На полі з раніцы да вечара…

Дамаўляючыся пра сустрэчу з кіраўніком ААТ «Сцешыцы» Ігарам  Багданавым, пачула ад яго: «Прыязджайце  ў любы час. Я на полі з раніцы да вечара». У гэтых кароткіх словах – галоўнае,  надзвычайна важнае,  што характарызуе кіраўніка. Быць у гушчыні падзей, сярод людзей, на свае вочы бачыць рэальную карціну кожнага дня і кожнай справы – гэта, як мне здаецца, якраз і адрознівае кіраўніка, сапраўднага гаспадара ад абыякавага начальніка.

Напярэдадні ў Вілейцы прайшоў дождж, праляцела бура, а тут, у Сцешыцах, надвор’е было сонечнае. Нібыта прырода наўмысна не пажадала парушаць клопаты тутэйшых сяльчан.
Галоўная тэма ў гаспадарках раёна сёння, вядома, нарыхтоўка кармоў. Пра яе завялі гаворку са старшынёй.

IMG_3565

– У нас склалася добрае супрацоўніцтва з «Першым Беларускім», – пачаў расказваць Ігар Віктаравіч. – Працуем цяпер на нарыхтоўцы кармоў як адна сям’я. То ў іх косяць нашы і іх агрэгаты, то ў нас. Скасілі, дапусцім,  травы на іх палях, і пакуль там парадкуюцца, тэхніка перамяшчаецца на нашы.  Вось такая сумесная дзейнасць дзвюх гаспадарак.

І сапраўды, на полі, дзе мы прыпыніліся на хвілінку, каб пагутарыць з трактарыстамі і вадзіцелямі,  занятымі на касьбе, сустрэлі і людвіноўскіх працаўнікоў. Падумалася, што ёсць у гэтай практыцы нешта ад  нашай спаконвечнай беларускай талакі, калі рабілі справы разам, і яны ладзіліся.

IMG_3569

Сустракаючыся з працаўнікамі ААТ «Сцешыцы», міжволі адзначаеш, што яны ў асноўным маладога ўзросту. Урэшце, як і сам кіраўнік гаспадаркі. Але ж, як высветлілася, не толькі ўзрост бярэцца тут да ўвагі. Хутчэй,  назіраецца разумнае супрацоўніцтва маладых ініцыятыўнасці, запалу з багатым вопытам. Вось, да прыкладу, аграном па корманарыхтоўках Генадзь Корбіт адпрацаваў у гаспадарцы болей за тры дзясяткі гадоў. Дваццаць адзін год загадваў жывёлагадоўчай фермай і вось ужо дзясятак гадоў адказвае  за корманарыхтоўкі. Што і казаць, разумнае рашэнне прынялі:  хто лепш ведае ўсё пра «меню» для буйной рагатай жывёлы, як не чалавек, які столькі гадоў непасрэдна з ёй працаваў?

IMG_3578

– Травы добрыя, тэхналагічныя параметры закладкі сенажу – належныя, тэмпература і вільготнасць масы – захоўваюцца, працуем з шасці раніцы, – так акрэсліў сітуацыю з корманарыхтоўкай Генадзь Васільевіч. – Так што ўсё ў нас нармальна.

Акінуўшы вокам скошанае поле, убачыла, як працаўнік гаспадаркі абкошвае ўручную чубы травы ля слупоў, куды тэхнікай не дабрацца. Што ж, калі рабіць справу, дык па-гаспадарску.

Ля сянажнай траншэі, якую толькі-толькі пачалі запаўняць, сустрэліся з галоўным энергетыкам гаспадаркі Маркам Наркевічам і загадчыцай участка Ірынай  Азончык. У іх цяпер адказная справа – сачыць, каб маса, што ўтрамбоўваецца, была належнай вільгаці.

IMG_3562

Марк Наркевіч працуе ў гаспадарцы каля двух гадоў. Сам з Вілейкі, але і сельскі ўклад жыцця яму па душы.  А чаму б і не? Праца тых, хто выконвае яе сумленна і прафесіянальна, аплочваецца дастойна. Для маладых сямей будуецца жыллё. Усе аб’екты сацкультбыту таксама ёсць. А галоўнае – такая навокал прырода!

– І ўсё ж пра самае галоўнае не сказалі – пра людзей,– дадаў на развітанне Ігар Багданаў. – Яны тут цудоўныя – працавітыя, спагадлівыя, чулыя.

За гады працы ў гаспадарцы малады кіраўнік, відаць па ўсім,  палюбіў гэты край і яго людзей. «Мы – як адна сям’я»… Словы, сказаныя Ігарам Віктаравічам, азначаюць вельмі многае. Таму, пэўна, і справы ў гаспадарцы ладзяцца.

Ірына БУДЗЬКО.
Фота Аляксея КАМІНСКАГА


Написать комментарий

НОВОСТИ

Беларусбанк: 28 апреля ожидаются перерывы в обслуживании держателей карточек

26-27 апреля ожидаются кратковременные дожди, местами грозы

Профсоюзные правовые приемы пройдут 26 апреля в Беларуси

Женщина-браконьер с уловом задержана на Вилейском водохранилище

САМОЕ ЧИТАЕМОЕ

  • В Беларуси внесены изменения в порядок изъятия водительского удостоверения - 25 апреля 2018 (598)
  • Богомолы поселились у вилейчанина дома. Около 200 насекомых появилось из букета мимозы - 25 апреля 2018 (488)
  • На две недели отключат горячую воду в Вилейке - 25 апреля 2018 (426)
  • Мужчина "прогулял" чужие 1,5 тысячи долларов - 25 апреля 2018 (399)
  • Начать капитальный ремонт станционного здания в Вилейке планируют в 2018-м году - 25 апреля 2018 (284)
  • Фоторепортаж. Отчётный танцевальный концерт хореографического отделения Вилейской детской школы искусств - 26 апреля 2018 (254)
  • Женщина-браконьер с уловом задержана на Вилейском водохранилище - 25 апреля 2018 (164)
  • Юные математики Вилейки показали свои таланты в интернет-олимпиаде - 25 апреля 2018 (59)
  • Профсоюзные правовые приемы пройдут 26 апреля в Беларуси - 26 апреля 2018 (48)
  • За вознаграждение выдавали фиктивные свидетельства о переподготовке - 26 апреля 2018 (46)
  • ВСЕ НОВОСТИ

    Ильянское подполье – люди и судьбы

    Вилейский Дом ремёсел приглашает принять участие в бесплатных мастер-классах

    Пад ветразем навукі і … кахання

    Интервью «Сны о малой родине»

    За вознаграждение выдавали фиктивные свидетельства о переподготовке

    XXVIII Открытая научно-практическая конференция учащихся «Красноречие искусств»

    В Вилейке провели акцию в защиту природы «Сохраним первоцветы»

    Информация о борьбе с коррупцией в Минской области

    Когда сведения – ложные

    О предоставлении льгот гражданам, пострадавшим от катастрофы на Чернобыльской АЭС

    РУБРИКИ ШП НАШИ АВТОРЫ
    Яндекс.Метрика