Дзень Перамогі ў Вілейцы

9 Мая – Дзень Перамогі! Напэўна, у кожнай краіны, кожнага народа ёсць свае галоўныя  святы, што адзначаюцца штогод, на працягу доўгага часу. Для нас, беларусаў, гэтымі святамі былі і застаюцца 9 Мая і Дзень Незалежнасці.

IMG_6970

Дзень Перамогі застаецца нязменна важным святам як для нас, так і для ўсіх народаў былога СССР, бо надта вялікая цана была заплочана за тую перамогу. Гэта свята аб’ядноўвае нацыю, аб’ядноўвае народы, ці то, як заўжды, братэрскія, ці то зусім розныя, нават па-рознаму разумеючыя Перамогу, але аб’ядноўвае.

IMG_6967

Сёння глядзіш на сціплых, састарэлых, зусім састарэлых ветэранаў, тых, хто жыў тыя чатыры гады, напоўненыя жахам, крывёю і бясконцым чаканнем – 1418 дзён вайны. Глядзіш на былых дзяўчынак і хлопчыкаў, што мужна, але з тым жа чаканнем і страхам прайшлі ўсе выпрабаванні: голад, холад, страту блізкіх і родных, бясконцы страх і надзею – некалі ж гэта скончыцца, глядзіш на дзяцей вайны, на былых партызан і падпольшчыкаў, на малалетніх вязняў… Няхай нашы дзеці і нашчадкі больш ніколі не зведаюць таго, што прыйшлося перажыць ім…

IMG_6957

Але свята са слязамі радасці на вачах, бо гэта тая доўгачаканая перамога, што нарэшце прыйшла. Кожны год мы разам з ветэранамі і тымі, хто ўсё гэта перажываў, сустракаем Дзень Перамогі.

IMG_6947

Навокал расквечваецца прырода, усё ажывае і абуджаецца, як семдзясят два гады таму абудзілася надзея на новае жыццё. І хоць на гэта 9 мая надвор’е крыху не было падобнае на “цёплы май”, але ўсё навокал нагадвала аб свяце. У вёсках і аграгарадках школьнікі, малодшае пакаленне неслі кветкі да помнікаў, наведвалі і сустракаліся з ветэранамі і ўдзельнікамі вайны, дарылі старэйшаму пакаленню сімвал Перамогі – цюльпаны.

IMG_6942

На вуліцах Вілейкі паўсюдна развешаны рознакаляровыя сцягі, што ўжо за тыдзень нам нагадвалі аб набліжэнні свята – горад сустракае пераможны май, агортваючы гараджан пачуццём гонару за доблесныя подзвігі продкаў, якія застануцца ў памяці нашчадкаў назаўсёды. І гэта не абавязкова за подзвігі Вялікай Айчыннай, магчыма,за яскравыя перамогі ў 1915 годзе, за ўдзел ў вайне пачынаючы з 1939 года ў складзе іншай дзяржавы, гэта, нарэшце,як быццам за самыя сціплыя, але сапраўды велічныя подзвігі, калі простая сялянская жанчына выпякала хлеб партызанам, ці вясковая сям’я, якая хавала яўрэйскіх дзяцей і падлеткаў цаною свайго жыцця, ці простая перадача нейкага паведамлення маленькай дзяўчынкай лясным мсціўцам. Усё гэта велічны подзвіг нашага народа, які мы кожны год праслаўляем і якім мы ганарымся.

IMG_6932

Па традыцыі, віляйчане, працоўныя калектывы і госці нашага горада сабраліся ў 11 гадзін на плошчы Свабоды, каб аддаць сімвалічную даніну памяці ўсім загінуўшым і падзякаваць усім здабыўшым перамогу. Напярэдадні мітынга прадстаўнікі азербайджанскай дыяспары і прадстаўнікі пасольства Азербайджанскай Рэспублікі ў Рэспубліцы Беларусь разам з кіраўніцтвам раёна ўсклалі кветкі да помніка двойчы Герою Савецкага Саюза, легендарнага танкіста Азі Асланава, якому мы абавязаны вызваленнем нашага горада.

IMG_6928

У гэты дзень на плошчы Свабоды традыцыйна гучалі словы падзякі ад кіраўніцтва раёна, словы на ўспамін ад духавенства, традыцыйна ўскладваліся вянкі і кветкі да помнікаў і брацкіх магіл і,самае галоўнае, у калоне Перамогі, што сімвалізуе веліч народа і яго памяць, імкнуліся прайсціся сотні віляйчан. І на гэты раз шэсце з плошчы Свабоды да Цэнтральнай, дзе разгортваліся галоўныя мерапрыемствы з гандлёвымі радамі, дзе адбываўся вялікі святочны канцэрт і дзе традыцыйна адпачываюць цэлымі сем’ямі, было ўнушальным.

IMG_6922

Калону ўзначалілі вайскоўцы ваенна-марской часткі, за імі з выступленнем мажарэтак ішоў духавы аркестр у суправаджэнні кіраўніцтва, калоны “Бессмяротнага палка”, што ўжо традыцыйна таксама нёс фотаздымкі і партрэты ветэранаў, якія заўжды нябачна прысутнічаюць з намі. Тут жа маладыя маці з каляскамі і дзясяткі шматлікіх прадстаўнікоў працоўных  калектываў, што ствараюць менавіта сёння  славу і гонар нашага краю.

IMG_6919

Калона прыгожа прайшла ўздоўж галоўнай сцэны,запаўняючы плошчу святочным натоўпам. Выставы-продаж рамеснікаў, рыцары, салдацкая каша, рэтра-тэхніка ад вілейскага каледжа – усё стварала атмасферу непаўторнага свята. А масавы флэшмоб дзяцей прымусіў ветэранаў і жыхароў горада ўсміхнуцца і праслязіцца ад замілавання.

IMG_6911

Святочны дзень працягваўся ў парку, дзе шматлікія гараджане і госці адпачывалі, танчылі і віншавалі адзін аднаго. А ўвечары запалілі свечку памяці і ўжо пад покрывам цемры адпачывалі з мелодыямі святочнага вячэрняга канцэрта. Свята па-сапраўднаму адзначылі з веліччу і яскрава. Вечная памяць героям!

Сяргей ГАНЧАР.
Фота аўтара і Аляксея КАМІНСКАГА

IMG_6911

IMG_6910

IMG_6906

IMG_6848

IMG_6853

IMG_6868

IMG_6893

IMG_6846

IMG_6840

IMG_6831

IMG_6814

IMG_6807

IMG_6805

IMG_6784

IMG_6781

DSCF3892

DSCF3949

DSCF3971

DSCF3988

DSCF3881

DSCF3866

DSCF3862

image-0-02-04-08b4f551dc4113f705ed44af1a228cc84dd2f3ac46434918ccba19caefa5c12d-V

image-0-02-04-da0c7b6ab235adc978853aa23f06e0ac16dcd56381a5d541253ec7f95b370db5-V

image-0-02-05-ae32fb1232eb037fe386e4b0f0550baa3a5d92b96a4eff75d5c4e28f4179b26f-V


1 Ответ в “Дзень Перамогі ў Вілейцы”

Написать комментарий

НОВОСТИ

Пьяный 18-летний водитель не уступил дорогу пожарной машине. Произошло столкновение

Автомобиль «Евроторга» в Вилейском районе занесло на дороге и выбросило в кювет

На пл.Свободы произошло ДТП с участием 3-х автомобилей

На перекрёстке столкнулись два автомобиля в Вилейском районе

САМОЕ ЧИТАЕМОЕ

  • На пл.Свободы произошло ДТП с участием 3-х автомобилей - 11 декабря 2017 (686)
  • Пьяный 18-летний водитель не уступил дорогу пожарной машине. Произошло столкновение - 11 декабря 2017 (677)
  • Автомобиль "Евроторга" в Вилейском районе занесло на дороге и выбросило в кювет - 11 декабря 2017 (351)
  • Предновогодний обзор "ШП": Куда пойти с ребенком? - 11 декабря 2017 (188)
  • Рыбак на берегу Вилии возле "Стройдеталей" обнаружил тело утонувшего мужчины - 11 декабря 2017 (175)
  • У любого жителя Вилейки есть возможность стать Дедом Морозом - 11 декабря 2017 (159)
  • У баявой гатоўнасці - 11 декабря 2017 (25)
  • ВСЕ НОВОСТИ

    Предновогодний обзор «ШП»: Куда пойти с ребенком?

    Рыбак на берегу Вилии возле «Стройдеталей» обнаружил тело утонувшего мужчины

    Пьяный 18-летний водитель не уступил дорогу пожарной машине. Произошло столкновение

    У баявой гатоўнасці

    Автомобиль «Евроторга» в Вилейском районе занесло на дороге и выбросило в кювет

    У любого жителя Вилейки есть возможность стать Дедом Морозом

    На пл.Свободы произошло ДТП с участием 3-х автомобилей

    На перекрёстке столкнулись два автомобиля в Вилейском районе

    В деревне Речки Вилейского района после службы горела церковь

    В прокуратуре Минской области состоялось совещание Минского областного объединения профсоюзов и прокуратуры Минской области

    РУБРИКИ ШП НАШИ АВТОРЫ
    Яндекс.Метрика


    Разработка ИП Харитончик А.Н.