Вілейшчыну наведаў Пасол Украіны, каб ушанаваць памяць выдатнага дзеяча Піліпа Орліка

У гэтым годзе адзначаецца 345-годдзе з дня нараджэння нашага земляка, ураджэнца вёскі Касута, выдатнага беларуска-украінскага палітычнага дзеяча, паэта і перакладчыка, аўтара Першай ўкраінскай Канстытуцыі, гетмана Украіны – Піліпа Орліка.

4 красавіка новапрызначаны пасол Украіны ў Рэспубліцы Беларусь Ігар Юр’евіч Кізім наведаў Касуту, малую радзіму выбітнага палітычнага дзеяча Піліпа Орліка, дзе разам з намеснікам старшыні Вілейскага райвыканкама Святланай Дзяруга і старшынёй Мінскага гарадскога грамадскага аб’яднання ўкраінцаў «Запавіт», старшынёй грамадскай камісіі па ўшанаванню памяці Піліпа Орліка Беларускага рэспубліканскага аб’яднання ўкраінцаў «Ватра» Галінай Калюжнай, а таксама актывам украінскай грамады ў Рэспубліцы Беларусь прыняў удзел у цырымоніі ўскладання кветак да памятнага знака гетману Украіны.

IMG_6098

Дадзеная паездка на пачатку дыпламатычнай дзейнасці пасла ў Беларусі не выпадковая, бо для кожнага ўкраінца вёска Касута з’яўляецца неад’емнай часткай гісторыі іх Бацькаўшчыны, месцам яднання нашых народаў, нашай агульнай гісторыі. Дзень наведвання малой радзімы П.Орліка быў прызначаны напярэдадні 307-й гадавіны першай украінскай канстытуцыі «Пакта і Канстытуцыі законаў і вольнасцяў Войска Запарожскага», што адзначалася 5 красавіка. У сваёй прамове да прысутных пасол выказаў падзяку землякам выдатнага палітычнага дзеяча за ўвагу да гістарычнай памяці, а таксама адзначыў важнасць захавання агульнай украінска-беларускай культурнай і духоўнай спадчыны. Затым Ігар Кізім  падчас невялікага экскурса пазнаёміўся з гісторыяй вёскі Касута, наведаў Петрапаўлаўскі храм, падмуркі былой сядзібы Малахоўскіх – роду яго маці, што жылі тут у сяле Касута. Падчас сустрэчы адбылося і абмеркаванне запланаваных у гэтым годзе мерапрыемстваў па святкаванню 345-годдзя з дня нараджэння аўтара Першай украінскай Канстытуцыі, гетмана Украіны, і далейшыя планы па ўшанаванню памяці выдатнага дзеяча – Піліпа Орліка. У гэтым кантэксце былі абмеркаваны сумесна са старшынёй Крывасельскага сельвыканкама Ірынай Супрановіч і галоўным архітэктарам Вілейскага раёна Дзмітрыем Гарланавым і планы далейшага добраўпарадкавання памятнага месца ў вёсцы Касута, рэалізацыя праекта стварэння музея гісторыі вёскі і роду Орлікаў-Малахоўскіх.

Наведаўшы горад Вілейку,пасол сустрэўся са старшынёй Вілейскага райвыканкама Віктарам Катом, падчас якой адбыўся абмен думкамі па пытаннях украінска-беларускага супрацоўніцтва, у прыватнасці ў кантэксце развіцця двухбаковага супрацоўніцтва на рэгіянальным узроўні. Ігар Кізім адзначыў таксама даўнейшае шматгадовае плённае супрацоўніцтва пасольства з кіраўніцтвам і грамадскасцю Вілейскага раёна і абяцаў прыехаць на штогадовы фэст на свята Пятра і Паўла ў Касуту і наведаць радзіму сябра Тараса Шаўчэнка, беларускага паэта-дэмакрата, ураджэнца вёскі Карэкаўцы Эдварда Жалігоўскага, вядомага ва Украіне пад псеўданімам Антон Сава.

Сяргей ГАНЧАР.

Фота аўтара


Написать комментарий

НОВОСТИ

Неделя предпринимательства начинается в Беларуси

Тры тэлевізары і шмат іншых падарункаў атрымалі дзеці з вілейскага інтэрната

21 лютага – Сусветны дзень роднай мовы

Объем внешней торговли товарами в Вилейском районе в 2017 году возрос на 22,8%

САМОЕ ЧИТАЕМОЕ

  • Сеансы кинотеатра «Мир» (21 – 25 февраля) - 20 февраля 2018 (2111)
  • Вилейчанин на перекрёстке вблизи ж/д переезда наехал на пешехода - 20 февраля 2018 (913)
  • Февральские старты вилейских каратистов и каратистки - 20 февраля 2018 (379)
  • Мужчина по пути домой своровал снегозадерживающую сетку  в Вилейском районе - 20 февраля 2018 (347)
  • Пустующий дом двое мужчин оборудовали под «завод» по изготовлению самогона в Молодечненском районе - 20 февраля 2018 (280)
  • Тры тэлевізары і шмат іншых падарункаў атрымалі дзеці з вілейскага інтэрната - 21 февраля 2018 (274)
  • Эксперты назвали топ-5 самых бесполезных советов для автомобилистов - 20 февраля 2018 (209)
  • На территории Вилейского района ГАИ проведёт акцию «Ребенок - главный пассажир!» - 20 февраля 2018 (107)
  • Копи-центр в Вилейке: именная кружка – оригинально и полезно! - 22 февраля 2018 (107)
  • Топ-10 самых популярных в Беларуси мужских имен среди водителей - 22 февраля 2018 (83)
  • ВСЕ НОВОСТИ

    Копи-центр в Вилейке: именная кружка – оригинально и полезно!

    Выборы, молодежь и молодежь в выборах

    Благодарностью УВД Миноблисполкома награжден молодежный профилактический отряд по наркоконтролю Вилейского колледжа

    Топ-10 самых популярных в Беларуси мужских имен среди водителей

    Неделя предпринимательства начинается в Беларуси

    В Год малой родины в Беларуси должен быть наведен идеальный порядок — Кочанова

    Тры тэлевізары і шмат іншых падарункаў атрымалі дзеці з вілейскага інтэрната

    21 лютага – Сусветны дзень роднай мовы

    Руководством Вилейского РОВД будет осуществлено выступление в трудовых коллективах и учебных заведениях Вилейского района, после чего будет осуществлен прием граждан по личным вопросам

    Транспортная инспекция: актуально и злободневно!

    РУБРИКИ ШП НАШИ АВТОРЫ
    Яндекс.Метрика


    Разработка ИП Харитончик А.Н.