Ганаровы ветэран Вілейскага раёна

Ганаровы ветэран Вілейскага раёна – гэта званне было прысвоена Ірыне Філіпаўне Чарнецкай, якая мае статус непаўналетняга вязня Вялікай Айчыннай вайны. Сёлета падчас урачыстых святкаванняў у гонар 9 мая з гэтай нагоды Ірына Філіпаўна прымала віншаванні ад старшыні райвыканкама Віктара Ката. І гэта, думаецца, не адзіная яе ўзнагарода – за актыўную жыццёвую пазіцыю і неабыякавасць, адказнасць і сумленныя адносіны да працы. Было з каго браць прыклад: маці шмат год працавала ў гаспадарцы, а стараннасць яе неаднойчы была адзначана.

Жыццёвая вясна Ірыны Філіпаўны аказалася абпаленая вайной. Калі фашысцкая навала дайшла да Вілейшчыны, ёй было адзінаццаць. Нібы ўчора тое было – так дакладна яна памятае падзеі таго часу. Памятае – і жадае: не дай Бог нікому зведаць і ўбачыць тое, што давялося перажыць ёй…

Іх сям’я і жыла тут, у Капішчы, у ёй падрасталі чацвёра дзяцей – двое сыноў і двое дачок. Не абмінуў іх горкі лёс выгнанцаў. Разам з бацькамі трапілі спачатку ў Беласток, дзе «далі хоць трохі есці» – успамінае Ірына Філіпаўна. Пасля быў горад Эрфут – найгоршы па ўспамінах жанчыны. На ўсё жыццё засталася ў яе памяці карціна: дрот з абодвух бакоў, а пасярэдзіне гоняць людзей. У натоўпе – і яна. Нягледзячы на забарону маці, глядзіць на тое, як на транспарцёр кідаюць мёртвых людзей… Узялася за дрот – і знерухомела, застыла на месцы, не маючы сілы ісці ад жаху. Падбег немец, стукнуў па руках – людскі натоўп крочыў наперад… Пасля перавезлі іх у Нардхаузэн. Там «хадзілі на работу» – працавалі на табачнай фабрыцы. Дарэмную рабочую сілу фашысты кармілі бручкай з чарвякамі. Нялёгкімі былі тыя гады, але галоўнае, што на радзіму іх сям’я вярнулася ўся. Выжылі. Насуперак усяму.

Пасляваеннае жыццё не было салодкім. Трэба было шукаць, як пракарміцца – і яна пайшла працаваць пастухом. Потым – у паляводстве. Працавітую дзяўчыну заўважыў заатэхнік, прапанаваў перайсці ў жывёлагадоўлю. Працавала «на цялятах», потым – на свінаферме. Некаторы час, пакуль не было каму працаваць, была і даяркай, а потым зноў вярнулася на свінаферму. Ад працы не адмаўлялася ніколі. Тут жа, у Капішчы, яна выйшла замуж. Рана не стала мужа – дваіх дзяцей паднімала сама. Сёння сын Аляксандр жыве ў Мінску, дачка Наталля – у Вілейцы. Яны – жаданыя госці ў яе хаце, даглядаюць матулю, дапамагаюць ёй.

Усяму, што ўмее, Ірына Філіпаўна навучылася, як кажа, «сама праз сябе» – універсітэтаў канчаць у яе не было магчымасці. І спяваць яна таксама навучылася сама. А пасябравала з песняй на ўсё жыццё. Назваць любімую ёй няпроста – падабаюцца розныя. Удзел у працы грамадскага аб’яднання ахвяр нацызму «Памяць вайны» для яе – своеасаблівы штуршок. Яна любіць зносіны з людзьмі, у яе хаце часта бываюць члены аб’яднання. Размаўляюць, спяваюць, дзеляцца ўспамінамі.

– «Сіла ўнутры нас» – гэта пра Ірыну Філіпаўну, – адзначыў Якаў Яўгенавіч Дрэер, старшыня ГА АН «Памяць вайны». Ён завітаў да нас у рэдакцыю незадоўга да прыгожага юбілею гераіні гэтай публікацыі, які яна адзначыць 4 чэрвеня. Якаў Яўгенавіч і ўсе члены аб’яднання адрасуюць Ірыне Філіпаўне толькі найлепшыя пажаданні з нагоды 85-годдзя, а мы да іх далучаемся.

Таццяна ШАРШНЁВА.
Фота Аляксея КАМІНСКАГА


Написать комментарий

НОВОСТИ

Всё лето на Вилейщине будет работать антинаркотическая спецпрограмма «Мак»

По северо-востоку республики в отдельных районах на почве ожидаются заморозки

В июне стартуют Дни устойчивой энергии 2018 (афиша)

Продажа алкоголя будет ограничена в Вилейке 9 июня

САМОЕ ЧИТАЕМОЕ

  • ФОТОРЕПОРТАЖ. Последний звонок для выпускников прозвенел сегодня в школах Вилейки - 30 мая 2018 (1395)
  • Мужчина отвлёкся и наехал на девушку-пешехода в Вилейке - 30 мая 2018 (741)
  • 1 июня пустят дополнительные автобусы в м-н "Северный" на праздник "Детства и семьи" - 30 мая 2018 (425)
  • Пожарный из Вилейки  среди лучших в Минской области - 30 мая 2018 (377)
  • По северо-востоку республики в отдельных районах на почве ожидаются заморозки - 31 мая 2018 (252)
  • В Минской области максимальная температура воздуха достигнет +30°C - 30 мая 2018 (172)
  • Вилейчанин проник в дом соседа и украл из холодильника мясные продукты - 1 июня 2018 (103)
  • Всё лето на Вилейщине будет работать антинаркотическая спецпрограмма «Мак» - 1 июня 2018 (88)
  • "Загорелся" кабинет бухгалтерии… - 30 мая 2018 (68)
  • В июне стартуют Дни устойчивой энергии 2018 (афиша) - 31 мая 2018 (68)
  • ВСЕ НОВОСТИ

    Ганаровы ветэран Вілейскага раёна

    6 июня состоится «прямая телефонная линия» с начальником землеустроительной службы Вилейского райисполкома ЗУБЕЛЕМ  Сергеем Викторовичем

    Пять из десяти лесничеств Вилейского опытного лесхоза попали в очаг поражения леса рыжим сосновым пилильщиком

    Провели мониторинг кафе «Элита»

    Вилейчанин проник в дом соседа и украл из холодильника мясные продукты

    Какие изменения ждут белорусов 1 июня

    Всё лето на Вилейщине будет работать антинаркотическая спецпрограмма «Мак»

    По северо-востоку республики в отдельных районах на почве ожидаются заморозки

    В июне стартуют Дни устойчивой энергии 2018 (афиша)

    Об утверждении Положения о постоянно действующей комиссии по координации работы по содействию занятости населения Вилейского района

    РУБРИКИ ШП НАШИ АВТОРЫ
    Яндекс.Метрика