Як склалася жыццё віляйчаніна, які здаў тэст на 100 балаў амаль 10 год таму

100 балаў на ЦТ узнагарода за стараннасць
У Беларусі завяршылася цэнтралізаванае тэсціраванне. Большасць абітурыентаў ужо атрымалі запаветныя сертыфікаты і ўзважылі свае шанцы. Да прыёму дакументаў у ВНУ яшчэ ёсць час падумаць над выбарам будучай прафесіі. А імя Антона Бельскага ўжо ўвайшло ў гісторыю, хай пакуль і мясцовага маштабу. Выпускнік СШ №3 з Вілейкі ў 2008 годзе здаў тэст па беларускай мове на 100 балаў і аказаўся адным сярод васьмі абітурыентаў, якім удалося дасягнуць максімальнага выніку па прадмеце.

Бельский

Любы поспех – гэта магутны стымул, які дазваляе ісці далей. Аднак Антон прызнаецца, што яго максімальны вынік па беларускай мове на студэнцкія гады вялікага ўплыву не аказаў. Іншая рэч – вялікая цікавасць да прадмета і абранага кірунку. У пятым класе хлопец захапіўся вывучэннем англійскай мовы. У сёмым – стаў даволі добра разбірацца ў матэматыцы. Прыкладна ў гэты ж час зацікавіўся біялогіяй. “Было цікава саджаць ды гадаваць дома ўсялякія расліны”, – успамінае Антон. У старэйшых класах, калі адбывалася раздзяленне на профілі, свядома выбраў эканамічны кірунак, дзе паглыблена вывучалі англійскую мову і матэматыку. А на цэнтралізаваным тэсціраванні 2008 года здаваў беларускую і англійскую мовы, а таксама матэматыку. “Да тэстаў рыхтаваўся з дапамогаю школьных заняткаў, а таксама рэпетытараў”, – кажа Антон. А беларускую мову выбраў таму, што яе граматыка і правілы здаваліся яму прасцейшымі і паслядоўнейшымі ў параўнананні з рускай.

– За вынік шчыра ўдзячны сваёй рэпетытарцы Зінаідзе Паўлаўне Матусевіч, якая за кароткі перыяд здолела палепшыць і сістэматызаваць мае веды. Ну і, канечне, вялікую ролю мела самастойная падрыхтоўка і ўсебаковае вывучэнне прадмета.

Хлопец прызнаецца, што мэты атрымаць максімальны вынік тады сабе не ставіў. З агульнаю сумай у 331 бал паступіў у Акадэмію кіравання пры Прэзідэнце Рэспублікі Беларусь на спецыяльнасць “Дзяржаўнае кіраванне і эканоміка”, якую ўдала скончыў у 2013 годзе. Веды, новыя знаёмствы і сацыялізацыя, якія даў універсітэт, аказаліся карыснымі ў жыцці. Яшчэ ў час навучання Антон зацікавіўся інфармацыйнымі тэхналогіямі. І, паглыбіўшыся ў гэтую сферу, пачаў працаваць тэставальнікам праграмнага забеспячэння, чым займаецца і да гэтай пары.

– З’ехаць і паспрабаваць сябе за мяжой? Не, такіх думак няма, – кажа Антон. – Маю цікавую працу, захапленні, сяброў і натхненне ў Беларусі. Дзе завязалі пупок, там і родны куток.

А будучым абітурыентам Антон раіць загадзя, хаця б за гады два да сканчэння школы, вызначыцца з прадметамі, якія будуць здаваць на ЦТ.

– У школе больш увагі патрэбна прысвячаць менавіта ім, а таксама многа рыхтавацца самастойна. Калі патрэбна – звярнуцца па дапамогу да рэпетытараў, каб удасканаліць свае веды.

Антон запэўнівае, што ўсё ведаць немагчыма, ды і не трэба. Таму, каб атрымаць добры вынік, ён прапаноўвае засяродзіцца на школьнай праграме.

– У кожным прадмеце ёсць тыповыя памылкі, якія дапускаюць няўважлівыя абітурыенты. Таму варта загадзя пра гэтыя пасткі даведацца. Для гэтага існуюць адпаведныя матэрыялы-памочнікі. Чытайма падручнікі, дыхайма свежым паветрам і высыпаймася – і тады ўсё абавязкова атрымаецца!

Дарэчы, сёлета тэсціраванне па беларускай мове напісалі 28,5 тысячы абітурыентаў, што на 6 тысяч больш, чым летась. Гэта звязана, у тым ліку, з новаўвядзеннем уступнай кампаніі-2017: абітурыенты могуць выбраць для здачы ЦТ чатыры прадметы, а падаваць у прыёмную камісію вынікі трох самых паспяховых. Дадзеныя аб колькасці 100-бальнікаў па выніках тэсціравання ў гэтым годзе будуць апублікаваныя пасля 10 ліпеня, калі абітурыенты пройдуць апошнія выпрабаванні ў дадатковыя дні здачы тэстаў.

Кацярына КАРПІК.
Фота Алены РАМАШКО


Написать комментарий

НОВОСТИ

В Вилейке якобы отключилось электричество. В рамках учений спасатели тестируют возможности раздела МЧС «Помощь рядом» «Сообщить о проблеме»

Проводится отбор кандидатов для поступления в Академию МВД Республики Беларусь

Жители Вилейки 20 октября смогут бесплатно измерить давление на семи площадках города

Мужчина без прав гонял на скутере по деревне в Вилейском районе и наехал на авто

САМОЕ ЧИТАЕМОЕ

  • Сеансы кинотеатра «Мир» (18 октября – 29 октября) - 17 Октябрь 2017 (1542)
  • Помочь лайком 3-летней Саше из агр. Шиловичи с диагнозом ДЦП может каждый - 17 Октябрь 2017 (1098)
  • Накануне Дня матери две вилейчанки стали мамами - 17 Октябрь 2017 (857)
  • Вилейчанин украл ящик с пожертвованиями на "козий" мостик - 17 Октябрь 2017 (489)
  • Мужчина без прав гонял на скутере по деревне в Вилейском районе и наехал на авто - 17 Октябрь 2017 (302)
  • Снимки, на которых удалось запечатлеть всю палитру осени в Вилейке - 18 Октябрь 2017 (293)
  • Сотрудники ГАИ в Вилейке проверят – носят ли пешеходы и велосипедисты фликеры - 17 Октябрь 2017 (192)
  • Жители Вилейки 20 октября смогут бесплатно измерить давление на семи площадках города - 18 Октябрь 2017 (140)
  • Проводится отбор кандидатов для поступления в Академию МВД Республики Беларусь - 18 Октябрь 2017 (117)
  • Коммунальные услуги будут дорожать. Что ждет белорусов в 2018-м? - 19 Октябрь 2017 (96)
  • ВСЕ НОВОСТИ

    Коммунальные услуги будут дорожать. Что ждет белорусов в 2018-м?

    Житель Молодечно после ДТП не оказал помощь пассажирам и скрылся с места происшествия

    В отношении бывшего директора ГП «Борисовводоканал» возбуждено уголовное дело за обман потребителей

    Пілігрымка з Вілейкі ў Фаціму адбылася на заканчэнне юбілейнага года фацімскіх аб’яўленняў

    В здании Дом быта днём у вилейчанина украли велосипед

    Вилейский колледж получил сертификат Евросоюза на ведение экологически чистого земледелия

    Белорусские медики поделились с иностранными коллегами опытом установки слуховых имплантов

    26 октября – премьера фильма «Матильда» 2D

    Мужчина украл велосипед на ж/д ст. «Беларусь» и на поезде уехал в сторону Молодечно. Милиция просит помощи

    Составлен рейтинг 20 самых раздражающих типов людей. А вы в списке?

    РУБРИКИ ШП НАШИ АВТОРЫ Яндекс.Метрика