Альковіцкая талака

І зноў мы на раёне ў пошуках актыўных і дзейных людзей, якія сваёй працай, запалам і энергіяй падштурхоўваюць сваіх аднавяскоўцаў да лепшага, да дзейнасці. На гэты раз прыехалі ў вёску Альковічы, цяпер ужо Ільянскага сельскага Савета, хаця яшчэ нядаўна – цэнтра самастойнай тэрытарыяльнай адзінкі. Аднак, час заўжды ўносіць свае карэктывы, што ж зрабіць, ён ідзе і ўсё змяняецца. Крочым па вясковай вуліцы з намеснікам старшыні Вілейскага раённага Савета дэпутатаў Таццянай Цітуленка.

Першае, што яшчэ на пад’ездзе да вёскі паўстае ў краявідзе – гэта старажытны і велічны касцёл, які сваім строгім выглядам, нагадваючы вытрыманы сілуэт скандынаўскай архітэктуры, але з уласцівымі арыгінальнымі рысамі беларускага дойлідства, сустракае кожнага падарожніка, кожнага аднавяскоўца. Ён, як вартавы,стаіць на абароне сваёй тэрыторыі ўжо больш стагоддзя, праўда, зведаўшы і занядбанне, і пажар, і сваё аднаўленне. Чаго, на жаль, нельга сказаць пра многія “манументальныя” будынкі самой вёскі. Канешне, у свой час, калі ў вёсцы кіпела і вірыла жыццё, кожны новы будынак быў надзённай патрэбай. А цяпер… не. Больш няма ў Альковічах клуба, спусташэлым выглядае і месца, дзе некалі стаяла кнігарня, больш не сустракае сваіх пакупнікоў памяшканне прамтаварнага магазіна і харчовай крамы. Цяпер невялікую колькасць карэнных жыхароў абслугоўвае аўталаўка, на дзень вёскі прыязджаюць самадзейныя артысты з канцэртамі, а састарэлым людзям дапамагаюць сацыяльныя работнікі. Час уносіць свае карэктывы, і ў такой вялікай інфраструктуры ўжо няма патрэбы.
Каля касцёла сустракаем мясцовага пробашча – ксяндза Анатоля. Ён чалавек неабыякавы, ініцыятыўны, нават, як прызнаюцца прыхаджане, часам строгі, але справядлівы.
– Колькі разоў бачыла,як ксёндз Анатоль з бензакасой скошваў тэрыторыю, – расказвае Таццяна Чаславаўна,– і не толькі каля касцёла, але і каля нядзеючага будынка сельсавета, вакол мясцовага вадаёма. Паглядзіце, у якім стане тэрыторыя касцёла – стромкія туі ўпрыгожваюць акаляючую будынак сцежку, тут ён шчыруе разам з вернікамі. За апошнія гады касцёл вярнуў свае старажытныя святыні, якія былі некалі скрадзеныя, ці проста вывезеныя, цяпер жа некаторыя з іх сумеснымі намаганнямі з мецэнатамі адрэстаўраваны і занялі сваё першапачатковае месца. А паглядзіце, у якой колькасць кветак патанае плябанская тэрыторыя.
– Тут жывуць добрыя і працавітыя людзі, – падтрымлівае размову ксёндз Анатоль, – таму сумесна мы робім шмат. Не так даўно пачысцілі сажалку, зараз у планах акультурыць навакольную тэрыторыю. Вакол хапае месца і, мяркую, мы тут высадзім невялікі скверык, каб было больш утульна ў вёсцы. Хоць Альковічы не мая малая радзіма, але за столькі год служэння тут я прырос душой да мясцовасці. Зараз для мяне ўсё тут блізкае, знаёмае і роднае. З цікавасцю займаюся вывучэннем гісторыі дадзеных мясцін, а яна вельмі багатая, адна шляхецкая культура, а тут было шмат маёнткаў, чаго каштуе. І ў Стайках, і ў Мацькаўцах, Зацемені, Юнцавічах, Забалацці былі сядзібы, усё навокал дыхае гісторыяй. Падтрымліваем сувязі і з некаторымі нашчадкамі былых уладальнікаў двароў.
Размаўляючы, мы падышлі да мясцовых могілак.
– Вось і тут шчыруем з мясцовымі, – працягвае аповед ксёндз. – На жаль, не кожнае пахаванне мае нашчадкаў, якія б маглі прыбіраць тут. Нешта раблю самастойна, калі-нікалі арганізоўваем суботнікі. Так і падтрымліваем парадак. Вось за панскімі пахаваннямі даглядаю сам. Шмат робіць старшыня сельсавета, на многія прапановы адгукаюцца мясцовыя. Супольна можна вырашыць многае.
Ад’язджаючы далей па маршруце, падумаў, што: заўжды на зямлі знойдуцца тыя, каму неабыякавы справы свайго мястэчка, а самае голоўнае, што людзі талакой могуць “звярнуць горы”.
Сяргей ГАНЧАР, фота аўтара


Написать комментарий

НОВОСТИ

«Белтелеком» увеличил максимальную сумму обещанного платежа

Мужчина ехал в Вилейку и попал в ДТП. Автомобиль опрокинулся на крышу

Из-за бесхозной сумки в Вилейке перекрывали улицу

Милиция разыскивает вилейчанина, обвиняемого в совершении кражи

САМОЕ ЧИТАЕМОЕ

  • Рыбак угорел в палатке на водохранилище - 22 января 2018 (504)
  • Возле ж/д переезда в Вилейке столкнулись два автомобиля - 22 января 2018 (239)
  • Налог на пластиковые пакеты могут ввести в Беларуси - 22 января 2018 (36)
  • Соглашение о детях в Беларуси можно будет заключать не состоящим в браке парам - 22 января 2018 (21)
  • 26 января в Вилейке пройдёт акция "Вместе за безопасность дорожного движения" - 22 января 2018 (21)
  • День спасателя - 22 января 2018 (20)
  • Во время пожара в Молодечно был спасен мужчина - 22 января 2018 (16)
  • "Белая Русь" определилась с приоритетами на пятилетку - 22 января 2018 (15)
  • 27 января состоится «прямая телефонная линия» председателя  райисполкома КОТА Виктора Иосифовича - 22 января 2018 (11)
  • 26 января начальником главного управления юстиции Минского облисполкома БАЧИЛО Александром Александровичем будет проведен прием граждан и представителей юридических лиц - 22 января 2018 (9)
  • ВСЕ НОВОСТИ

    Рыбак угорел в палатке на водохранилище

    26 января в Вилейке пройдёт акция «Вместе за безопасность дорожного движения»

    Во время пожара в Молодечно был спасен мужчина

    Налог на пластиковые пакеты могут ввести в Беларуси

    Соглашение о детях в Беларуси можно будет заключать не состоящим в браке парам

    Возле ж/д переезда в Вилейке столкнулись два автомобиля

    День спасателя

    27 января состоится «прямая телефонная линия» председателя  райисполкома КОТА Виктора Иосифовича

    26 января начальником главного управления юстиции Минского облисполкома БАЧИЛО Александром Александровичем будет проведен прием граждан и представителей юридических лиц

    «Белая Русь» определилась с приоритетами на пятилетку

    РУБРИКИ ШП НАШИ АВТОРЫ
    Яндекс.Метрика


    Разработка ИП Харитончик А.Н.