Чарговыя вандроўкі «Чарапашак»

Жнівень. Лета, якога дзеці чакалі з такім нецярпеннем, заканчваецца. А здаецца, толькі ўчора адклалі хлопчыкі і дзяўчынкі падручнікі і з вялікай радасцю акунуліся ў пару адпачынку, вандровак і адкрыццяў… Эх, як хутка ляціць час! І вось ужо многае з запланаванага збылося, а цікавыя вандроўкі — у мінулым. Засталіся прыемныя ўспаміны аб іх, а таксама – новыя веды, уражанні, фізічная загартоўка, уменне пераадольваць выпрабаванні і… неадольнае жаданне новых падарожжаў і адкрыццяў.

DSC00449

Вось і ў хлопчыкаў і дзяўчынак з турыстычнага клуба «Чарапашкі» пры цэнтры дадатковай адукацыі дзяцей і моладзі, якімі на працягу многіх гадоў кіруе апантаны сваёй справай чалавек Міхаіл Петух, такіх уражанняў шмат. Разам з Міхаілам Мікалаевічам яны пабывалі ў розных месцах нашай краіны і на свае вочы ўбачылі прыгажосць роднага краю, даведаліся шмат цікавага пра мінуўшчыну, пранікліся клопатам за заўтрашні дзень радзімы. Якім ён будзе, у многім залежыць ад іх, сённяшніх хлопчыкаў і дзяўчынак, якія ў турыстычным клубе вучацца любіць родны край, берагчы прыроду, шанаваць усё жывое і нежывое, што знаходзіцца вакол іх.

DSC00356 (2)

Наша газета не раз расказвала пра цікавыя вандроўкі «Чарапашак». Нястомныя, цікаўныя, яны заўсёды ў пошуку нязведанага. Вось і зусім нядаўна яны вярнуліся з паходу па Пастаўскім і Мядзельскім раёнах. Дзевяць дзён доўжылася вандроўка, у якую адправіліся юныя турысты-даследчыкі ва ўзросце ад васьмі да чатырнаццаці гадоў разам з педагогам Міхаілам Петухам.

– Мае падарожнікі многае ўбачылі, аздаравіліся – адпачылі ды накупаліся, а галоўнае – многаму навучыліся, – расказаў ён. – Узяць, да прыкладу, Рамана Мікуліча з пятай гарадской школы і Аляксея Усаценку, які вучыцца ў першай. Ды яны ж, удзельнічаючы ў вандроўках, у тым ліку і шляхам графа Тышкевіча, сталі сапраўднымі даследчыкамі Віліі! Усё, калі трэба, раскажуць пра чысціню яе вады, раслінны свет…

DSC00393

Падарожнічаючы па Пастаўшчыне, турысты адпачылі ля возера, наведаліся на месца былой ракетнай базы ў гэтым раёне, пабывалі ля ракетнай шахты. А хіба забудзецца, як, ходзячы па лесе, «выпадкова» (для педагога гэта, канешне ж, не было выпадковасцю) натрапілі на мемарыял, ля якога, нібыта кропелькі крыві, «рассыпаліся» суніцы!

DSC00427

Незабыўныя ўражанні засталіся ў юных ад прыгожага гарадка Паставы, які стаіць на рэчцы Мядзелка. Уразілі тутэйшыя храмы і, безумоўна, галоўная знакамітасць горада – палац Тызенгаўза, будаўніцтва якога ішло з другой паловы XVIII і ўсю першую палову XIX стагоддзяў. Тут жыў знакаміты род Тызенгаўзаў, які праславіў гэтыя мясціны. Адзін з самых адукаваных людзей таго часу граф Антоній Тызенгаўз, яго пляменнік Канстанцін, які пабудаваў палац у стылі класіцызму… Юныя падарожнікі, напэўна, будуць памятаць гэтыя імёны, як не забудуць і сам палац, прыгожы парк ля яго, дзе растуць экзатычныя расліны.

DSC00436

Каб чытачы не падумалі, што юныя турысты толькі захапляліся хараством прыроды ды знакамітымі мясцінамі гарадоў і вёсак, адзначу, што хлопчыкі і дзяўчынкі ў час паходу вялі даследчыцкую работу. Так, бываючы ў вёсачках, правяралі якасць пітной вады. У нейкіх гаспадароў зусім блізка ад калодзежа ўбачылі кучу смецця – і ўжо без праверкі можна было меркаваць, якая тут вада. А вось суседскі калодзеж размяшчаўся па ўсіх правілах, таму нараканняў на якасць пітной вады не было. Мясцовыя жыхары цёпла прымалі турыстаў. гутарылі з імі, запрашалі ў госці. Вось як напісалі пра гэта пасля вандроўкі Раман Мікуліч і Антон Каляга: «На бліжэйшым хутары з дазволу гаспадыні мы зрабілі свой палатачны гарадок. Гаспадыня частавала нас гароднінай, ягадамі, а яе вялізны сабака Амур быў зусім не страшны, а вельмі добры. Мы дапамагалі бабулі насіць сена, кармілі яе каня і карову. Самым дзіўным было тое, што 85-гадовая бабуля касіла сама… Наступнай раніцай мы з ёй развіталіся, і яна запрасіла наведацца да яе яшчэ».
Гэтыя ўражанні юных турыстаў прачытала я ў іх маленькіх справаздачах аб вандроўцы, дзе размова ідзе пра азёры і гістарычныя помнікі, расліннасць і жывёльны свет, якія вельмі запомніліся. І не менш – такія вось кароценькія сустрэчы з працавітымі людзьмі, жывой гісторыяй нашага краю. Што і казаць, важныя выхаваўчыя моманты «выпадкова» прадугледзеў педагог для сваіх выхаванцаў…

DSC00437

Ёсць у Юрася Свіркі такія радкі:
А ўсё ж вінаваты і я:
Суладдзе ў прыродзе парушана…

Так могуць сказаць многія. Толькі не юныя даследчыкі з клуба «Чарапашкі» і іх вопытны педагог. Якраз жа яны робяць усё магчымае, каб гэтае прыроднае суладдзе не парушылася. А яшчэ – знаёмяцца з багатай мінуўшчынай, без ведаў пра якую не ўяўляецца і будучыня.

Ірына БУДЗЬКО.
Фота прадастаўлена Міхаілам ПЕТУХАМ


Написать комментарий

НОВОСТИ

Итоги нерестового запрета: изъято почти 52 км сетей и более 500 других запрещенных орудий

Отец с сыном из Вилейского района заняли II место на 1-м этапе Республиканских соревнований по лову рыбы спиннингом с лодки

Стало известно, кто будет представлять Вилейщину на конкурсе «Адна зямля»

Об экономике района, дорогах и детских площадках

САМОЕ ЧИТАЕМОЕ

  • Найден водитель, который снёс остановку "Лукавец" - 20 июня 2018 (557)
  • Стало известно, кто будет представлять Вилейщину на конкурсе "Адна зямля" - 19 июня 2018 (513)
  • При изготовлении самогона задержан вилейчанин - 19 июня 2018 (452)
  • 22 июня синоптики прогнозируют понижение температуры и сильные дожди - 20 июня 2018 (381)
  • Об экономике района, дорогах и детских площадках - 19 июня 2018 (315)
  • Отец с сыном из Вилейского района заняли II место на 1-м этапе Республиканских соревнований по лову рыбы спиннингом с лодки - 20 июня 2018 (155)
  • Вилейский и ещё четыре района в лидерах по выполнению плана закладки сенажа - 20 июня 2018 (153)
  • У Куранцы павіншавалі стогадовага юбіляра - 19 июня 2018 (70)
  • 25 юных віляйчан прынялі ўдзел у VІІІ дзіцячым мастацкім пленэры - 19 июня 2018 (59)
  • У баявой гатоўнасці - 19 июня 2018 (30)
  • ВСЕ НОВОСТИ

    Вилейский и ещё четыре района в лидерах по выполнению плана закладки сенажа

    Жилищные субсидии для новых категорий граждан появятся в жировках осенью

    Первый национальный канал Белорусского радио запускает обратный отсчет до ІІ Европейских игр

    22 июня синоптики прогнозируют понижение температуры и сильные дожди

    Итоги нерестового запрета: изъято почти 52 км сетей и более 500 других запрещенных орудий

    Отец с сыном из Вилейского района заняли II место на 1-м этапе Республиканских соревнований по лову рыбы спиннингом с лодки

    Найден водитель, который снёс остановку «Лукавец»

    ИЗВЕЩЕНИЕ о проведении аукциона…

    У баявой гатоўнасці

    При изготовлении самогона задержан вилейчанин

    РУБРИКИ ШП НАШИ АВТОРЫ
    Яндекс.Метрика