На любанскай зямлі зажынкі

Сапраўдным святам сталі на любанскай зямлі зажынкі, якія прайшлі ў мінулую суботу на полі непадалёк ад Снежкава. Тут сабраліся галоўныя героі жніва – кіраўніцтва і камбайнеры ААТ «Новая Любанія», самадзейныя артысты і ўсе тыя,  каму неабыякавыя клопаты хлебаробаў. Кожны ўсведамляў, што ўсё зерне, сабранае своечасова і без страт, некалі ляжа караваем на нашым агульным стале. А ўжо якой важкасці будзе той каравай, залежыла і залежыць ад іх, людзей нялёгкай, але высакароднай прафесіі. Ім усім юныя любанцы, удзельнікі фальклорнага ансамбля «Дзіва» пад кіраўніцтвам Наталлі Дзік, уручылі кветкі і музычныя віншаванні.

DSCF7665(1) DSCF7588(1) DSCF7591(1) DSCF7593(1) DSCF7603(1) DSCF7618(1) DSCF7621(1) DSCF7632(1) DSCF7638(1) DSCF7654(1)

Ад душы выступіла агітбрыгада ў складзе загадчыка Любанскага сельскага ДК Юрыя Касцюкевіча, вілейскіх артыстаў Марыны Заяц, Ігара Петуха і Аляксея Камінскага. Гэта яны стварылі людзям святочны настрой, зарадзілі аптымізмам і ўпэўненасцю ў сваіх сілах.

Хлебаробы з адказнасцю ішлі да жніўнай пары: апрацоўвалі-ўгнойвалі глебу, сеялі адборнае зерне, даглядалі-песцілі збажыну, аж пакуль не прыйшла пара яе ўбіраць. Гэтым часам рыхтавалася тэхніка, рабілася ўсё для таго, каб камбайнеры не трацілі ў гарачы час ніводнай хвіліны.
Пра ўсё гэта гаварылася на свяце. І словы асаблівай падзякі былі ў адрас кіраўніцтва, на плячах якога нялёгкія клопаты. Нездарма ж у народзе кажуць, што гаспадарку весці – не лапці плесці. У «Новай Любаніі» зараз новы дырэктар – Арцём Віннік, які і сказаў добрыя словы ў адрас хлебаробаў, даючы старт важнай справе. Па добрай традыцыі яму быў уручаны сноп спелага жыта, які дырэктар падкінуў высока ўгору, а ўсе прысутныя загадалі тры жаданні. Якія? Здагадацца няцяжка: каб спрыяла надвор’е, не падводзіла тэхніка і ўсё, да каласочка, убралася. Што ж, няхай задуманае збываецца.
Здаўна ў быце беларускіх сялян быў звычай у час зажынак частавацца духмяным хлебам. Гэта прадвяшчала багаты ўраджай. Вось і зараз любанскія хлебаробы з задавальненнем паспыталі смачнага каравая, якім усіх пачаставаў камбайнер Дзмітрый Кізік. І гучалі цёплыя песні…
Думаю, ніхто не стане аспрэчваць таго, што адной з галоўных фігур у сельскай гаспадарцы з’яўляецца аграном. Ён і араты, і сейбіт, і тэхнолаг. У «Новай Любаніі» галоўны аграном таксама малады і ініцыятыўны – Іван Дземянкоў. Гэта яму быў уручаны святочны вянок, а дзіцячы фальклорны гурт павіншаваў яго песняй «А ў нашага пана зажыначкі рана». Віншаванні з юбілеем атрымаў і загадчык гаража гаспадаркі Генадзь Хітрык.
Яшчэ адзін надзвычайна важны момант зажынак – просьба аб Божым благаслаўленні вялікай і надзвычай адказнай справы. Настаяцель Куранецкага храма айцец Аляксандр адслужыў на полі малебен, які стане дапамогай у напружанай працы.
Дабра і шчасця вам, зямныя людзі!
Майстры жыцця, работнікі зямлі!
Няхай удача з вамі ў дружбе будзе,
Хай працы вашай будзе плён вялік!
Прагучалі гэтыя словы-пажаданні, і вось – галоўны момант свята: дырэктар дае старт камбайнам, адпраўляючы іх у поле. Да рапсу, які ўбраны ў гаспадарцы з трохсот гектараў, далучаецца яравы ячмень, а на чарзе – жыта… Працоўныя будні працягваюцца.
Ірына БУДЗЬКО.
Фота Аляксея КАМІНСКАГА


Написать комментарий

НОВОСТИ

Из-за сильного ветра на Вилейщине без электричества оставались 9 населённых пунктов

ФОТОРЕПОРТАЖ: Республиканский субботник на Вилейщине

Двое мужчин обокрали гараж вилейчанина

Вилейский школьник собрал кубик Рубика за 34 секунды

САМОЕ ЧИТАЕМОЕ

  • Сеансы кинотеатра «Мир» (25 апреля – 1 мая) - 23 апреля 2018 (2367)
  • ФОТОРЕПОРТАЖ: Республиканский субботник на Вилейщине - 23 апреля 2018 (357)
  • Вилейчанин купил автомобиль с поддельными документами - 23 апреля 2018 (327)
  • Из-за сильного ветра на Вилейщине без электричества оставались 9 населённых пунктов - 23 апреля 2018 (151)
  • VI Международный фестиваль ретро-мотоциклов «Кола Часу 2018» планируют провести на Вилейском водохранилище - 23 апреля 2018 (96)
  • Двое мужчин обокрали гараж вилейчанина - 23 апреля 2018 (51)
  • Начался прием заявок на участие в Национальном конкурсе «Предприниматель года» - 23 апреля 2018 (35)
  • Гитарист из Вилейки среди лучших юных музыкантов Минской области - 23 апреля 2018 (30)
  • За стекший период года на территории Вилейского района зарегистрировано уже два случая ботулизма - 23 апреля 2018 (15)
  • Завершено расследование уголовного дела о жестоком убийстве жительницы Клецка - 23 апреля 2018 (14)
  • ВСЕ НОВОСТИ

    Гитарист из Вилейки среди лучших юных музыкантов Минской области

    За стекший период года на территории Вилейского района зарегистрировано уже два случая ботулизма

    Командно-штабное учение подтвердило готовность УЗ «Вилейская ЦРБ»

    Начался прием заявок на участие в Национальном конкурсе «Предприниматель года»

    VI Международный фестиваль ретро-мотоциклов «Кола Часу 2018» планируют провести на Вилейском водохранилище

    Вилейчанин купил автомобиль с поддельными документами

    Завершено расследование уголовного дела о жестоком убийстве жительницы Клецка

    Из-за сильного ветра на Вилейщине без электричества оставались 9 населённых пунктов

    ФОТОРЕПОРТАЖ: Республиканский субботник на Вилейщине

    Двое мужчин обокрали гараж вилейчанина

    РУБРИКИ ШП НАШИ АВТОРЫ
    Яндекс.Метрика