На Вілейшчыне разгарнулася касьба траў першага ўкосу

На Вілейшчыне разгарнулася касьба траў першага ўкосу. У яе ўключыліся ўсе гаспадаркі раёна. Здаецца, зусім нядаўна закончыўся стойлавы перыяд, а ўжо час думаць пра наступны. Аграрыі ведаюць, што да яго надыходу патрэбна не толькі нарыхтаваць неабходны запас травянога корму, але і паклапаціцца пра яго якасць. Кармы павінны быць збалансаванымі па ўсіх кампанентах. Якасна закладзеныя, яны, ведаюць спецыялісты, зніжаюць затраты на закупку канцэнтраваных, што, у сваю чаргу, уплывае на сабекошт сельгаспрадукцыі.

район

Пётр Крывіцкі

Поўным ходам ідзе нарыхтоўка кармоў у ААТ «Чурлёны», куды мы на днях наведаліся. Начальнік участка па іжанскай зоне Уладзімір Дрозд, з якім сустрэліся на мехдвары, расказаў:
– Косім бабовыя – люцэрну і канюшыну – на адным полі, убіраем злакавыя на другім. Ужо запоўнены дзве сянажныя ямы кармамі добрай якасці. Надвор’е дазваляе захаваць усе належныя тэхналогіі. І прэс ужо працуе – нарыхтоўваем сена.

Жниво

Аляксандр Верамей

За многія гады работы ў гаспадарцы Уладзімір Дрозд ведае, як працаваць у розных умовах, якія дыктуе надвор’е. Зараз, лічыць, надвор’е спрыяе, і прыйшоў час касавіцы. У мінулым годзе гэта кампанія з-за дажджоў пачалася значна пазней, а сёлета старт зялёнаму жніву даў май.
– Так што настрой цяпер у нас толькі на самае важнае – на нарыхтоўку якасных кармоў, – выказаў агульную думку калектыву Уладзімір Дрозд. – Вось, дапусцім, механізатар Аляксандр Верамей на трактары МТЗ-3022 з касілкай КМР-9 толькі за ўчарашні дзень скасіў 57 гектараў траў.

Сяргей Ганчароў

Героя дня Аляксандра мы сустрэлі тут жа, на мехдвары: малады чалавек прыехаў сюды, каб ліквідаваць у сваім трактары няспраўнасць. З заклапочаным выглядам завіхаўся ён ля свайго жалезнага сябра, таму не з вялікай ахвотай згадзіўся на фота. Маўляў, не да гэтага цяпер… Аднак загаварылі пра касьбу, і вочы Аляксандра адразу ж пацяплелі, на твары з’явілася ўсмешка. Стала адразу ж зразумела, што закранулі вельмі важную і блізкую чалавеку тэму.
Разам з начальнікам участка мы праехалі па палях, дзе працавалі касілкі, прыязджалі і ад’язджалі загружаныя травяной масай машыны.

комбайн

Ігар Петрыкевіч і Міхаіл Пашкевіч

– Два механізатары – Ігар Петрыкевіч і Андрэй Місун – працуюць на касілках, – расказаў пра клопаты падначаленага яму калектыву Уладзімір Дрозд. – Яшчэ адна касілка, на якой заняты Аляксандр Манчак, зараз на падкошванні пашаў. Два трактары задзейнічаны на ўтрамбоўцы – «Амкадор» Алега Лягеня і «Фэндт» Пятра Дземеша, якія зараз закладаюць сянаж у Іжы.
З механізатарам Сяргеем Ганчаровым мы сустрэліся на полі ля Іжы, дзе ён на сваім КВК падбіраў валкі, выгружаў зялёную масу ў кузавы аўтамабіляў, якія адвозілі яе да траншэі.

Кіпела работа і на полі ва ўрочышчы Раўцова. Тут мы сустрэлі механізатараў Ігара Петрыкевіча і Міхаіла Пашкевіча. Першы працаваў «з касою», другі – «з граблямі», і работа спорылася.
І яшчэ адна цікавая сустрэча была на гэтым полі. Тут на сваім КЗР працаваў знакаміты механізатар Пётр Крывіцкі. Знакаміты не толькі ў гэтай гаспадарцы, але і ў раёне і за яго межамі. У пачатку года шматгадовая сумленная праца гэтага чалавека была высока ацэнена – ён быў удастоены ордэна Пашаны. Узнагароду Пётр Іосіфавіч прымаў з рук Прэзідэнта нашай краіны. На маё пытанне, як працуецца яму, ардэнаносцу, Крывіцкі сціпла ўсміхнуўся: «Як і ўсім. А што датычыць узнагароды, дык усё гэта ўжо крышку прызабылася. Нязменным застаецца адно – праца»… Пад’ехала машына, і трактар Крывіцкага звыкла пачаў падхопліваць скошаную траву, напаўняючы зялёнай масай кузаў. На чыста падабранае поле апусціліся два буслы і важнымі гаспадарамі скіраваліся за тэхнікай. Касавіца…

Ірына БУДЗЬКО.

Фота аўтара


Написать комментарий

НОВОСТИ

Мужчина обокрал соседку в Вилейском районе

Отборочный тур регионального фестиваля-конкурса исполнителей эстрадной песни «Адна зямля»  пройдёт в Вилейке

Вилейские каратисты стали победителями в международном турнире по каратэ в Эстонии

Ярмарка занимательных экспериментов пройдёт в Вилейке 1 июня

САМОЕ ЧИТАЕМОЕ

  • Сеансы кинотеатра «Мир» (30 мая – 3 июня) - 28 мая 2018 (2471)
  • Жара и резкое похолодание в первые дни лета – погода на неделю - 28 мая 2018 (744)
  • В Илье прошёл районный праздник Сёмуха - 28 мая 2018 (288)
  • Ярмарка занимательных экспериментов пройдёт в Вилейке 1 июня - 28 мая 2018 (210)
  • Мужчина обокрал соседку в Вилейском районе - 29 мая 2018 (99)
  • Двое мужчин в Вилейском районе хотели украсть более полутонны комбикорма - 29 мая 2018 (89)
  • Отборочный тур регионального фестиваля-конкурса исполнителей эстрадной песни "Адна зямля"  пройдёт в Вилейке - 28 мая 2018 (64)
  • Вилейские каратисты стали победителями в международном турнире по каратэ в Эстонии - 28 мая 2018 (42)
  • В Минской области расследуется ряд уголовных дел о ложном доносе - 28 мая 2018 (21)
  • Госконтроль пояснил порядок оплаты населением услуг по обращению с твердыми коммунальными отходами - 28 мая 2018 (18)
  • ВСЕ НОВОСТИ

    В Долгиново прошёл благотворительный концерт, средства которого пойдут на лечение детей от рака

    На Вілейшчыне разгарнулася касьба траў першага ўкосу

    В чарующем мире музыки

    2 июня состоится «прямая телефонная линия» управляющего делами райисполкома ГОТОВКО Виктора Викторовича

    31 мая состоится «прямая телефонная линия» с заместителем начальника Вилейского РОВД – начальником милиции общественной безопасности  подполковником милиции СОЛОВЬЕМ Виталием Вадимовичем

    XII республиканский турнир по мини-футболу SENICUP для людей с особенностями психо-физического развития состоится 1-2 июня в ДРОЦ «Надежда»

    Двое мужчин в Вилейском районе хотели украсть более полутонны комбикорма

    Мини-футбол: Приз центра “Надежда” получила Вилейская школа №3

    Безопасные летние каникулы…

    Мамы, а всё ли вы знаете про безопасность в своём доме!

    РУБРИКИ ШП НАШИ АВТОРЫ
    Яндекс.Метрика