Вадзіцель з Даўгінава першы перавёз тысячу тон збожжа

Што і казаць, прыемна кожнаму, калі яго праца цэніцца. Вось і вадзіцелю ААТ «Даўгінава» Дзмітрыю Рысіку імпанавала, што з першай перавезенай ім тысячай тон збожжа на днях яго ўрачыста павіншавалі. І не толькі кіраўніцтва гаспадаркі ды калегі, але і дэлегацыя з Вілейкі – старшыня райкама прафсаюза работнікаў аграпрамысловага комплексу Леанід Радзевіч, самадзейныя артысты.  Цёплыя словы, найлепшыя пажаданні, музычны падарункі – усё гэта надзвычайна прыемна. Слухаў Дзмітрый Віктаравіч, а ў думках міжволі вяртаўся ў мінулае…

DSCF8088

Ужо ў такім далёкім 1983-ім ён, учарашні салдацік, прыйшоў працаваць у родную гаспадарку. Маладому вадзіцелю даверылі тады новую машыну «ГАЗ», на якой ён і адпрацаваў 27 гадоў. Нельга падлічыць, колькі кіламетраў скалясіў на гэтай машыне Дзмітрый Віктаравіч, колькі грузаў перавёз! У тым ліку і збожжа, якога, здаралася,  на яго рахунку было і па 1700 тон. Што і казаць,  сумленную працу Рысіка заўсёды цанілі, адзначаючы яе  граматамі, падзячнымі лістамі, ганаровымі званнямі. Машыну сваю Дзмітрый заўсёды даглядаў і шанаваў. Таму і не падводзіла яна яго.

DSCF8089

На дваццацітонным «МАЗе» Рысік ужо восьмы год. І па добрай традыцыі, якая склалася за гады яго працы ў гаспадарцы, заўсёды ў лідарах. Вось і сёлета – таксама.

– Вясной вазіў зялёную масу, цяпер вось – збожжа, а пазней сілас пачнецца, – разважае Дзмітрый Віктаравіч. – І так год за годам. Зімой, праўда, крышку адпачнеш, сілы набярэшся. Я, дарэчы, люблю яе, зіму, ды каб марозная была… Мусіць, таму, што нарадзіўся ў лютым, маці расказвала, што мароз-траскун стаяў тады…

DSCF8093

Акрамя працоўных клопатаў, падзяліўся вадзіцель, ёсць у іх з жонкай Святланай Рыгораўнай вялікая гаспадарка (ужо адно тое, што на падворку дзве каровы, пра многае гаворыць), агарод, соткі.

– У пяць гадзін падымаемся – і па гаспадарцы, – падзяліўся Дзмітрый Віктаравіч. – Пакуль на працу, спіна, як кажуць, ужо мокрая. Увечары прыходжу позна, дык мая Рыгораўна ўжо стараецца сама ўправіцца.

Вельмі цёпла, з любоўю гаворыць мой суразмоўца пра сваю спадарожніцу жыцця, адзначаючы, што яму з ёй пашанцавала. І сыны, якія жывуць у гарадах, часта наведваюцца да бацькоў, дапамагаюць ва ўсіх справах. А калі ўсё разам робіцца ды з розумам, дык і ладзяцца справы.

Нашу кароткую размову перарвала звыклае – бункер камбайна напоўніўся збожжам.

– Выбачайце, – развёў рукамі Дзмітрый Віктаравіч,— я – загружацца. Можа, іншым разам болей паразмаўляем.

Упэўнена, што сустрэчы з перадавым вадзіцелем будуць і падставы для размоў –таксама. А пакуль – поспехаў вам усім, хлебаробы. Людзі самай высакароднай прафесіі.

Ірына БУДЗЬКО.
На здымку: падзячны ліст перадавому вадзіцелю ўручае Леанід Радзевіч.
Фота Аляксея КАМІНСКАГА


Написать комментарий

НОВОСТИ

ФОТОРЕПОРТАЖ. Пресс-тур белорусских журналистов по Вилейке

Белгидромет объявил оранжевый уровень опасности на вечер 17 мая: ожидается град

В Беларуси впервые пройдет конкурс мастеров резьбы по дереву

Фоторепортаж. Открытие скульптуры «Рыбий царь»

САМОЕ ЧИТАЕМОЕ

  • Мужчина выгуливал собаку и попал под поезд в Вилейке - 16 мая 2018 (1320)
  • ГАИ Минской области предупреждает водителей о готовящемся в выходные "Фильтре" - 17 мая 2018 (1010)
  • СК завершил расследование уголовного дела по фактам похищения человека и использования рабского труда - 16 мая 2018 (761)
  • На перекрёстке столкнулись «Опель» и «Пежо» - 16 мая 2018 (612)
  • Фоторепортаж. Открытие скульптуры "Рыбий царь" - 17 мая 2018 (498)
  • 17 выпускников 11-х классов претендуют на получение золотой медали - 17 мая 2018 (433)
  • Скульптуру «Рыбий царь» установят в Вилейке на этой неделе - 16 мая 2018 (386)
  • Белгидромет объявил оранжевый уровень опасности на вечер 17 мая: ожидается град - 17 мая 2018 (330)
  • 27 мая на Вилейщине отпразднуют «Семуху» - 17 мая 2018 (292)
  • ФОТОРЕПОРТАЖ. Пресс-тур белорусских журналистов по Вилейке - 17 мая 2018 (190)
  • ВСЕ НОВОСТИ

    Легкоатлетическая эстафета

    Футбол. Кубок района и товарищеская встреча

    Как «десяточка» 100-рублёвкой оказалась

    Віляйчанка на фестывалі «Ільнара» атрымала першае месца ў намінацыі «Аўтарская кампазіцыя»

    Сустрэча з цікавымі людзьмі. Галоўным госцем стаў Уладзімір Ляшкевіч

    Ключевые аспекты: от экономики до национальной безопасности

    Расширение возможностей приема иностранных автотуристов в преддверии масштабных культурно-спортивных мероприятий в Республике Беларусь

    Ирина НОВИК: «В танец нужно вложить душу»

    В «День семьи» прошел праздничный концерт

    В гимназии №1 «Логос» прошёл День открытых дверей

    РУБРИКИ ШП НАШИ АВТОРЫ
    Яндекс.Метрика