Нарачанскія зоры. Штодзённа ўбіраем па 6-7 працэнтаў плошчаў, намалочваем больш за 500 тон

У мінулую пятніцу, калі мы наведаліся ў ААТ «Нарачанскія зоры», тут заканчвалі ўборку ячменю, браліся за жыта.

DSCF7772

– На сёння, – паведаміў галоўны аграном гаспадаркі Віктар Драчылоўскі, – убрана палова плошчаў збожжавых. Штодзённа ўбіраем па 6-7 працэнтаў плошчаў, намалочваем больш за 500 тон. Каб такое надвор’е, як сёння, пратрымалася, дык хутка ўправіліся б.

DSCF7754

А дзень і сапраўды быў надзвычайна сонечны, гарачы. Пакуль чакалі на краі поля ля Бараўцаў, пакуль камбайны «падплывуць» па жытнёвым полі да нас,  добра адчулі ласку сонечных промняў. Тут жа, на полі, былі і мясцовыя самадзейныя артысты, пераважна супрацоўнікі музычнай школы Дар’я Арловіч, Надзея Лапінская, Ірына Занкавіч, Дзіна Дзевяцень. З баянам, свістулькамі, сувенірамі для камбайнераў і добрым настроем прыйшлі дзяўчаты на поле. Пад іх прыгожыя песні і набліжаліся да нас камбайны…

DSCF7757

– Усяго ў нас на ўборачнай занята восем экіпажаў, – расказваў галоўны аграном гаспадаркі Віктар Драчылоўскі. – У лідарах на сёння тры з іх – у складзе бацькі і сына Мікалая і Аляксандра Гарэлікаў (трэці сезон галоўным камбайнерам сын), якія на сваім магутным «Лексіёне» убіраюць больш за ўсіх; не намнога адстаюць ад іх Руслан Садоўскі і Аляксей Драчылоўскі, якія сёлета працуюць на новым КЗС-12 «Палессе»; і замыкаюць тройку перадавікоў бацька з сынам Садоўскія – Андрэй і Павел. Кожную раніцу вынікі зробленага і заробленага экіпажамі за мінулы дзень вывешваюцца, і людзі ведаюць пра ход уборачнай усё. Працуем з самай раніцы, як толькі абветрыць раса, і да гадзін дзесяці вечара. Кожны дзень перад выхадам у поле праводзім інструктажы па тэхніцы бяспекі, яшчэ і яшчэ раз нагадваем тое, што нашы хлопцы добра ведаюць. Але ж ніколі не лішняе яшчэ раз паўтарыць.

DSCF7767

Тым часам камбайны ўжо «падплылі» да ўскрайку поля і па сігнале агранома прыпыніліся. Механізатары ў адметным спецадзенні спрытна павыскаквалі з кабін. Першымі да нас падышлі знакамітыя Гарэлікі. На заўвагу пра тое, што перадаў паўнамоцтвы быць галоўным на жніве сыну, бацька толькі ўсміхнуўся:

– Няхай працуе, я з сямнаццаці гадоў на камбайне, ужо крыху не тыя здароўе і сіла… Як-ніяк трыццаць пяты сезон на жніве.

DSCF7768

Да гутаркі далучыўся Руслан Садоўскі, які падышоў са сваім памочнікам Аляксеем Драчылоўскім:
– А я на жніве з пятнаццаці гадоў – яшчэ школьнікам быў памочнікам камбайнера.

Хоць жыве і працуе ў горадзе, Руслан кожнае жніво бярэ водпуск і садзіцца за штурвал камбайна. Так робяць і яго бацька з братам. Дарэчы, свой стары камбайн, на якім адпрацавалі сямнаццаць сезонаў, экіпаж Садоўскі – Драчылоўскі перадаў маладым механізатарам. Перабраная стараннымі рукамі Руслана і Аляксея, машына пакуль што не падводзіла новых гаспадароў.

І вось урачысты момант – камбайнераў віншуюць добрымі песнямі мясцовыя самадзейныя артысты, а галоўнаму аграному ўручаюць невялічкі снапок з каласкоў – сімвал багатага ўраджаю, дабрабыту і росквіту гаспадаркі.

Калі развітваліся, Віктар Уладзіміравіч падзяліўся тым, што радуе:

– Памятаеце тое поле, дзе вясной вы нашага механізатара Кубліцкага фатаграфавалі? Дык вось урадзіў там ячмень, 54 цэнтнеры з гектара атрымалі. А ўвогуле пакуль што сёлетняя ўраджайнасць перавышае леташнюю.

Пад гукі вясёлай полечкі камбайнеры занялі свае месцы, і машыны-волаты «паплылі» па жытнёвым моры далей – за важкімі намалотамі і новымі рэкордамі.

Калі матэрыял быў гатовы да друку, я патэлефанавала Віктару Драчылоўскаму. Ён расказаў, што на раніцу 14 жніўня ў гаспадарцы ўбраны 63 працэнты плошчаў збожжавых, сярэдняя ўраджайнасць складае 51,3 цэнтнера з гектара. Ужо намалочана 5 тысяч тон збожжа. Перадавому экіпажу Гарэлікаў засталося нямнога да галоўнай мэты – тысячы тон збожжа. Недалёка за ім і другі перадавы экіпаж Садоўскі – Драчылоўскі. Поспехаў вам, камбайнеры.

Ірына БУДЗЬКО.
Фота Аляксея КАМІНСКАГА


Написать комментарий

НОВОСТИ

«Белтелеком» увеличил максимальную сумму обещанного платежа

Мужчина ехал в Вилейку и попал в ДТП. Автомобиль опрокинулся на крышу

Из-за бесхозной сумки в Вилейке перекрывали улицу

Милиция разыскивает вилейчанина, обвиняемого в совершении кражи

САМОЕ ЧИТАЕМОЕ

  • Рыбак угорел в палатке на водохранилище - 22 января 2018 (504)
  • Возле ж/д переезда в Вилейке столкнулись два автомобиля - 22 января 2018 (239)
  • Налог на пластиковые пакеты могут ввести в Беларуси - 22 января 2018 (36)
  • Соглашение о детях в Беларуси можно будет заключать не состоящим в браке парам - 22 января 2018 (21)
  • 26 января в Вилейке пройдёт акция "Вместе за безопасность дорожного движения" - 22 января 2018 (21)
  • День спасателя - 22 января 2018 (20)
  • Во время пожара в Молодечно был спасен мужчина - 22 января 2018 (16)
  • "Белая Русь" определилась с приоритетами на пятилетку - 22 января 2018 (15)
  • 27 января состоится «прямая телефонная линия» председателя  райисполкома КОТА Виктора Иосифовича - 22 января 2018 (11)
  • 26 января начальником главного управления юстиции Минского облисполкома БАЧИЛО Александром Александровичем будет проведен прием граждан и представителей юридических лиц - 22 января 2018 (9)
  • ВСЕ НОВОСТИ

    Рыбак угорел в палатке на водохранилище

    26 января в Вилейке пройдёт акция «Вместе за безопасность дорожного движения»

    Во время пожара в Молодечно был спасен мужчина

    Налог на пластиковые пакеты могут ввести в Беларуси

    Соглашение о детях в Беларуси можно будет заключать не состоящим в браке парам

    Возле ж/д переезда в Вилейке столкнулись два автомобиля

    День спасателя

    27 января состоится «прямая телефонная линия» председателя  райисполкома КОТА Виктора Иосифовича

    26 января начальником главного управления юстиции Минского облисполкома БАЧИЛО Александром Александровичем будет проведен прием граждан и представителей юридических лиц

    «Белая Русь» определилась с приоритетами на пятилетку

    РУБРИКИ ШП НАШИ АВТОРЫ
    Яндекс.Метрика


    Разработка ИП Харитончик А.Н.