Віляйчанін праходзіць альтэрнатыўную службу ў бальніцы. Тры гады працы па 10 гадзін

“Славік, давай, вось, падлогу прыбярэш”, — кажуць невысокаму 20-ці гадоваму хлопцу ў Шчучынскай бальніцы. Тут Вячаслаў Шупляк праходзіць альтэрнатыўную службу, хоць сам ён з Вілейкі, служыць за 216 кіламетры ад дома. Ён — прадстаўнік рэлігійнай абшчыны “Сведкі Іеговы”, трымаць у руках зброю не можа па перакананнях. Таму замест службы ў войску 1,5 года, ён будзе тры гады працаваць у бальніцы па 10 гадзін, пяць дзён на тыдзень, піша Еўрарадыё

“Інвентарная) Вёдры пад мыццё і іншае”

“Нашу дакументы, прыбіраю, дапамагаю з ляжачымі хворымі, мяту двор, нашу пасцельную бялізну, дапамагаю разносіць ежу, адвесці кагосьці на рэнтген, дапамагаў у рамонце. Калі прыйшоў на службу, не ведаў, да чаго рыхтавацца, першы год жа альтэрнатыўная служба ў краіне. Служу тут ужо тры месяцы. Дзе служыць, я не выбіраў”, — распавядае Вячаслаў Шупляк.

«Прачынаюся ў 06:30, у бальніцы ўжо ў 8 раніцы. Адразу разношу дакументы, статыстыку па хворых, праціраю пыл, потым разношу ежу», — распавядае Вячаслаў, пакуль мые падлогу ў калідоры.

Яго зарплата — 250 рублёў, гэта 131 долар. Трапіць на такую службу было няпроста, не ўсе разумелі, як гэта працуе. Да службы Вячаслаў працаваў кіроўцам, скончыў ліцэй.

“Дакуменцікі, даведачкі, разношу адразу пасля планёркі”

“Вучыўся ў Смалявіцкім аграрна-тэхнічным ліцэі. Добра, не давялося з дзяўчынай расставацца, — жартуеВячаслаў. — Калі пераязджаў сюды, яе не было. Я вадзіцель-міжнароднік па спецыяльнасці. Хачу пасля службы працаваць па спецыяльнасці, з дзяцінства аўтамабілі люблю. Можа, застануся тут, у Шчучыне, пасля службы. Добры горад!”

Пакуль размаўляем, супрацоўніцы бальніцы абмяркоўваюць альтэрнатыўную службу. “Дык навошта гэта трэба, каля жанчын тут, тры гады, за спадніцамі. Лепш бы траншэі дзе капаў”, — кажа адна.

Іншая спрачаецца: “Ды ён тут стамляецца больш, чым на тых траншэях”.

“Вуліцу я таксама мяту, добра, лісця цяпер няма”

Новае заданне: Вячаславу трэба дапамагчы хвораму, заправіць ложак. Ён служыць у аддзяленні неўралогіі, тут шмат ляжачых. Потым ідзём з каталкай за бялізнай у іншы корпус. Там выдаюць два вялікія мяхі, і каталка станавіцца цяжкай, Вячаслаў з цяжкасцю яе закатвае на лесвіцу.

Далей — невялікі перапынак, можна папіць гарбаты ў сястрынскай. Там сястра-гаспадыня прызнаецца, што зарабляе менш за Вячаслава на некалькі дзясяткаў рублёў. А яна яго прамая начальніца.

“Не без медыцынскага гумару пад гарбату”

У Беларусі закон “Аб альтэрнатыўнай службе” пачаў дзейнічаць з 1 ліпеня 2016 года. Але першыя прызыўнікі адправіліся на такую службу толькі зімой 2017-га. Альтэрнатыўная служба даступная толькі тым, хто не можа прымаць прысягу і насіць зброю з-за рэлігійных перакананняў. Каб на такую службу адпусцілі, трэба даказаць ваенкаму свае перакананні, а таксама прынесці даведку з рэлігійнай абшчыны. Прызыўнікоў-альтэрнатыўшчыкаў ніхто не пытае, дзе і кім яны хочуць служыць. Дома не пакідаюць нікога. Альтэрнатыўную службу на дадзены момант у Беларусі праходзіць 51 чалавек. Яны служаць у бальніцах, лясных гаспадарках, сельскагаспадарчых арганізацыях. Тыя, хто служыць альтэрнатыўна, падпарадкоўваюцца не Мінабароны, а Міністэрству працы і сацыяльнай абароны.

“Усё тыя ж даведкі, тут іх пішуць”
“Часам на службе можна папіць кавы ў сястрынскай”
“Адціскаем і мыем падлогу”
“Прымаю бялізну ў медсястры-гаспадыні. Пакуль не цяжка”
“А на такой каталцы перавозяць хворых на працэдуры”
“Мыю палаты, хворым сумна, размаўляюць”
“І пыл з палічак трэба працерці”
“Хутка канец чарговага дня, двор падмесці, і дадому)”

Написать комментарий

НОВОСТИ

День матери в Вилейке прошел тепло и душевно

Редакция газеты «Шлях перамогі» переехала

42-х килограммовая тыква, самые красивые «журавинки» и виноградные улитки с местной клюковкой. В Иже прошел «Журавинавы фэст»

В городском парке листву уберут в конце осени. Возле жилых домов — убирают полностью

САМОЕ ЧИТАЕМОЕ

  • День матери в Вилейке прошел тепло и душевно - 16 Октябрь 2017 (957)
  • Редакция газеты "Шлях перамогі" переехала - 16 Октябрь 2017 (667)
  • 42-х килограммовая тыква, самые красивые "журавинки" и виноградные улитки с местной клюковкой. В Иже прошел "Журавинавы фэст" - 16 Октябрь 2017 (187)
  • Помочь лайком 3-летней Саше из агр. Шиловичи с диагнозом ДЦП может каждый - 17 Октябрь 2017 (107)
  • Вилейчанку наградили орденом Матери - 16 Октябрь 2017 (85)
  • Французскі аэрапорт названы ў гонар віляйчаніна - 16 Октябрь 2017 (63)
  • Сотрудники ГАИ в Вилейке проверят – носят ли пешеходы и велосипедисты фликеры - 17 Октябрь 2017 (42)
  • Как общество меняло свое отношение к матери, воспитывающей ребёнка - 16 Октябрь 2017 (25)
  • У душы і імені – Любоў... - 16 Октябрь 2017 (22)
  • Льготы для ИП - 16 Октябрь 2017 (20)
  • ВСЕ НОВОСТИ

    Где нельзя запускать дрон?

    Помочь лайком 3-летней Саше из агр. Шиловичи с диагнозом ДЦП может каждый

    Сотрудники ГАИ в Вилейке проверят – носят ли пешеходы и велосипедисты фликеры

    Беларусь в ноябре 2018 года вновь примет детское «Евровидение»

    В Беларуси объявлены конкурсы для молодых журналистов и молодежных парламентов

    Директор сельхозпредприятия Молодечненского района задержан за взятку

    День матери в Вилейке прошел тепло и душевно

    Льготы для ИП

    Французскі аэрапорт названы ў гонар віляйчаніна

    Час «каралевы палёў»

    РУБРИКИ ШП НАШИ АВТОРЫ Яндекс.Метрика