У Вілейцы прайшоў міжнародны навуковы круглы стол, які быў прысвечаны 345-годдзю з дня нараджэння Піліпа Орліка

26-27 кастрычніка ў Мінску ў Акадэміі навук Беларусі і ў Вілейцы прайшлі міжнародныя навуковыя круглыя сталы, якія былі прысвечаны 345-годдзю з дня нараджэння Піліпа Сцяпанавіча Орліка – сына двух братэрскіх народаў Беларусі і Украіны, гетмана і аўтара першай канстытуцыі Украіны. Нарадзіўся Піліп Орлік у вёсцы Касута Вілейскага раёна, а ў сусветную гісторыю ўвайшоў як адзін з самых уплывовых палітыкаў ўсходняй Еўропы.

7

Тэма арганізацыі святкаванняў 345-годдзя з дня нараджэння ўкраінскага гетмана Піліпа Орліка, які нарадзіўся на тэрыторыі сучаснай Вілейшчыны, абмяркоўвалася на самым высокім узроўні – у рамках рабочага візіту ў Рэспубліку Беларусь Прэзідэнта Украіны Пятра Парашэнкі ў красавіку гэтага года і на сустрэчы з Прэзідэнтам Беларусі Аляксандрам Лукашэнка. Менавіта тады Пётр Парашэнка падкрэсліў важнасць ўрачыстага святкавання ў гэтым годзе 345-годдзя з дня нараджэння аўтара першай еўрапейскай Канстытуцыі – гетмана Піліпа Орліка.

І вось,26 кастрычніка,міжнародны круглы стол прайшоў у інстытуце гісторыі Нацыянальнай акадэміі навук Беларусі. Там усіх прысутных навукоўцаў вітаў надзвычайны і паўнамоцны пасол Украіны ў Рэспубліцы Беларусь Ігар Кізім. А 27 кастрычніка ў Вілейцы быў арганізаваны міжнародны круглы стол “Украінская Канстытуцыя Піліпа Орліка ў еўрапейскім кантэксце – найважнейшы дакумент гісторыка-палітычнага і сусветнага значэння”. Арганізатарамі круглага стала выступілі: Вілейскі раённы выканаўчы камітэт, грамадская камісія па ўвекавечанні памяці П. Орліка Беларускага грамадскага аб’яднання ўкраінцаў “Ватра”, пасольства Украіны ў Рэспубліцы Беларусь, Інстытут гісторыі НАН Беларусі і Мінскае грамадскае аб’яднанне ўкраінцаў “Заповіт”. Напярэдадні пасяджэння ўсе ўдзельнікі мерапрыемства ўсклалі кветкі да памятнага знака на малой радзіме Піліпа Орліка ў вёсцы Касута і да мемарыяльнай дошкі на вуліцы, якая носіць яго імя ў нашым горадзе.

1

Падчас пасяджэння ўсіх прысутных ад імя Вілейскага райвыканкама вітала намеснік старшыні Святлана Дзяруга. Сярод удзельнікаў мерапрыемства былі прадстаўнікі ўкраінскай дыяспары, гісторыкі Беларускага дзяржаўнага ўніверсітэта, акадэміі навук, а таксама прадстаўнікі вядучых універсітэтаў Украіны, вілейскія краязнаўцы, гісторыкі і музейныя супрацоўнікі.

У ходзе выступленняў падчас міжнароднага навуковага круглага стала асоба гетмана Піліпа Орліка была разгледжана ў кантэксце гісторыі, палітыкі, культуры і традыцый. Кожны з дакладаў прадстаўляў новы аспект жыцця і дзейнасці ўкраінскага гетмана як на беларускіх, украінскіх землях, так і ў эміграцыі.

5

Фігура гетмана Піліпа Орліка – вялікага сына беларускай зямлі і ўкраінскага народа – займае асаблівае месца сярод палітычных дзеячаў 18 стагоддзя. Канстытуцыя Піліпа Орліка, або “Пакт і Канстытуцыя правоў і вольнасцяў Войска Запарожскага” – важкі дакумент, што надаў новы віток развіццю грамадскіх адносін у дзяржавах таго часу. Таму невыпадкова, што канстытуцыя Піліпа Орліка на дзясяткі гадоў апярэдзіла ідэі Французскай рэвалюцыі. І мы сапраўды павінны ганарыцца тым, што ў гісторыі беларускага і ўкраінскага народаў ёсць такая постаць.

Немагчыма не адзначыць, што менавіта прадстаўнікі ўкраінскай абшчыны ў Беларусі знайшлі звесткі аб месцы нараджэння гетмана Орліка і на працягу апошніх гадоў прыкладаюць шмат намаганняў, каб памяць аб гэтай выдатнай асобе і яго гістарычнай спадчыне была ўвекавечана на яго малой радзіме – у вёсцы Касута. І ў гэтым вялікая заслуга Галіны Калюжнай, старшыні грамадскай камісіі па ўвекавечанні памяці П. Орліка. Яна ў 2002 годзе першай ініцыявала пошукі і адкрыла шлях украінцаў да Вілейскага раёна – месца, дзе нарадзіўся іх гетман. На працягу гэтых гадоў Галіна Яфімаўна разам з кіраўніцтвам раёна і мясцовымі гісторыкамі прыклалі шмат намаганняў для ўшанавання памяці ўкраінскага гетмана ў Беларусі.

Праца круглага стала ў Вілейцы была вельмі насычанай, а дыскусіі, даклады і навуковыя тэзісы, верыцца, надалі новы імпульс даследаванням і папулярызацыі спадчыны Піліпа Орліка, яе бясспрэчнай актуальнасці для сучаснасці.

Сяргей ГАНЧАР.
Фота прадстаўлена аддзелам ідэалагічнай работы, культуры і па справах моладзі райвыканкама


1 Ответ в “У Вілейцы прайшоў міжнародны навуковы круглы стол, які быў прысвечаны 345-годдзю з дня нараджэння Піліпа Орліка”

  1. Аноним:

    Немагчыма не адзначыць,што менавiта АНАТОЛЬ РОГАЧ знайшоу звесткi аб месяцы нараджэння Германа Орлiка.

Написать комментарий

НОВОСТИ

Итоги нерестового запрета: изъято почти 52 км сетей и более 500 других запрещенных орудий

Отец с сыном из Вилейского района заняли II место на 1-м этапе Республиканских соревнований по лову рыбы спиннингом с лодки

Стало известно, кто будет представлять Вилейщину на конкурсе «Адна зямля»

Об экономике района, дорогах и детских площадках

САМОЕ ЧИТАЕМОЕ

  • Найден водитель, который снёс остановку "Лукавец" - 20 июня 2018 (557)
  • Стало известно, кто будет представлять Вилейщину на конкурсе "Адна зямля" - 19 июня 2018 (513)
  • При изготовлении самогона задержан вилейчанин - 19 июня 2018 (452)
  • 22 июня синоптики прогнозируют понижение температуры и сильные дожди - 20 июня 2018 (381)
  • Об экономике района, дорогах и детских площадках - 19 июня 2018 (315)
  • Отец с сыном из Вилейского района заняли II место на 1-м этапе Республиканских соревнований по лову рыбы спиннингом с лодки - 20 июня 2018 (155)
  • Вилейский и ещё четыре района в лидерах по выполнению плана закладки сенажа - 20 июня 2018 (153)
  • У Куранцы павіншавалі стогадовага юбіляра - 19 июня 2018 (70)
  • 25 юных віляйчан прынялі ўдзел у VІІІ дзіцячым мастацкім пленэры - 19 июня 2018 (59)
  • У баявой гатоўнасці - 19 июня 2018 (30)
  • ВСЕ НОВОСТИ

    Вилейский и ещё четыре района в лидерах по выполнению плана закладки сенажа

    Жилищные субсидии для новых категорий граждан появятся в жировках осенью

    Первый национальный канал Белорусского радио запускает обратный отсчет до ІІ Европейских игр

    22 июня синоптики прогнозируют понижение температуры и сильные дожди

    Итоги нерестового запрета: изъято почти 52 км сетей и более 500 других запрещенных орудий

    Отец с сыном из Вилейского района заняли II место на 1-м этапе Республиканских соревнований по лову рыбы спиннингом с лодки

    Найден водитель, который снёс остановку «Лукавец»

    ИЗВЕЩЕНИЕ о проведении аукциона…

    У баявой гатоўнасці

    При изготовлении самогона задержан вилейчанин

    РУБРИКИ ШП НАШИ АВТОРЫ
    Яндекс.Метрика