Рэйдавая брыгада праехала па горадзе і высветліла, якое становішча з добраўпарадкаваннем было напярэдадні суботніка

На мінулым тыдні рэйдавая брыгада, у складзе якой былі ўрач-гігіеніст цэнтра гігіены і эпідэміялогіі  Кацярына Будзько,  галоўны спецыяліст раённай інспекцыі прыродных рэсурсаў і навакольнага асяроддзя Маргарыта Белановіч і аўтар гэтых радкоў, праехала па горадзе і высветліла, якое становішча з добраўпарадкаваннем было напярэдадні суботніка.

DSCN2277

Гэта мы ўбачылі на тэрыторыі аднаго з гаражных кааператываў

Адразу адзначу, што ў цэлым сур’ёзных заўваг не было. Праязджаючы па вуліцы Стаханаўскай, адзначылі яе дагледжанасць. Засталіся задаволенымі  і тэрыторыямі МПМК-186, ПМК-88 – тут была прыбрана мінулагодняя лістота, чысціня была і на кантэйнерных пляцоўках. Наводзіўся парадак і на тэрыторыі індывідуальнага прадпрымальніка А. Більдзюга.

DSCN2269

Пабываўшы на пляжы вадасховішча, адзначылі, што і тут бачна гаспадарская рука. Урэшце,  як і рука нейкага зламысніка – зробленая для людзей альтанка для адпачынку была вывернута, як кажуць, з карэннем…. Крыўдна, канешне, бо робіцца ж ўсё для нас з вамі, людзі!

DSCN2270

Традыцыйна ўзніклі пытанні па добраўпарадкаванні вадаёма ў Воўкаўшчыне, які размясціўся непадалёк ад магазіна. Дарэчы, тэрыторыя ля гандлёвага пункта дагледжана, тут зроблена нават невялічкая дзіцячая пляцоўка. А вось вадаём… Месца адпачынку мясцовых жыхароў (тут і рыбу вудзяць, і з дзецьмі гуляюць) з усіх бакоў акружана сухой мінулагодняй расліннасцю, паўсюдна валяюцца пустыя бутэлькі – сведчанне таго, што тут яшчэ і «цёплыя» кампаніі  адпачываюць. Таму, адзначылі кампетэнтныя спецыялісты, трэба замацоўваць гэтую тэрыторыю за нейкай арганізацыяй ці прадпрыемствам, якія б сачылі тут за парадкам.

DSCN2271

Рэйдавая праехала ў гэты дзень і па тэрыторыях мікрараёна  Незалежнасці, па вуліцы Молакава (усе недапрацоўкі спецыялісты  адзначылі, каб указаць на іх тым, хто павінен выправіць становішча). А затым былі агледжаны тэрыторыі гаражных кааператываў. Скажу шчыра,  працаваць тут ёсць над чым, хоць агульнае ўражанне ад убачанага цяпер нельга параўнаць з тым, што асабіста я бачыла падчас такіх аглядаў у мінулыя гады. Цяпер відаць, што людзі працуюць (недзе болей, а недзе – пакуль недастаткова) і што пытанне добраўпарадкавання для іх  зусім не другараднае.

DSCN2274

Наш рэйд быў праведзены напярэдадні раённага суботніка, і, думаецца, тыя недапрацоўкі, якія мы ўбачылі, выпраўлены. Калі ж спецыялісты ў чарговы раз установяць тут беспарадкі, то вінаватыя абавязкова будуць пакараны. На гэты раз ужо, як кажуць, рублём. Іншага проста не дадзена.

Ірына БУДЗЬКО.

Фота аўтара


Написать комментарий

НОВОСТИ

Пьяный 18-летний водитель не уступил дорогу пожарной машине. Произошло столкновение

Автомобиль «Евроторга» в Вилейском районе занесло на дороге и выбросило в кювет

На пл.Свободы произошло ДТП с участием 3-х автомобилей

На перекрёстке столкнулись два автомобиля в Вилейском районе

САМОЕ ЧИТАЕМОЕ

  • На пл.Свободы произошло ДТП с участием 3-х автомобилей - 11 декабря 2017 (686)
  • Пьяный 18-летний водитель не уступил дорогу пожарной машине. Произошло столкновение - 11 декабря 2017 (677)
  • Автомобиль "Евроторга" в Вилейском районе занесло на дороге и выбросило в кювет - 11 декабря 2017 (351)
  • Предновогодний обзор "ШП": Куда пойти с ребенком? - 11 декабря 2017 (187)
  • Рыбак на берегу Вилии возле "Стройдеталей" обнаружил тело утонувшего мужчины - 11 декабря 2017 (175)
  • У любого жителя Вилейки есть возможность стать Дедом Морозом - 11 декабря 2017 (159)
  • У баявой гатоўнасці - 11 декабря 2017 (25)
  • ВСЕ НОВОСТИ

    Предновогодний обзор «ШП»: Куда пойти с ребенком?

    Рыбак на берегу Вилии возле «Стройдеталей» обнаружил тело утонувшего мужчины

    Пьяный 18-летний водитель не уступил дорогу пожарной машине. Произошло столкновение

    У баявой гатоўнасці

    Автомобиль «Евроторга» в Вилейском районе занесло на дороге и выбросило в кювет

    У любого жителя Вилейки есть возможность стать Дедом Морозом

    На пл.Свободы произошло ДТП с участием 3-х автомобилей

    На перекрёстке столкнулись два автомобиля в Вилейском районе

    В деревне Речки Вилейского района после службы горела церковь

    В прокуратуре Минской области состоялось совещание Минского областного объединения профсоюзов и прокуратуры Минской области

    РУБРИКИ ШП НАШИ АВТОРЫ
    Яндекс.Метрика


    Разработка ИП Харитончик А.Н.