Як прайшоў дзень выпускнікоў у Ільянскай школе

Першую суботу лютага заўсёды з нецярпеннем чакаюць выпускнікі школы і настаўнікі. Гэты суботні вечар ахутаны нейкай таямніцай, бо сустракаюцца дарослыя людзі, але ім таксама хочацца зазірнуць у маленства, у тыя школьныя гады, дзе было шмат цікавага і незабыўнага.

встреча

Наша Ільянская школа заўсёды загадзя рыхтуецца да гэтай сустрэчы. Асабліва шчыруюць выпускнікі школы. На другім паверсе ў калідоры каля актавай залы імі падрыхтаваны буклет юбілейных выпускаў у форме нотнага сшытка, бо само ўрачыстае мерапрыемства праходзіць пад назвай “Мелодыі дзяцінства”. І сапраўды, чароўныя музычныя мелодыі вяртаюць кожнага ў той бесклапотны і незабыўны час, у гады маленства.

У рэсурсным цэнтры “Музейная педагогіка” падрыхтавана выстава альбомаў і папак выпускных класаў, пачынаючы з 1948 года і па сёння. Шмат сабрана звестак пра настаўнікаў-ветэранаў педагагічнай працы. Яшчэ напярэдадні вечара сюды наведваліся вучні, настаўнікі, іншыя супрацоўнікі школы. Кожны шукаў матэрыялы пра сваіх родных, блізкіх, знаёмых, настаўнікаў. Цікава было назіраць за такім кранальным заняткам.

выпускники

А ў суботу вечарам пачалі збірацца ў школу былыя выпускнікі, а таксама аднавяскоўцы, бо гэта свята ўсёй вёскі.

Перад пачаткам урачыстага мерапрыемства многія наведвалі рэсурсны цэнтр, а таксама школьныя музеі. Мяне асабліва ўсхвалявала тое, з якім задавальненнем узгадвалі былыя экскурсаводы літаратурнага музея сваіх пісьменнікаў. Выпускніца 1998 года Алена Шупенька, калі зайшла ў музей, радасна прамовіла: “Дзе ж гэта мой Максім Танк?” А Марына Найдзіч з таго ж выпуску пачала разглядаць экспазіцыю, прысвечаную Ганне Новік. Кожны ўзгадваў штосьці сваё. І гэта было так шчыра і натуральна, што я падумала: “Значыць, наша праца ў музеі не безвыніковая”.
І вось гучыць школьны званок, які кліча ўсіх на мерапрыемства ў актавую залу. Пад гукі святочнага перазвону на сцэну выходзяць вядучыя, вучні 11 класа Ганна Рудніцкая і Сяргей Казак, якія ўрачыста адкрываюць свята. З прывітальным словам выступіў дырэктар школы Ігар Аляксандравіч Юшко, які выказаў цёплыя шчырыя словы ўсім прысутным у зале і асабіста ветэранам педагагічнай працы. Затым хвілінай маўчання ўшанавалі памяць тых настаўнікаў, якія ўжо пакінулі нас.

На сцэну па чарзе запрашаліся юбілейныя выпускі разам з іх класнымі кіраўнікамі. Канешне, шмат сардэчных слоў было адрасавана настаўнікам. З асаблівым хваляваннем у зале слухалі выступленні нашых старэйшых настаўнікаў: Шылы М.М., Шылы В.У., Шэрай Р.К., Маркевіч Л.Ф., Кіпель З.А.
Выступленні выпускнікоў і настаўнікаў чаргаваліся з мелодыямі розных гадоў. Выпускнікі школы пад кіраўніцтвам класнага кіраўніка Шушкевіч Аксаны Аляксееўны падрыхтавалі цікавы сцэнарый. Парадавалі ўсіх сваімі мастацкімі нумарамі і работнікі Ільянскага СДК: Людміла Тонкавіч, Мікіта Палтарэцкі і Вячаслаў Альшэўскі.

Час праляцеў непрыкметна, але мелодыі дзяцінства яшчэ працягвалі гучаць, напэўна, да раніцы. Мне думаецца, што кожны атрымаў у гэты вечар шмат станоўчых эмоцый, якіх хопіць да новых сустрэч.

Валянціна ЕРАШОНАК, кіраўнік рэсурснага цэнтра “Музейная педагогіка” ДУА “Ільянская сярэдняя школа імя А.А. Грымаця”.

Фота прадстаўлена аўтарам


Написать комментарий

НОВОСТИ

Программа праздничных мероприятий на 9 Мая в Вилейке

Праздничный концерт 1 мая прошел в Вилейке

Пиратская, ретро, рыцарская свадьба и даже ночью при свечах – новшество Вилейского Дворца культуры

В какие дни будет проходить регистрация на ЦТ в Молодечно

САМОЕ ЧИТАЕМОЕ

  • Одно из отделений «Беларусбанка» в Вилейке прекращает работу - 4 мая 2018 (1013)
  • Программа праздничных мероприятий на 9 Мая в Вилейке - 4 мая 2018 (855)
  • Молодой педагог-2018. "Поддержка для специалиста очень важна" - 4 мая 2018 (334)
  • В Вилейке 19-летний хулиган разбил окно местного жителя  - 4 мая 2018 (297)
  • Праздничный концерт 1 мая прошел в Вилейке - 4 мая 2018 (162)
  • 80 лет на связи, расширяя границы возможного - 4 мая 2018 (101)
  • На "Зените" прошла интеллектуальная игра "Брейн-ринг" - 4 мая 2018 (63)
  • Дэлегацыя пасольства Украіны 26 красавіка наведала памятны знак у гонар Піліпа Орліка ў Касуце - 4 мая 2018 (40)
  • Безбарьерная среда в Вилейке: что сделано и что планируется - 4 мая 2018 (38)
  • З'яднаныя адной бядою... - 4 мая 2018 (36)
  • ВСЕ НОВОСТИ

    В Вилейке 19-летний хулиган разбил окно местного жителя 

    На «Зените» прошла интеллектуальная игра «Брейн-ринг»

    Дэлегацыя пасольства Украіны 26 красавіка наведала памятны знак у гонар Піліпа Орліка ў Касуце

    Что мы знаем сегодня о Лабазе Джиоеве?

    Вайна, што адняла палову сям’і…

    З’яднаныя адной бядою…

    Безбарьерная среда в Вилейке: что сделано и что планируется

    График проведения «прямых телефонных линий» Инспекцией Министерства по налогам и сборам Республики Беларусь по Вилейскому району в мае 2018 года

    Одно из отделений «Беларусбанка» в Вилейке прекращает работу

    Молодой педагог-2018. «Поддержка для специалиста очень важна»

    РУБРИКИ ШП НАШИ АВТОРЫ
    Яндекс.Метрика