У абласным велапрабеге каманда з 10 віляйчан пераадолела 42 км на веласіпедзе

15 ліпеня на тэрыторыі Стаўбцоўскага раёна прайшоў традыцыйны абласны велапрабег, прысвечаны 72-й гадавіне Перамогі ў Вялікай Айчыннай вайне і 135-годдзю з дня нараджэння Якуба Коласа. Гэта ўжо трэці па ліку веласіпедны тур, які арганізуе Мінскі абласны выканаўчы камітэт, дзе прымаюць удзел каманды ўсіх раёнаў Мінскай вобласці.

IMG_8489

У гэтым годзе каманду Вілейскага раёна, якая складалася з прадстаўнікоў райвыканкама і яго структурных падраздзяленняў, узначаліла намеснік старшыні райвыканкама Святлана Дзяруга. Кожны з каманды таксама прадстаўляў грамадскія арганізацыі “ Белая Русь” і “ЗОВіК”, у адпаведнай форме. Каманда з дзесяці віляйчан пераадолела 42 км на веласіпедзе па маршруту Стаўбцы – Вішнявец – філіял літаратурнага музея Якуба Коласа – турыстычны комплекс «Высокі бераг». На апошняй кропцы маршруту, каля турыстычнага комплексу «Высокі бераг», быў абсталяваны базавы лагер непасрэдна на беразе Нёмана. Пасля асноўнага веласіпеднага туру каманды раёнаў і структур аблвыканкама паўдзельнічалі ў спаборніцтвах па кіданні валёнка, дартсе, фігурным ваджэнні веласіпеда і стральбе з пнеўматычнай вінтоўкі. Каманда Вілейскага раёна ў агульнакамандным заліку ўвайшла ў пяцёрку мацнейшых.

IMG_8485

Усяго ў велапрабегу ў Стаўбцоўскім раёне прыняло ўдзел каля паўтысячы чалавек. Распачаўся велапрабег раніцай у цэнтры Стаўбцоў на плошчы Бессмяротнасці, дзе былі сабраны ўсе каманды-удзельніцы са сцягамі і веласіпедамі. Удзельнікаў велапрабегу павітаў старшыня Мінаблвыканкама Анатоль Ісачанка, які ў сваёй прамове адзначыў:

IMG_8509

– Такія велапрабегі ўжо сталі добрай традыцыяй. На іх збіраецца кіраўніцтва вобласці, прадстаўнікі мясцовай улады, грамадскіх арганізацый. Падобныя спартыўныя мерапрыемствы аб’ядноўваюць людзей і спрыяюць папулярызацыі здаровага ладу жыцця, прыцягваюць людзей да заняткаў спортам. Прыемна, што акцыя праходзіць у Стаўбцоўскім раёне, на радзіме Якуба Коласа. Праязджаючы па гэтых мясцінах, ды і навогул па ўсёй Беларусі, ўспамінаеш яго словы: «Мой родны кут. Як ты мне мілы!»

IMG_8522

Пасля ўрачыстай прамовы Анатоль Ісачанка і старшыня Стаўбцоўскага райвыканкама Юрый Горлаў усклалі вянок да манумента ў памяць савецкім воінам і партызанам, якія змагаліся за Радзіму ў гады Вялікай Айчыннай вайны. Памяць вызваліцеляў ушанавалі і прадстаўнікі велапрабегу ад кожнага раёна.

IMG_8578

Мерапрыемства было арганізавана на высокім узроўні, і таму паспрыяла нават суботняе надвор’е. Але самае галоўнае – яно паказала, што веласіпед можа быць не толькі спартыўным сродкам, але і часткай цудоўнага адпачынку і сродкам пазнання свайго края. Як адзначыла капітан вілейскай каманды Святлана Дзяруга:

IMG_8511

– Веларух з кожным годам набывае ўсё большую папулярнасць. Вельмі шмат для папулярызацыі веласіпеднага руху робіцца і на Вілейшчыне – больш становіцца ўладкаваных веласцежак,ствараюцца пляцоўкі для заняткаў велафрыстайлам, праводзіцца шэраг знакавых мерапрыемстваў, сярод якіх і раённыя велапрабегі і акцыі «Пасябруй з веласіпедам», або «Дзень без аўтамабіля» і многае іншае. Для большасці віляйчан, веласіпед заўжды быў і застаецца даступным і простым сродкам для падтрымання добрай фізічнай формы ці проста выкарыстоўваецца для перамяшчэнняў па горадзе і раёне. А для некаторых гэта і сродак для падарожжаў, калі ёсць адчуванне рэальных зносін з прыродай, а падчас паездак можна проста спыніцца і палюбавацца прыгожымі краявідамі.

IMG_8572

Як адзначалася, велапрабег па памятных месцах у Мінскай вобласці праводзіцца ўжо трэці год запар. У асноўным у ім ўдзельнічаюць аматары, але на трасе быў заўважаны і знакаміты велагоншчык, ураджэнец Мінскай вобласці, алімпійскі чэмпіён Алімпіяды ў Манрэалі 1976 гада, чэмпіён свету 1977 года Уладзімір Камінскі. Дарэчы, ехаў ён не на імпартнай тэхніцы, а на беларускім «Аисте». Таксама сярод удзельнікаў быў і яшчэ адзін ветэран веласпорту, член трэнерскага савета федэрацыі веласпорту Мінскай вобласці Уладзімір Мацулевіч.

IMG_8556

Па ўсім шляху руху веласіпеднага туру, у кожнай вёсцы ўдзельнікаў актыўна сустракалі мясцовыя жыхары, а ў буйных аграгарадках, дзе існуюць школы – дзеці з шарыкамі і беларускімі сцяжкамі. Месцам першай стаянкі стала вёска Вішнявец, дзе прывал быў арганізавалі на беразе жывапіснага вадаёму. Там усе ўдзельнікі пасля пераадольвання амаль паловы шляху змаглі папіць вады, гарбаты з мёдам або падправіць свой велатранспарт. Затым, амаль перад фінішам, за пяць кіламетраў да турыстычнага комлексу, была арганізавана стаянка ў філіяле літаратурнага музея Якуба Коласа на літаратурна-мемарыяльным комплексе Смольня – былой сядзібе Міцкевічаў (родных Якуба Коласа), якія жылі тут з 1910 года. Знаходзіцца музей за 1,5 км ад вёскі Мікалаеўшчына Стаўбцоўскага раёна. Доўгі час тут жыў сам паэт, а таксама неаднойчы прыязджаў і працягваў тут працу над паэмамі «Новая зямля» і «Сымон-музыка». Удзельнікі велапрабегу наведалі адноўленую хату з гаспадарчымі пабудовамі пад саламянымі стрэхамі, сфатаграфаваліся пад векавымі ліпамі, якія пасадзіў сам пясняр у 1911 годзе, а таксама наведалі спецыяльна ўзведзены двухпавярховы будынак літаратурнага музея. Пасля наведвання музея праз некалькі кіламетраў адбыўся фініш велапрабегу, дзе пасля адпачынку каманды пачалі спаборнічаць у разнастайных відах актыўнага спорту.

IMG_8547

Кожны з удзельнікаў, хоць крыху і прытаміўся, але аднагалосна адзначаў, што такія мерапрыемствы вельмі неабходныя. Гэта дае магчымасць унесці ў сваё жыццё разнастайнасць і азарт. І як адзначылі арганізатары, яны спадзяюцца, што пасля гэтага велапрабегу ў многіх з’явіцца жаданне часцей катацца на веласіпедзе і больш рухацца.

IMG_8592

Сяргей ГАНЧАР. 
Фота аўтара


Написать комментарий

НОВОСТИ

В Вилейке состоялась презентация новой уникальной выставки Владимира Лиходедова, посвящённой Тадеушу Костюшке

Закрытие детского художественного пленэра имени Н. Силивановича

Родители Насти Питерской просят помочь спасти жизнь их единственной дочери

Вилейский райисполком предлагает заключить целевой договор с выпускниками 2018 года

САМОЕ ЧИТАЕМОЕ

  • Сеансы кинотеатра «Мир» (20 – 24 июня) - 18 июня 2018 (2529)
  • Водитель снёс остановку в Вилейском районе. ГАИ ищет очевидцев - 18 июня 2018 (588)
  • Горе-рыболова задержали на Вилейском водохранилище - 18 июня 2018 (343)
  • Пресечена попытка дачи взятки сотруднику ГАИ - 18 июня 2018 (79)
  • Выратавальнікі Вілейшчыны з Даўгінава - 18 июня 2018 (29)
  • Инспектор ИДН – юрист, педагог и психолог… - 18 июня 2018 (21)
  • Сегодня в Вилейке ожидается до плюс 27 градусов тепла - 18 июня 2018 (14)
  • На этой неделе ГАИ обратит внимание на правила обгона и маневрирования - 18 июня 2018 (8)
  • «Прямую телефонную линию» и прием граждан проведет замначальника УСК по Минской области - 18 июня 2018 (4)
  • Агрометеорологическая ситуация в центральных и восточных районах Беларуси улучшилась - 18 июня 2018 (2)
  • ВСЕ НОВОСТИ

    На этой неделе ГАИ обратит внимание на правила обгона и маневрирования

    Горе-рыболова задержали на Вилейском водохранилище

    Пресечена попытка дачи взятки сотруднику ГАИ

    «Прямую телефонную линию» и прием граждан проведет замначальника УСК по Минской области

    Агрометеорологическая ситуация в центральных и восточных районах Беларуси улучшилась

    Выратавальнікі Вілейшчыны з Даўгінава

    Инспектор ИДН – юрист, педагог и психолог…

    Водитель снёс остановку в Вилейском районе. ГАИ ищет очевидцев

    Сегодня в Вилейке ожидается до плюс 27 градусов тепла

    Сеансы кинотеатра «Мир» (20 – 24 июня)

    РУБРИКИ ШП НАШИ АВТОРЫ
    Яндекс.Метрика