Ільянскі музей «Вілейшчына літаратурная» узнагароджаны дыпломам

Год малой радзімы ўпэўнена крочыць па краіне. Вельмі добра, што людзі ўслаўляюць свой край, родныя і мілыя мясціны свайго дзяцінства, людзей, якія жывуць побач. А колькі цікавых і памятных мясцін ёсць у нашай краіне! І аб гэтым усім расказваюць нашы музеі, якія з’яўляюцца адукацыйным цэнтрам грамадзянска-патрыятычнага выхавання моладзі.

Илья

На вясенніх канікулах нам давялося наведаць старажытны горад Нясвіж. У Нясвіжскім дзяржаўным каледжы імя Якуба Коласа прайшоў першы абласны форум «Школьныя музеі Міншчыны: традыцыі і інавацыі», прысвечаны Году малой радзімы.

У мерапрыемстве прынялі ўдзел кіраўнікі народных музеяў, створаных ва ўстановах агульнай сярэдняй, дадатковай адукацыі дзяцей і моладзі, установах абласнога падпарадкавання, а таксама музеі, якія прадставілі дакументы на прысваенне звання «народны». Ад нашай школы ў форуме прымалі ўдзел два кіраўнікі народных музеяў: аўтар гэтых радкоў і Шабуня Наталля Іванаўна.
Там мы мелі магчымасць дазнацца пра інтэлектуальны і адукацыйны патэнцыял музеяў, пра нацыянальныя скарбы, якія захоўваюцца ў фондах, пра праекты, падрыхтаваныя музеямі Міншчыны для сваіх наведвальнікаў.

Былі вызначаны чатыры намінацыі: «Стэндавая абарона экспазіцый музея», «Віртуальны музей», «Лепшы музейны прадмет», «За вернасць прафесіі». Кожны з удзельнікаў цікава абараняў сваю намінацыю, дзяліўся вопытам. Мы, ільянцы, выступалі ў намінацыі «Віртуальны музей».

Напрыканцы форума лепшых чакалі ўзнагароды. Сярод іх дыпломам ІІІ ступені ўзнагароджаны і наш музей «Вілейшчына літаратурная» ў намінацыі «Віртуальны музей».

Акрамя таго мы пазнаёміліся з гісторыяй Нясвіжскага дзяржаўнага каледжа імя Якуба Коласа падчас экскурсіі ў музей. Нас вітаў ансамбль каледжа «Нясвіжскія лыжкары», які добра ведаюць не толькі ў Беларусі, але і ў СНД.

Радасна, што ёсць яшчэ шмат энтузіястаў, якія збіраюць па крупіцы, захоўваюць і перадаюць нашчадкам памяць пра гісторыю свайго краю, садейнічаюць выхаванню ў маладога пакалення любві і павагі да сваіх каранёў, сваёй зямлі, сваёй Бацькаўшчыны.

Валянціна ЕРАШОНАК, кіраўнік музея «Вілейшчына літаратурная» ДУА «Ільянская сярэдняя школа імя А.А. Грымаця».
Фота прадстаўлена аўтарам


Написать комментарий

НОВОСТИ

Программа праздничных мероприятий на 9 Мая в Вилейке

Праздничный концерт 1 мая прошел в Вилейке

Пиратская, ретро, рыцарская свадьба и даже ночью при свечах – новшество Вилейского Дворца культуры

В какие дни будет проходить регистрация на ЦТ в Молодечно

САМОЕ ЧИТАЕМОЕ

ВСЕ НОВОСТИ

В Вилейке 19-летний хулиган разбил окно местного жителя 

На «Зените» прошла интеллектуальная игра «Брейн-ринг»

Дэлегацыя пасольства Украіны 26 красавіка наведала памятны знак у гонар Піліпа Орліка ў Касуце

Что мы знаем сегодня о Лабазе Джиоеве?

Вайна, што адняла палову сям’і…

З’яднаныя адной бядою…

Безбарьерная среда в Вилейке: что сделано и что планируется

График проведения «прямых телефонных линий» Инспекцией Министерства по налогам и сборам Республики Беларусь по Вилейскому району в мае 2018 года

Одно из отделений «Беларусбанка» в Вилейке прекращает работу

Молодой педагог-2018. «Поддержка для специалиста очень важна»

РУБРИКИ ШП НАШИ АВТОРЫ
Яндекс.Метрика