Фоторепортаж. Михаил Финберг выступил с оркестром в Вилейке

Другі раз Вілейку з вялікай музычнай праграмай наведвае Нацыянальны акадэмічны канцэртны аркестр Беларусі. Заслужаны калектыў прадставіў віляйчанам 19 мая тры праграмы: канцэрт струннага аркестра і вакальнага ансамбля ў касцёле Узвіжання Святога Крыжа, выступленне квартэта аркестра ў гарадской бібліятэцы і эстрадны канцэрт на сцэне Вілейскага Палаца культуры.

Канцэрт-вяртанне – менавіта так можна назваць праграму, якая адбылася ў мінулую суботу ў вілейскім касцёле. І хаця гэта было толькі пачаткам насычанага музычнага дня ў нашым горадзе, але дазвольце мне назваць касцёльны канцэрт галоўнай падзеяй суботняга дня.

– Да канца 18 стагоддзя на Беларусі, як і ў Еўропе, уся прафесійная музыка існавала непасрэдна ў храмах. Менавіта там былі, кажучы па-сучаснаму, канцэртныя залы, і гэту традыцыю мы ўзнаўляем сёння, – адзначыла ў пачатку канцэрта ў касцёле Узвіжання Святога Крыжа вядучая ранішняй імпрэзы, доктар мастацтвазнаўства, прафесар, загадчыца кафедры беларускай музыкі Беларускай дзяржаўнай акадэміі музыкі Вольга Уладзіміраўна Дадзіёмава. – Другі год запар мы прывозім віляйчанам унікальную праграму, якая прадстаўляе шматгранную беларускую музычную культуру мінулых стагоддзяў.

Выступленні вакальнага ансамбля пад кіраўніцтвам заслужанай артысткі Беларусі Наталлі Міхайлавай і струннага аркестра (дырыжор Людміла Каліноўская), былі непаўторнымі. У выкананні двух калектываў былі прадстаўлены творы Шуберта, Моцарта, Вівальдзі, кампазітараў Міншчыны – Манюшкі, Агінскага, а таксама прыдворных кампазітараў нясвіжскіх Радзівілаў і многія іншыя, а касцёльныя сцены рабілі гучанне аркестра і ансамбля жывым, выразным, непаўторна пявучым. І здавалася, што музыка пераносіла слухачоў у нейкі патаемны свет.

Выходзячы з касцёла, праслухаўшы канцэрт, разумееш, наколькі важна ствараць такія праграмы кампазітараў мінулых стагоддзяў: Н. Орды, М. Ельскага, М. Агінскага, С. Манюшкі, Я. Голанда, Антонія і Мацея Радзівілаў, А. Рагачоўскага, В.Казлоўскага і іншых знакамітых майстроў беларускага музычнага мастацтва, творы якіх з часам былі забытыя нашчадкамі. Адметна і тое, што падобныя праграмы, прадстаўляемыя не толькі ў беларускіх гарадах, а і на замежных канцэртных пляцоўках так званымі «малымі саставамі» Нацыянальнага акадэмічнага канцэртнага аркестра Беларусі, сваім узрушаючым выканальніцкім майстэрствам натхняюць беларусаў і замежнікаў на прызнанне і гонар нашай нацыянальнай культуры і мастацтва.

У гэты ж дзень адбыўся невялікі канцэрт струннага квартэта пад кіраўніцтвам Таццяны Вайлапавай у памяшканні гарадской бібліятэкі, пасля чаго была магчымасць паразмаўляць і задаць пытанні мастацкаму кіраўніку і галоўнаму дырыжору Нацыянальнага акадэмічнага канцэртнага аркестра Беларусі Міхаілу Фінбергу. І ўжо а 17 гадзіне адбыўся эстрадны канцэрт біг-бэнда заслужанага калектыву і салістаў аркестра ў вілейскім Палацы культуры.

Сяргей ГАНЧАР.

Фота аўтара

Фото Сергея Гончара


Написать комментарий

НОВОСТИ

Открытие скейт-сезона в Вилейке состоится на этой неделе

Празднование дня рождения обернулось трагедией. Один из гостей погиб в ДТП

Фоторепортаж. Михаил Финберг выступил с оркестром в Вилейке

ФОТОРЕПОРТАЖ. Ночь музеев — 2018

САМОЕ ЧИТАЕМОЕ

  • Сеансы кинотеатра «Мир» (23 – 27 мая) - 21 мая 2018 (2452)
  • Вилейчане раскрыли секрет счастливых супружеских отношений - 21 мая 2018 (922)
  • Празднование дня рождения обернулось трагедией. Один из гостей погиб в ДТП - 21 мая 2018 (907)
  • В Вилейском районе загорелась баня: никто не пострадал - 22 мая 2018 (168)
  • Фоторепортаж. Михаил Финберг выступил с оркестром в Вилейке - 21 мая 2018 (129)
  • В микрорайоне "Северный" дворовые воришки оставили детей без волейбольной сетки  - 22 мая 2018 (64)
  • В преддверии VI Международного фестиваля ретро-мотоциклов «Кола Часу 2018» в районе объявляется конкурс рисунков «Двухколесная история» - 22 мая 2018 (29)
  • Открытие скейт-сезона в Вилейке состоится на этой неделе - 22 мая 2018 (19)
  • Вилейский РОЧС провел повторный мониторинг ГУО «Вилейская специальная общеобразовательная школа-интернат - 21 мая 2018 (14)
  • 23 мая заместитель директора государственного предприятия "УКС Вилейского района" МИХАЛИК Сергей Геннадьевич проводит "прямую телефонную линию" - 21 мая 2018 (9)
  • ВСЕ НОВОСТИ

    Встречу в трудовом коллективе ОАО » ПМК-88″ провел заместитель председателя райисполкома Александр Катович

    В микрорайоне «Северный» дворовые воришки оставили детей без волейбольной сетки 

    В преддверии VI Международного фестиваля ретро-мотоциклов «Кола Часу 2018» в районе объявляется конкурс рисунков «Двухколесная история»

    Открытие скейт-сезона в Вилейке состоится на этой неделе

    В Вилейском районе загорелась баня: никто не пострадал

    Вилейский РОЧС провел повторный мониторинг ГУО «Вилейская специальная общеобразовательная школа-интернат

    24 мая состоится «прямая телефонная линия» с начальником Вилейского районного отдела Следственного комитета Республики Беларусь подполковником юстиции МЯГКОВЫМ Евгением Николаевичем

    Празднование дня рождения обернулось трагедией. Один из гостей погиб в ДТП

    Фоторепортаж. Михаил Финберг выступил с оркестром в Вилейке

    Вилейчане раскрыли секрет счастливых супружеских отношений

    РУБРИКИ ШП НАШИ АВТОРЫ
    Яндекс.Метрика