Скарына. Полацк. Свята

Адгучалі мелодыі святочнага канцэрта “Залатая калекцыя беларускай песні”, названы імёны лаўрэатаў Нацыянальнай прэміі ў галіне літаратуры. Эстафета Дня беларускага пісьменства з Полацка перададзена ў горад Іванава Брэсцкай вобласці. Мерапрыемствы, прысвечаныя 500-годдзю беларускага кнігадрукавання, Дню беларускага пісьменства і 1155-годдзю горада Полацка, сталі гісторыяй.

кажуро

Але засталіся ўспаміны і ўражанні. А ўражанні гэтыя самыя прыемныя і светлыя. Найперш ад таго, што рэклама мерапрыемства, разгорнутая ў сродках масавай інфармацыі, пацвердзіла высокі статус свята. Гэта было бачна ў падрыхтоўцы горада: чысціня, парадак, святочнае афармленне дамоў і вуліц, плакаты, расцяжкі, якія расказвалі пра гісторыю Полацка і яго слаўных ураджэнцаў. А яшчэ – людзі, палачане. Ветлівыя, паважлівыя, гатовыя падказаць, паказаць, даць незнаёмаму чалавеку-госцю патрэбную інфармацыю.

Такім мы, члены Мінскага абласнога аддзялення Саюза пісьменнікаў Беларусі, убачылі Полацк, калі прыехалі на Свята. Прыемна, што ў складзе нашай дэлегацыі былі тры прадстаўнікі з Вілейкі: Бажэна Мацюк, Уладзімір Цанунін і аўтар гэтых радкоў.

Пляцоўка “Слова пісьменніка”, на якой мы працавалі (дарэчы, вядучымі праграмы Мінскага абласнога аддзялення Саюза пісьменнікаў Беларусі былі Бажэна Мацюк і я), прыцягвала ўвагу гасцей і аматараў літаратуры не толькі сваім афармленнем (а яно адпавядала агульнай тэматыцы: 500-годдзе беларускага кнігадрукавання, 135-годдзе з дня нараджэння Янкі Купалы і Якуба Коласа), але і духоўнай напоўненасцю. Нашы літаратары сур’ёзна рыхтаваліся да выступлення, і гэта адчувалася ў змесце прачытаных імі твораў. Тут гучала і паэзія, і проза. А яшчэ – песні. І не толькі акрэсленыя рамкамі агульнай тэматыкі, але і выбраныя самімі аўтарамі. Гучала пераважна беларускае слова. Аднак можна было пачуць на пляцоўцы і рускую мову. І гэта – добра, бо Скарына даў кнігу не толькі нам, беларусам, але і ўсім усходнім славянам…

Пасля выступлення была магчымасць бліжэй пазнаёміцца з Полацкам, са Святам. Найперш уразіла шматлікасць, разнастайнасць і рознапланавасць пляцовак, на якіх можна было ўбачыць не толькі выступленні літаратараў, але і паслухаць песні і музыку, палюбавацца танцамі. Тым больш, што ўзрост артыстаў быў ад зусім юных да паважліва-пажылых.

А яшчэ здзівілі гандлёвыя рады. Іх было многа. З розным таварам. Але тавары гэтыя вызначаліся найперш тым, што таксама мелі дачыненне да ўрачыстасцей: на большасці вырабаў красавалася святочная сімволіка. І ўпэўнены, што любая купленая на святкаванні рэч надоўга захавае памяць пра Полацк, Скарыну, Свята.

Але які Дзень беларускага кнігадрукавання, калі не сказаць пра саму кнігу. Іх было многа. З розных выдавецтваў. На розныя тэмы. Бяры, што душа жадае. А нам прыемна, што сярод прапанаванай літаратуры можна было ўбачыць і кнігі вілейскіх аўтараў. І кнігі гэтыя карысталіся попытам.

А потым наступіў вечар. На цэнтральнай пляцоўцы, дзе днём слынныя “Песняры” выступалі з праграмай “Як на свет радзіўся Янка”, пастаўленай па тварах нашага класіка Янкі Купалы, пачаўся святочны канцэрт “Залатая калекцыя беларускай песні”. Што ні артыст, то імя: Леанід Барткевіч, Ядзвіга Паплаўская, Саша Нэма, Вікторыя Алешка, Валерый Скаражонак, “Чысты голас” і многія іншыя. А як гучалі ў іх выкананні песні на словы беларускіх паэтаў! Нават зацяжны дождж не парушыў еднасці спевакоў і гледачоў. Бо апошнія сэрцам успрымалі родную песню, спявалі разам з артыстамі.

І гэта было – Свята.

А для нас яшчэ адным прыемным уражаннем стала тое, як паставіліся арганізатары мерапрыемства, мясцовыя ўлады да запрошаных удзельнікаў. За кожнай дэлегацыяй быў замацаваны свой куратар, у якога ў любы час можна было атрымаць патрэбную інфармацыю. А пасля выступлення кожны з нас атрымаў падарунак. Прыемна! Ад Свята. Ад людзей. Ад магчымасці выступіць на такім слаўным Юбілеі.

Віктар КАЖУРА, член Саюза пісьменнікаў Беларусі.
Фота прадстаўлена аўтарам


Написать комментарий

НОВОСТИ

С пятницы водители должны ездить днем с ближним светом фар

Воспитанников Вилейской школы-интерната посетили визажисты, фотографы, архитекторы. А сладким сюрпризом для ребят стали три ящика мороженого

Местные жители уже открыли купальный сезон

Встречу в трудовом коллективе ОАО » ПМК-88″ провел заместитель председателя райисполкома Александр Катович

САМОЕ ЧИТАЕМОЕ

  • Сеансы кинотеатра «Мир» (23 – 27 мая) - 21 мая 2018 (2454)
  • Празднование дня рождения обернулось трагедией. Один из гостей погиб в ДТП - 21 мая 2018 (1067)
  • Вилейчане раскрыли секрет счастливых супружеских отношений - 21 мая 2018 (1050)
  • В микрорайоне "Северный" дворовые воришки оставили детей без волейбольной сетки  - 22 мая 2018 (335)
  • В Вилейском районе загорелась баня: никто не пострадал - 22 мая 2018 (298)
  • Воспитанников Вилейской школы-интерната посетили визажисты, фотографы, архитекторы. А сладким сюрпризом для ребят стали три ящика мороженого - 22 мая 2018 (192)
  • Фоторепортаж. Михаил Финберг выступил с оркестром в Вилейке - 21 мая 2018 (156)
  • Вилейский вор-"сладкоежка" украл 24 плитки шоколада - 23 мая 2018 (108)
  • С пятницы водители должны ездить днем с ближним светом фар - 23 мая 2018 (95)
  • Встречу в трудовом коллективе ОАО " ПМК-88" провел заместитель председателя райисполкома Александр Катович - 22 мая 2018 (92)
  • ВСЕ НОВОСТИ

    В столице прошёл республиканский конкурс пионерских агитбригад «Зажги костер добра».

    В автопарке №5 проведена объектовая тренировка гражданской обороны

    25 мая состоится “прямая телефонная линия” начальника отдела  перевозок филиала “Автобусный парк №5 ОАО “Миноблавтотранс” ХАРКЕВИЧА  Александра Васильевича

    Вилейский вор-«сладкоежка» украл 24 плитки шоколада

    Продажу алкоголя ограничат 30 мая в Вилейке

    С пятницы водители должны ездить днем с ближним светом фар

    В Вилейке пройдут кратковременные дожди с грозами

    Юбилейная выставка “HandMade” открылась на ОАО «Зенит-БелОМО»

    В спартакиаде «Зенит-БелОМО» удерживает лидерство

    Воспитанников Вилейской школы-интерната посетили визажисты, фотографы, архитекторы. А сладким сюрпризом для ребят стали три ящика мороженого

    РУБРИКИ ШП НАШИ АВТОРЫ
    Яндекс.Метрика