1,5 км гандлёвых радоў, вулічныя мімы, пачастункі на любы густ і каля сотні творчых калектываў. Як прайшлі абласныя «Дажынкі-2017» у Смалявічах

Лепшыя прадстаўнікі працоўных калектываў з усёй Мінскай вобласці 7 кастрычніка сабраліся на падвядзенне вынікаў сельскагаспадарчага года ў Смалявічах, дзе праходзіў абласны фестываль-кірмаш працаўнікоў вёскі «Дажынкі-2017».

IMG_4291a

Як і ў мінулыя гады, аграрыі Мінскай вобласці застаюцца ў ліку лідараў аграрна-прамысловага комплексу краіны. Мінская вобласць на працягу апошняга дзесяцігоддзя трывала ўтрымлівае рэпутацыю галоўнай жытніцы краіны, зрабіўшы ўнёсак у агульны рэспубліканскі каравай у памеры 2 мільёны тон зерня. Свой унёсак у агульную справу зрабілі і хлебаробы Вілейскага раёна, якія годна прадставілі раён на абласных «Дажынках».

IMG_4292a

Праграма святочных мерапрыемстваў «Дажынкі-2017» у Смалявічах была разнастайнай і шырокай. Упершыню свята хлебаробаў Міншчыны адкрывала вулічнае шэсце «А ў нас сёння Дажыначкі». Яго ўдзельнікі – кіраўнікі раёнаў, працаўнікі палёў і творчыя калектывы. Святочнае шэсце сабрала ўсе раёны Мінскай вобласці і больш за 1 тысячу ўдзельнікаў.

IMG_4293a

Са старажытных часоў збор збажжа быў адной з найважнейшых падзей для беларускага народа. І гэта зразумела: ад добрага ўраджаю залежала жыццё кожнай сям’і на працягу ўсяго года. Час імкліва ідзе наперад, але сэнс збору ўраджаю не змяняецца вякамі, толькі ад добрага ўраджаю сёння залежыць і дабрабыт краіны, і кошт хлеба, што будзе на стале беларуса, і многае іншае. Спрадвек важнай культурай на беларускіх палетках было жыта. А жыта – гэта хлеб. І зусім нездарма нашы продкі, пытаючыся адно ў аднаго пра жыццё, цікавіліся, як урадзіла жыта. Бо ёсць хлеб – будзе і добрае жыццё. Кожны гаспадар імкнуўся як мага хутчэй пачаць жніво, каб не пераспела збожжа. Так было, ёсць і будзе штогод на Беларусі. І няхай жніўная водарная пара з яе цяжкімі буднямі і святам Дажынак крочыць яшчэ многія стагоддзі па нашай зямлі.

IMG_4294a

Жніво… Гэта не проста слова, якое здаўна і назаўсёды было і будзе ў беларускай мове. За гэтым ёмістым словам яскрава паўстае ўся гісторыя беларускага народа, сама філасофія нацыянальнага характара беларуса. Нездарма нашы продкі называлі жыта – дабром, у сэнсе багацця і дабрабыту. І сапраўды: хлеб – гэта самае вялікае багацце, гэта тое, што нас аб’ядноўвае. Аб’ядноўвае цэлыя пакаленні нашай нацыі. І як прыемна сёння, пасля цяжкай і «гарачай бітвы за ўраджай», усім хлебаробам і працаўнікам вёскі, калі іх ушаноўваюць на раённых, абласных і рэспубліканскіх святах «Дажынкі».

IMG_4295a

Вось і ў мінулую суботу, 7 кастрычніка, у Смалявічах прайшоў абласны фестываль-кірмаш працаўнікоў вёскі «Дажынкі-2017», які сабраў лепшых аграрыяў вобласці. Сярод удзельнікаў і ганаровых гасцей абласнога свята была і прадстаўнічая дэлегацыя Вілейскага раёна. Прадстаўнікі райвыканкама, на чале са старшынёй Віктарам Катом, прадстаўнікі ўпраўлення сельскай гаспадаркі і харчавання райвыканкама,ветэраны галіны, прафсаюз аграпрамысловага комплексу, кіраўнікі сельгаспрадпрыемстваў і, канешне, галоўныя госці свята – людзі працы, перадавікі: камбайнеры, механізатары, аграномы, інжынеры, вадзіцелі, аператары зернесушыльна-ачышчальных комплексаў. Іх імёны на абласным фестывалі-кірмашы «Дажынкі-2017» залатымі літарамі ўпісаны ў гісторыю свята. Гэта Сіняўскі Уладзімір Анатольевіч, старшы камбайнер (вадзіцель) Філіяла па вытворчасці сельскагаспадарчай прадукцыі «Бубны» УП «Мінгаз», які на камбайне КЗС-1218 прыбраў 1013 тон збожжа, 85,86 тон рапсу і 2,55 тоны шматгадовых траў. Гэта Будай Алег Юр’евіч, вадзіцель ААТ «Новая Вілія», які на аўтамабілі МАЗ перавёз 1277 тон збожжа. Гэта і кіроўца РСУП «Першы Беларускі» Святоха Віктар Іванавіч, колькасць перавезенага ім на аўтамабілі МАЗ збожжа склала 2411,75 тоны.

IMG_4296a

Высокіх вынікаў у час уборачнай кампаніі дасягнулі прадстаўнікі ААТ «Сцешыцы»: экіпаж КЗС-1218 у складзе старшага камбайнера Гнаценка Васіля Анатольевіча і камбайнера Азончыка Дзяніса Мікалаевіча, што намалацілі 1146,1 тон збожжа і 267,7 тон рапсу, умоўны намалот на камбайн склаў 1308, 524 тоны. Удзел у абласным фестывалі-кірмашы прымаў галоўны інжынер СУП «Усходні Агра» Супрановіч Эдуард Цімафеевіч. На 1 жніўня гатоўнасць збожжаўборачных камбайнаў у гэтай сельскагаспадарчай арганізацыі склала 100%. У выніку на збожжаўборачных камбайнах, наяўных у арганізацыі, на 1 верасня намалочана 4382 тоны, сезонная выпрацоўка на адзін умоўны збожжаўборачны камбайн склала 663,939 тоны.

IMG_4297a

Лепшым у Вілейскім раёне па выніках уборачнай кампаніі стаў Філіял па вытворчасці сельскагаспадарчай прадукцыі «Бубны» УП «Мінгаз», ураджайнасць тут склала 46,2 ц/га пры бале ўрадлівасці ворных зямель 26,3. Удзельнікам святоч-нага шэсця быў і аграном філіяла Карповіч Валерый Станіслававіч. Усяго ў гэтым годзе ў гаспадарцы было прыбрана 5323 тон збожжа. Добрыя вынікі паказалі і іншыя сельгаспрадпрыемствы раёна. Дзякуючы працаўнікам вілейскіх палёў, нашым раёнам зроблены неацэнны ўклад у агульную справу – хлебны каравай Міншчыны і краіны.

IMG_4299a

– Галоўны скарб Вілейскай зямлі – людзі, – адзначыў старшыня Вілейскага райвыканкама Віктар Кот, звяртаючыся да прадстаўнікоў сельгаспрадпрыемстваў раёна. – Людзі працы, чыімі намаганнямі, пры складаных умовах надвор’я, у гэтым годзе быў сабраны ўраджай і нават быў памножаны намалот у параўнанні з мінулагоднім. Кожны працаўнік, ці то звычайны механізатар, ці то кіраўнік прадпрыемства – усе рабілі адну справу. Дзякую ўсім і кожнаму па асобку, ваша праца вельма значна для развіцця раёна і краіны ў цэлым.

IMG_4300a

З самай раніцы на абласны фестываль-кірмаш у Смалявічы прыбывалі госці не толькі з Мінскай вобласці, але і з іншых рэгіёнаў краіны. Абласное свята доўжылася на працягу дня,сярод ганаровых гасцей тут былі члены Савета старэйшын Мінскай вобласці, члены Савета Рэспублікі і дэпутаты Палаты прадстаўнікоў Нацыянальнага сходу, прадстаўнікі органаў дзяржаўнага кіравання. Напярэдадні афіцыйнай часткі мерапрыемства адбылося адкрыццё Палаца шлюбаў у Смалявічах, падчас якога старшыня аблвыканкама Анатоль Ісачанка перарэзаў сімвалічную чырвоную стужку. Затым, у абноўленым пасля рэканструкцыі Палацы прайшла першая ўрачыстая рэгістрацыя нованароджанай жыхаркі горада Смалявічы. Праграма святочных мерапрыемстваў на абласных «Дажынках» у Смалявічах была разнастайнай і шырокай. Галоўнай падзеяй абласнога фестывалю стала святочнае шэсце «А ў нас сёння Дажыначкі», у якім прынялі ўдзел усе раёны Мінскай вобласці і больш за 1 тысячу чалавек. Сярод удзельнікаў шэсця былі дэлегацыі аграрыяў з кожнага раёна Мінскай вобласці, а таксама калектывы мастацкай самадзейнасці. Кожны раён імкнуўся арыгінальна прэзентаваць непаўторны каларыт сваёй мясцовасці.

IMG_4304a

Вілейскі раён на абласных «Дажынках» быў прадстаўлены з асаблівым каларытам: у калоне прадстаўнікі афіцыйнай дэлегацыі, з прыгожымі залатога колеру шаўковымі шалікамі з сімваламі раёна і дажынак, і каласамі збожжа ў колер нацыянальнага сцяга. Наперадзе прыгожая дзяўчына з каласамі і васількамі – як сімвал дабрабыту і ўрадлівасці вілейскай зямлі, у блакітным колеры адзення – сімвалам азёр і рэк раёна. За калонай афіцыйнай дэлегацыі – народны хор «Любанія» са шматметровым сцягам Вілейскага раёна і ансамбль “Вілея казацкая”. Замыкалі калону самадзейныя артысты і спевакі, гурт «Бабіна лета», якія пад акампанемент баяна распявалі мілагучныя народныя матывы.

IMG_4306a

Эпагеем афіцыйнай часткі абласнога свята стала цырымонія ўзнагароджвання аграрыяў Міншчыны. Адкрываючы ўрачыстасць і атрымліваючы з рук кіраўнікоў вядучых сельгаспрадпрыемстваў Мінскай вобласці каравай новага ўраджаю, старшыня Мінаблвыканкама Анатоль Ісачанка адзначыў:

IMG_4307a

– Строгае выкананне працэсаў вытворчасці нашымі аграрыямі дазваляе Мінскай вобласці знаходзіцца сярод лідараў сельскагаспадарчай галіны Беларусі. Заслуга ў выкананні пастаўленых задач уборачнай, перш за ўсё, належыць працаўнікам вёскі – кіраўнікам і спецыялістам сельгасарганізацый, інжынерам, камбайнерам, механізатарам, аграномам, аператарам зернеачышчальных і сушыльных комплексаў. Шчыры дзякуй за ўклад у агульны вынік жніва работнікам сілавых структур, МНС, гандлю, грамадскага харчавання, медыцыны, культуры, бытавога абслугоўвання, прадстаўнікам вучнёўскай моладзі.

IMG_4309a

Старшыня аблвыканкама ў цэлым выказаў словы ўдзячнасці ў адрас кіраўнікоў Мінскай вобласці розных гадоў, спецыялістам аграрнай галіны за іх працу, якая забяспечвала і забяспечвае развіццё рэгіёну. На галоўную сцэну абласнога фестываля-кірмашу працаўнікоў вёскі «Дажынкі-2017» у Смалявічах падымаліся лепшыя прадстаўнікі працоўных калектываў з усёй вобласці для падвядзення вынікаў сельскагаспадарчага года. Ім галоўная ўдзячнасць як прадстаўнікам усіх аграрыяў нашага рэгіёну, бо менавіта, як і ў мінулыя гады, аграрыі Мінскай вобласці застаюцца ў ліку лідараў аграрна-прамысловага комплексу краіны. Мінская вобласць на працягу апошняга дзесяцігоддзя трывала ўтрымлівае рэпутацыю галоўнай жытніцы краіны. У засекі краіны з палёў Міншчыны паступіла чацвёртая частка ўсяго валавога збору збожжа. У першапачаткова апрыходаванай вазе намалочана збожжавых і зернебабовых, без кукурузы, 1 мільён 900 тысяч тон. Поле за клопат адплаціла хлебаробам: сярэдняя ўраджайнасць збожжавых і зернебабовых культур склала ў Цэнтральным рэгіёне 37,6 цэнтнера з гектара, што на тры цэнтнеры вышэй за мінулагодні абласны паказчык.

IMG_4312a

Афіцыйная частка завершана, але свята працягвалася да самай начы. Жыхароў Смалявіч і гасцей фестывалю гасцінна сустракалі гандлёвыя рады, якія расцягнуліся больш як на 1,5 кіламетры і дзе на любы густ можна было набыць самую розную сельскагаспадарчую прадукцыю. Тут, як заўжды, наш раён годна прадставілі гандлёвыя арганізацыі і пераапрацоўчыя прадпрыемствы Вілейшчыны. Наогул, сваю прадукцыю на абласным фестывалі-кірмашы працаўнікоў вёскі «Дажынкі-2017» у Смалявічах прадстаўлялі больш за 200 прадпрыемстваў і арганізацый нашай вобласці. А творча аформленыя падвор’і маладых сям’яў, прадстаўнікоў розных сельскагаспадарчых прадпрыемстваў вобласці, працавалі як асобныя фотазоны для наведвальнікаў. Адметным каларытам вызначыўся ў гэтым годзе і конкурс караваяў, дзе быў прадстаўлены кожны раён вобласці. Сваёй непаўторнасцю выдзяляўся каравай новага ўраджаю Вілейскага раёна, што быў створаны прафесійнымі майстрамі нашага хлебазавода: вялікі двух’ярусны каравай упрыгожвалі выпечаныя каласы і кветкі, а каляровы герб з макамі, васількамі і рамонкамі, што месціліся пасярэдзіне кампазіцыі, – яго адметнасць.

IMG_4313a

Традыцыйна запрашаў гасцей свята і «горад майстроў», дэманструючы разнастайнасць вырабаў рамеснікаў з кожнай мясцовасці Цэнтральнага рэгіёну. Сярод іх і адметныя вырабы нашых майстроў: раённага Дома рамёстваў, дзяржаўнага каледжа, іншых рамеснікаў.

IMG_4317a

Наведвальнікі абласнога фестывалю-кірмашу працаўнікоў вёскі «Дажынкі-2017» маглі паслухаць выступленні мастацкіх калектываў і артыстаў вобласці на трох сцэнах, што размяшчаліся ў розных раёнах ахопленага святам горада Смалявічы. Тут таксама свой талент і майстэрства дэманстравалі і вілейскія артысты. На адной з галоўных сцэн свята выступаў з канцэртнай праграмай Народны хор «Любанія». У вячэрняй праграме прымаў удзел вілейскі ансабль «Вілея Казацкая» пад кіраўніцтвам Марыны і Андрэя Дударчыкаў. А таксама жыхары Смалявіч і госці свята змаглі наведаць канцэрт зоркі беларускай і расійскай эстрады – Дзмітрыя Калдуна. Свята па-сапраўднаму адбылося. І, як дзесяцігоддзі назад,беларусы аддалі даніну падзякі зямлі за шчодры ўраджай.

IMG_4318a

На абласным свяце ўпершыню была закладзена і новая традыцыя – перадача эстафеты правядзення “Дажынак”. У наступным годзе сталіцай абласных “Дажынак” стане Мядзел.

IMG_4322a

Зямля і хлеб – паняцці непарыўныя і непадзельныя. Без хлеба не абыходзіцца ні сціплы сняданак, ні будзённы абед, ні святочны стол. Ён суправаджае нас ад нараджэння і да глыбокай сталасці. Хлеб – адно з цудаў зямлі. І даецца ён чалавеку цаной вялікіх намаганняў. Няхай і надалей на Вілейшчыне будзе так: «Ад зямлі – хлеб, ад хлеба – багацце».

Сяргей ГАНЧАР.
Фота аўтара і Аляксея КАМІНСКАГА

IMG_4323a

IMG_4324a

IMG_4327a

IMG_4331a

IMG_4333a

IMG_4334a

IMG_4335a

IMG_4343a

IMG_4356a

IMG_4362a

IMG_4369a

IMG_4396a

IMG_4418a IMG_4420a

IMG_4423a

IMG_4424a

IMG_4425a

IMG_4431a

IMG_4434a

IMG_4436a

IMG_4437a

IMG_4438a

IMG_4439a

IMG_4444a

IMG_4449a

IMG_4453a

IMG_4462a

IMG_4464a

IMG_4471a


Написать комментарий

НОВОСТИ

ГАИ Минской области предупреждает водителей о готовящемся в выходные «Фильтре»

27 мая на Вилейщине отпразднуют «Семуху»

Во всех 37 гимназиях Минской области откроют первые классы

Скульптуру «Рыбий царь» установят в Вилейке на этой неделе

САМОЕ ЧИТАЕМОЕ

  • Мужчина выгуливал собаку и попал под поезд в Вилейке - 16 мая 2018 (1121)
  • Пенсионерка поехала на свидание с мужчиной в Вилейский район, а вернулась с разбитым лицом - 15 мая 2018 (1049)
  • СК завершил расследование уголовного дела по фактам похищения человека и использования рабского труда - 16 мая 2018 (624)
  • На перекрёстке столкнулись «Опель» и «Пежо» - 16 мая 2018 (494)
  • Случай на Вилейском водохранилище. Небесный фонарик ...к несчастью? - 15 мая 2018 (430)
  • Скульптуру «Рыбий царь» установят в Вилейке на этой неделе - 16 мая 2018 (339)
  • В Минской области жениться стали позже, но детей рожать больше - 15 мая 2018 (289)
  • ГАИ Минской области предупреждает водителей о готовящемся в выходные "Фильтре" - 17 мая 2018 (200)
  • В помощь детям: благотворительная акция по сбору вещей, игрушек и канцелярских товаров проходит в Вилейке - 16 мая 2018 (139)
  • 17 мая вилейчане приглашаются на на тренировочный лагерь перед самым энергичным фестивалем Вилейки! - 15 мая 2018 (134)
  • ВСЕ НОВОСТИ

    Фоторепортаж. Открытие скульптуры «Рыбий царь»

    17 выпускников 11-х классов претендуют на получение золотой медали

    ГАИ Минской области предупреждает водителей о готовящемся в выходные «Фильтре»

    27 мая на Вилейщине отпразднуют «Семуху»

    Информация для тех, кто хочет работать в Польше

    Во всех 37 гимназиях Минской области откроют первые классы

    23  мая состоится отчётный концерт Вилейской детской школы искусств

    Вилейский РОЧС провёл мониторинг состояния пожарной безопасности Охотничий комплекс Доманово ГОЛХУ «Вилейский опытный лесхоз»

    Визит Президента Беларуси в Таджикистан

    22 мая Комитет госконтроля проведёт «горячую линию» по вопросам ведения лесного хозяйства, соблюдения порядка в лесах Минской области

    РУБРИКИ ШП НАШИ АВТОРЫ
    Яндекс.Метрика