Выйшаў трэці выпуск альманаха «Вілейскі павет»

Гісторыка-краязнаўчы гадавік «Вілейскі павет» – гэта зборнік аўтарскіх публікацый, якія прысвечаны Вілейскаму рэгіёну, а таксама тэрыторыям, што ў розныя часы ўваходзілі ў межы Вілейскага староства, Вілейскага павета, Вілейскай вобласці.

У пачатку гэтага года выйшаў новы выпуск, трэці па ліку, “Вілейскага павету”, які складаецца з найцікавейшых публікацый пра гістарычныя падзеі, лёсы, што звязаныя з Вілейшчынай, а таксама пра гісторыю вёсак і мястэчак рэгіёну і суседніх населеных пунктаў.

Адной з цікавейшых публікацый з’яўляецца пераклад кнігі «Мой тата» Тадэвуша Козел-Паклеўскага. Аўтар – польскі прафесар гісторыі, нашчадак шляхецкага роду, продкі  якога жылі на Вілейшчыне, у маёнтках  Кастыкі і Сэрвач.

Кніга

Вілейская паэтка Клаўдзія Дубовік падае ў альманаху некаторыя абразкі са сваёй кнігі апавяданняў “Багданава – вёска нашага дзяцінства”. Ураджэнец Вілейшчыны Ілірык Вараўка, які больш за шэсцьдзясят гадоў жыве ў Польшчы, прасачыў гісторыю з’яўлення назвы свайго роднага мястэчка Ілі. А таксама апісаў, як і чаму мястэчка Іля ператварылася ў Іллю ці Ілью. Паэт і перакладчык Уладзімір Папковіч апублікаваў працяг сваіх успамінаў, на гэты раз апісваецца перыяд з 1966 па 1992 гады.

Дзяніс Лісейчык і Анатоль Сцебурака звярнуліся да архіўных матэрыялаў па гісторыі стварэння і знікнення Беркаўскай парафіі, што была ў Вілейскім павеце, а сёння ў складзе тэрыторыі Мядзельскага раёна.

Даўні вандроўнік “шляхамі графа Канстанціна Тышкевіча” па рацэ Віліі Міхась Міхалевіч падае матэрыял пра “Рыбалку на Вяллі” з цікавымі сведчаннямі старажылаў беларускіх і літоўскіх вёсак уздоўж ракі,што распавядалі пра былы і сучасны лоў рыбы, пра тое, якую рыбу і як трэба лавіць. Таксама ў артыкуле змяшчаюцца і рэцэпты прыгатавання рыбы.

Віктар Жыбуль працягвае публікаваць спадчыну пазаштатнага карэспандэнта “Нашай Нівы” даўгінаўца Вульфа Сосенскага. Выдатны даследчык Аляксандр Зайцаў падае грунтоўнае, па выніках шматлікіх экспедыцый даследаванне пра культавыя камяні з ямкамі Вілейскага раёна, з багата апавядальным легендавым насычэннем і занатаванымі ўспамінамі старажылаў, а таксама фотаздымкамі. Краязнаўца і архітэктар Анатоль Капцюг апублікаваў матэрыял пра будаўніцтва храма-помніка ў Вілейцы падчас Першай сусветнай вайны і пра камень аўтара “Літоўскіх малюнкаў”. Старшы навуковы супрацоўнік вілейскага краязнаўчага музея Вольга Коласава распавяла пра лёс і творчасць мастака Уладзіслава Страмінскага, што жыў і працаваў у Вілейцы. Гэты матэрыял стасуецца з матэрыяламі пра ўспаміны Кацярыны Кобры,жонкі Уладзіслава Страмінскага, выдадзенымі іх дачкой Нікай Страмінскай, што таксама падаюцца ў альманаху.

Альковіцкі ксёндз і краязнаўца Анатоль Парахневіч падае біяграфію ксяндза Казіміра Дарашэвіча, які з 1931 па 1965 гады служыў у Даўгінаўскай парафіі. Цікавым з’яўляецца і матэрыял аўтара Валерыя Калясінскага пра вілейскі архіў польскага капрала Антона Сальвука і пра невядомыя фотаздымкі гісторыі Вілейшчыны. Лявон Куксіновіч сваім артыкулам аддае даніну памяці вядомаму вілейскаму краязнаўцу і збіральніку Яўгену Петрыкевічу, якога нядаўна не стала.

Цікавым падаецца і аповед Яна Палачанскага пра вывучэнне беларускім і французскім даследчыкамі кнігі пра напалеонаўскага афіцэра з “вілейскім” следам. А таксама пераклады Яўгена Казінца кнігі Бэры Рубіна “Дзеці Даўгінава”. Усе змешчаныя ў штогодніку аповеды і артыкулы вельмі грунтоўныя і насычаныя гістарычнымі фактамі, цікавымі біяграфіямі.

Гісторыка-краязнаўчы гадавік багата ілюстраваны архіўнымі і аўтарскімі фотаздымкамі, успамінамі і дакументамі. Укладальнікамі гадавіка з’яўляюцца віляйчане – літаратар Сяргей Макарэвіч і краязнавец Дзяніс Канецкі. Выданне выйшла пры падтрымцы дабрачыннага фонду «Вяртанне».
Кожны, хто цікавіцца гісторыяй сваёй мясцовасці, гістарычнымі асобамі і падзеямі, можа набыць зборнік у кнігарні і сувенірнай краме вілейскага краязнаўчага музея.

Сяргей ГАНЧАР. 

Фота Сяргея Макарэвіча


Написать комментарий

НОВОСТИ

Вилейских горе-рыболовов за незаконную рыбалку ждёт суд

Гараж минчанина на дачном участке в Вилейском районе обворовали на 2000 рублей

В детских садах открываются платные группы по выходным. Можно ли водить туда несадовского ребенка?

Обеспечены ли мы сегодня достаточным количеством топлива? Какие работы выполнены при подготовке к отопительному сезону?

САМОЕ ЧИТАЕМОЕ

  • 150 юных акробатов соревновались в Вилейке. Призовые места есть у вилейчан - 23 Октябрь 2017 (353)
  • Вилейских горе-рыболовов за незаконную рыбалку ждёт суд - 23 Октябрь 2017 (263)
  • В Вилейке в своей квартире обнаружен труп мужчины - 24 Октябрь 2017 (241)
  • Гараж минчанина на дачном участке в Вилейском районе обворовали на 2000 рублей - 23 Октябрь 2017 (208)
  • Выставка живых певчих птиц в Вилейке проходит впервые - 23 Октябрь 2017 (167)
  • 28 кастрычніка ў Вілейцы ўзгадаюць св. Губерта — апекуна паляўнічых і леснікоў - 23 Октябрь 2017 (23)
  • 28 октября состоится праздничный концерт, посвящённый 65-летию образования Департамента охраны МВД Республики Беларусь - 24 Октябрь 2017 (19)
  • Открытие стадиона в Вилейке состоится 25 октября - 24 Октябрь 2017 (10)
  • В Беларуси усложняют экзамен на права для мотоциклистов - 23 Октябрь 2017 (8)
  • В Слуцке школьники помогли милиции задержать вора - 24 Октябрь 2017 (3)
  • ВСЕ НОВОСТИ

    Открытие стадиона в Вилейке состоится 25 октября

    БРСМ удвоил число номинаций в конкурсе «100 идей для Беларуси»

    В Слуцке школьники помогли милиции задержать вора

    28 октября состоится праздничный концерт, посвящённый 65-летию образования Департамента охраны МВД Республики Беларусь

    В Вилейке в своей квартире обнаружен труп мужчины

    Ученые предупредили о сильных магнитных бурях с 24 по 26 октября

    150 юных акробатов соревновались в Вилейке. Призовые места есть у вилейчан

    Вилейских горе-рыболовов за незаконную рыбалку ждёт суд

    Выставка живых певчих птиц в Вилейке проходит впервые

    Гараж минчанина на дачном участке в Вилейском районе обворовали на 2000 рублей

    РУБРИКИ ШП НАШИ АВТОРЫ Яндекс.Метрика