Рыжакосай гаспадыні ўвішнай быць – не прывыкаць…

Здаецца, зусім нядаўна мы ездзілі па збожжавых палях ААТ “Новая Вілія”, сустракаліся з камбайнерамі, што былі заняты надзвычайна важнай справай. Стаяў жнівень, і гэтам сказана ўсё. Непрыкметна праляцелі два месяцы, і вось мы зноў у гаспадарцы. Як і ўлетку, людзі тут заняты важнымі справамі, бо на дварэ – сярэдзіна восені. Парывістыя ветры, дажджы і першыя замаразкі нібыта папярэджваюць: не за гарамі зіма, спяшайцеся. Вось і стараюцца вяскоўцы, каб да белых мух спарадкаваць вырашчанае.

IMG_6145

Механізатары Уладзімір Грыпініч (злева), Аляксандр Надольскі (справа) і брыгадзір Міхаіл Жалняровіч (у цэнтры)

– Бульбу выбралі, з гародніны засталіся буракі з морквай, – расказаў пра клопаты гаспадаркі яе кіраўнік Андрэй Праташчык. – Цяпер заняты ўборкай грэчкі, якой у нас больш за трыста гектараў, і кукурузы (яе ў “Новай Віліі” вырошчвалі на сямістах гектарах). Што датычыць “каралевы палёў”, то на сёння (23 кастрычніка. Аўт.) у нас закладзена сем тысяч тон сіласу і яшчэ тры-чатыры тысячы тон нарыхтуем. Таксама ўбіраем кукурузу і на зерне. Вось і сёння ідуць работы на полі ля вёскі Ярмолічы, можам з’ездзіць і паглядзець. А ўвогуле, вяскоўцам адпачываць няма калі – убіраем, возім, аром, дыскуем, вывозім угнаенні… Восень жа на дварэ. Вунь, бачыце, на полі трактар удалечыні? Гэта рыхтуе глебу пад яравыя культуры адзін з лепшых механізатараў Аляксандр Дзеніскевіч.

Сучасны МТЗ-3022, на якім працуе механізатар, – машына надзейная, магутная, адпавядаючая ўсім патрабаванням сённяшняга дня. На ёй, расказаў нам трактарыст, за дзень можна 25-гектарны палетак узараць.

IMG_6141

Аляксандр Дзеніскевіч

– Я два дзясяткі гадоў у гаспадарца працую, і восем з лішнім апошніх гадоў – на гэтым трактары, – падзяліўся Аляксандр Дзеніскевіч. – 8300 машына-гадзін прайшла машына без сур’ёзных паломак, і гэта сведчыць пра якасць прадукцыі Мінскага трактарнага завода. Айчынная машына добрая і надзейная.

Аляксандр Дзеніскевіч – унук колішняга трактарыста гаспадаркі. Як і дзед у свой час, жыве клопатамі земляроба і гэтым задаволены. А чаму б і не? Усё ў жыцці склалася добра: жыве на бацькоўскай зямлі, глыбока пусціў тут карані. Жонка Галіна таксама ў гаспадарцы працуе загадчыцай фермы. Два гады назад у Дзеніскевічаў нарадзілася першая ўнучачка. На заўвагу, што яны па ўзросце маглі б яшчэ і за бацькоў сысці, Аляксандр усміхнуўся:

– Маладымі пажаніліся. І адразу ж пасля вяселля – у поле, на працу. Так і жывём.

Механізатар лёгка ўскочыў на падножку, і неўзабаве машына кранулася, паплыла ад дарогі ў бок далёкага лесу, пакідаючы пасля сябе роўныя барозны ўзаранай раллі.

На полі ля Ярмолічаў нас чакала сустрэча з яшчэ адным перадавіком “Новай Віліі” – камбайнерам Уладзімірам Грыпінічам. На працягу многіх гадоў ён сярод перадавікоў у гаспадарцы на жніве. Вось і зараз Уладзіміру Яўгенавічу, вопытнаму і высокакваліфікаванаму спецыялісту, даверана ўборка кукурузы. Скарыстаўшыся хвілінай, калі бункер камбайна ўжо напоўніўся і экіпаж на некалькі хвілін прыпыніўся для выгрузкі, мы, як добрыя знаёмыя, пагутарылі з камбайнерамі. Разам з Уладзімірам Грыпінічам, працаваў пенсіянер Аляксандр Насадовіч, які, хоць і знаходзіцца на заслужаным адпачынку, але не адмаўляецца дапамагчы роднай гаспадарцы, у якой адпрацаваў каля сарака гадоў. Яго вопыт, працавітыя рукі і нераўнадушныя адносіны да справы тут цэняцца.

За некалькі хвілін перадышкі мы паспелі пагутарыць з вяскоўцамі пра іх клопаты, надвор’е і ўвогуле пра жыццё-быццё. А затым жоўты паток у пяць з паловай тон пераліўся з бункера ў кузаў трактара Уладзіміра Соніча, і машыны разышліся ў розныя бакі: камбайн – за чарговай важкай порцыяй кукурузы, трактар – з важкім грузам да азначанага месца. І так – на працягу дня. Аператыўна, без прамаруджванняў, прафесійна.

Па дарозе дадому любавалася барвова-жоўтым убраннем лесу і адзначала, што яно ўжо значна парадзела – пакінулі свой след першыя замаразкі. І міжволі прыгадаліся радкі Людмілы Воранавай:

Рыжакосай гаспадыні
Увішнай быць – не прывыкаць,
Бо, як толькі фартух здыме –
Трэба зіму сустракаць.
Што праўда, то праўда.

Ірына БУДЗЬКО.
Фота Аляксея КАМІНСКАГА


Написать комментарий

НОВОСТИ

Комитетом госконтроля Минской области 22 февраля будет проводиться «горячая линия» по вопросу качества обеспечения жителей столичного региона питьевой водой

Автомобиль врезался в дерево в Вилейском районе. Серьёзно пострадала тёща водителя

Впервые на заводе «Зенит» прошла Масленица с блинами и хороводами

В отношении жителя Вилейского района возбуждено уголовное дело за кражу

САМОЕ ЧИТАЕМОЕ

  • Впервые на заводе "Зенит" прошла Масленица с блинами и хороводами - 19 февраля 2018 (613)
  • Автомобиль врезался в дерево в Вилейском районе. Серьёзно пострадала тёща водителя - 19 февраля 2018 (609)
  • В отношении жителя Вилейского района возбуждено уголовное дело за кражу - 19 февраля 2018 (250)
  • Выборы в Вилейском районе: дайджест основного дня голосования - 18 февраля 2018 (218)
  • За избиение отчима 20-летнему парню из Вилейского района дали 4 года "химии" - 19 февраля 2018 (174)
  • В Швеции закончился мусор - 19 февраля 2018 (141)
  • В Вилейском районе голосуют долгожители - 18 февраля 2018 (121)
  • Активно, ответственно, празднично - 18 февраля 2018 (114)
  • Голосует почётный гражданин Вилейского района Арнольд Портнов - 18 февраля 2018 (113)
  • На участок для голосования всей большой семьёй - 18 февраля 2018 (105)
  • ВСЕ НОВОСТИ

    В конце этой недели Вилейское ГАИ проверит автомобильные шины

    До минус 17 градусов ожидается в конце этой недели

    Оператор life:) с 1 марта повысит стоимость услуг связи

    За избиение отчима 20-летнему парню из Вилейского района дали 4 года «химии»

    В Борисове устанавливаются обстоятельства убийства престарелой женщины сыном

    Комитетом госконтроля Минской области 22 февраля будет проводиться «горячая линия» по вопросу качества обеспечения жителей столичного региона питьевой водой

    В Швеции закончился мусор

    Автомобиль врезался в дерево в Вилейском районе. Серьёзно пострадала тёща водителя

    Впервые на заводе «Зенит» прошла Масленица с блинами и хороводами

    Явка избирателей на местных выборах в Беларуси превысила 77%

    РУБРИКИ ШП НАШИ АВТОРЫ
    Яндекс.Метрика


    Разработка ИП Харитончик А.Н.