экіпажаў. Падзячныя лісты і канверцікі ад прафсаюза ўручаны і ім, і лепшаму вадзіцелю гаспадаркі Уладзіміру Вараўку, занятаму на адвозцы збожжа.


А далей наш шлях ляжаў у падсобную гаспадарку «Асіпавічы» райаграсэрвіса. Тут, у Асіпавічах, віншаванні прымалі перадавыя камбайнеры Андрэй Тышкевіч, Аляксандр Сняткоў і вадзіцель Валянцін Мамай. Прыемна, што да віншаванняў агітбрыгады далучыліся і кіраўнік падсобнай гаспадаркі Аляксандр Альфер, і спецыялісты. Кароценькім, але цёплым было мерапрыемства, а затым хлебаробы заспяшаліся – іх чакала вялікая справа.

На другі дзень агітбрыгада, у складзе якой былі выконваючая абавязкі першага сакратара райкама «БРСМ» Анастасія Чарняўская, самадзейныя артысты Леанід Гайчук, Марына Заяц і, вядома, прадстаўнік рэдакцыі Аляксей Камінскі, пабывала ў СУП «Усходні-агра» і ААТ «Сцешыцы».

У першай гаспадарцы падзячныя лісты за подпісам старшыні райвыканкама прымалі камбайнеры Ігар Крот, Аляксандр Мікуліч і Аляксандр Скабей. На сцешыцкай зямлі ўшанавалі Аляксандра Дубаневіча, Аляксея Шышлу і Віктара Святоху. Былі шчырыя словы віншаванняў, вясёлыя песні і нават завадная «полечка»… Усё,што выпадае беларусу ў хвіліны адпачынку.

На гэты раз ён,праўда,быў зусім кароткім – хлебаробаў чакала ніва. Няхай будзе яна і для іх, і для ўсіх нас шчодрай!
Ірына БУДЗЬКО.

Фота Аляксея КАМІНСКАГА


Написать комментарий

НОВОСТИ

«Белтелеком» увеличил максимальную сумму обещанного платежа

Мужчина ехал в Вилейку и попал в ДТП. Автомобиль опрокинулся на крышу

Из-за бесхозной сумки в Вилейке перекрывали улицу

Милиция разыскивает вилейчанина, обвиняемого в совершении кражи

САМОЕ ЧИТАЕМОЕ

  • Рыбак угорел в палатке на водохранилище - 22 января 2018 (504)
  • Возле ж/д переезда в Вилейке столкнулись два автомобиля - 22 января 2018 (239)
  • Налог на пластиковые пакеты могут ввести в Беларуси - 22 января 2018 (36)
  • Соглашение о детях в Беларуси можно будет заключать не состоящим в браке парам - 22 января 2018 (21)
  • 26 января в Вилейке пройдёт акция "Вместе за безопасность дорожного движения" - 22 января 2018 (21)
  • День спасателя - 22 января 2018 (20)
  • Во время пожара в Молодечно был спасен мужчина - 22 января 2018 (16)
  • "Белая Русь" определилась с приоритетами на пятилетку - 22 января 2018 (15)
  • 27 января состоится «прямая телефонная линия» председателя  райисполкома КОТА Виктора Иосифовича - 22 января 2018 (11)
  • 26 января начальником главного управления юстиции Минского облисполкома БАЧИЛО Александром Александровичем будет проведен прием граждан и представителей юридических лиц - 22 января 2018 (9)
  • ВСЕ НОВОСТИ

    Рыбак угорел в палатке на водохранилище

    26 января в Вилейке пройдёт акция «Вместе за безопасность дорожного движения»

    Во время пожара в Молодечно был спасен мужчина

    Налог на пластиковые пакеты могут ввести в Беларуси

    Соглашение о детях в Беларуси можно будет заключать не состоящим в браке парам

    Возле ж/д переезда в Вилейке столкнулись два автомобиля

    День спасателя

    27 января состоится «прямая телефонная линия» председателя  райисполкома КОТА Виктора Иосифовича

    26 января начальником главного управления юстиции Минского облисполкома БАЧИЛО Александром Александровичем будет проведен прием граждан и представителей юридических лиц

    «Белая Русь» определилась с приоритетами на пятилетку

    РУБРИКИ ШП НАШИ АВТОРЫ
    Яндекс.Метрика


    Разработка ИП Харитончик А.Н.