Па родных сцяжынках

Лета ўпэўнена крочыць наперад. Яшчэ некалькі тыдняў таму школьны званок запрашаў на заняткі, а ўжо сёння дзеці дзеляцца першымі ўражаннямі ад летняга адпачынку. Не засталіся ў баку і вучні нашай школы. Тым больш, што падзяліцца ёсць чым…

На мінулым тыдні вучні 7 “Б” і 8 “Б” класаў здзейснілі сваю мару і адправіліся ў падарожжа, якое вырашана было назваць “Сцяжынкамі малой радзімы”.

Першым прыпынкам нашага шляху стала ДУА “Залескі вучэбна-педагагічны комплекс дзіцячы сад-сярэдняя школа”. Тут нас сустрэла сонечнай усмешкай настаўніца беларускай мовы і літаратуры Таццяна Міхайлаўна Панічава і правяла цікавую экскурсію па тэрыторыі школы. Мы наведалі спартыўную залу, будынак бібліятэкі, мелі магчымасць ацаніць працу вучняў і настаўнікаў школы па добраўпарадкаванні прышкольнай тэрыторыі. Але самым цікавым і запамінальным было наведванне школьнага музея. Таццяна Міхайлаўна расказала нам пра гісторыю свайго краю, пра мужнасць людзей у час ваеннай навалы, пра звычаі і побыт мясцовага насельніцтва, пазнаёміла нас з выставай шкляных рэчаў, якія калісьці выраблялі на шклозаводзе ў пасёлку Партызанскі. Мы з захапленнем слухалі Таццяну Міхайлаўну і асцярожна датыкаліся да тых рэчаў, пра якія яна распавядала. Прыемна было бачыць непадробную цікавасць у вачах дзяцей, цікава было назіраць і за тым, як з затоеным дыханнем дзеці трымалі ў руках старыя рэчы, гарталі фотаальбомы і на старых фотаздымках шукалі знаёмую выяву свайго настаўніка, малую радзіму якога мы наведалі ў гэты раз. Але вандраванне не скончана, і шмат чаго цікавага чакае нас наперадзе.

А далей лясныя і палявыя сцяжынкі малой радзімы прывялі нас у маляўнічы куточак на беразе ракі Ільі. Менавіта тут было вырашана спыніцца і ўладкавацца на некалькі дзён. І гэтыя дні праляцелі як адно імгненне…

Разам з намі, настаўнікамі, дзеці працавалі і адпачывалі сярод амаль некранутай чалавекам прыроды. Нягледзячы на ўзрост і непрыстасаванасць нашых дзяцей да паходных умоў (а многія ў такіх умовах аказаліся ўпершыню), усё атрымалася выдатна. Дзеці пад кіраўніцтвам настаўніка навучыліся ставіць палаткі, ствараць бяспечныя ўмовы пры выкарыстанні вогнішча і нават спрабавалі вудзіць рыбу. І хлопцы, і дзяўчаты дапамагалі гатаваць ежу ў паходных умовах, тым самым спасцігаючы тайны кулінарнага мастацтва. Вельмі весела і цікава праходзілі і вольныя гадзіны. І дзеці, і дарослыя з задавальненнем бавілі час, гуляючы ў старыя добрыя гульні, якія былі папулярнымі ў нашым дзяцінстве, купаліся ў рацэ, праводзілі спартыўныя спаборніцтвы. А як добра было вечарам сядзець усім разам каля вогнішчаз кубкам духмянага чаю ў руках і слухаць гукі прыроды: недзе зусім блізка заліваецца салавей, у рацэ чуецца плёскат рыбы, а на супрацьлеглым беразе завялі сваю песню конікі… І ў сугуччы з усім гэтым так добра весці ціхую размову і любавацца яркім вогнішчам сярод цемры.

Цудоўны настрой не змог сапсаваць нават дожджык, які час ад часу перапыняў гульню і прымушаў хавацца пад купалам палаткі. І асабліва хочацца заўважыць, што за тры дні, якія мы правялі ў адным з маляўнічых куточкаў нашай радзімы, нашы дзеці, пакаленне тэхналагічнага прагрэсу, успаміналі пра свае мабільныя тэлефоны толькі тады, калі чуўся званок ад заклапочаных бацькоў.
І вось апошняя раніца нашага падарожжа… Снедаем, збіраем рэчы, складаем палаткі, і незвычайная цішыня пануе над усім гэтым. Толькі дзіцячыя вочы растлумачылі мне, чаму так адбылося. Гэта сум і жаданне падоўжыць імгненне супакою і нават маленькага дзіцячага шчасця.

Зноў сцяжынка, лясная дарога, асфальт, родны горад і школа, дзе чакаюць нас бацькі. А на тварах падарожнікаў прыемная стомленасць і задуменнасць. Хтосьці прыгадвае перажытае пад час падарожжа, а хтосьці марыць ужо пра наступнае. І яно абавязкова будзе. Сцяжынкі малой радзімы яшчэ паклічуць нас.

P.S. Мы, кіраўнікі падарожжа, А.Г. Гаўрышчук, Л.В. Демеш, Н.А. Любавіцкая, шчыра дзякуем Таццяне Міхайлаўне Панічавай, Георгію Анатольевічу Гаўрышчуку і бацькам нашых падарожнікаў за падтрымку і дапамогу ў арганізацыі мерапрыемства.

Наталля Любавіцкая.
Фота прадстаўлена аўтарам


Написать комментарий

НОВОСТИ

Ожидается, что леса будут открыты для посещения в течение ближайших суток

Беларусь с 1 июля повышает экспортные пошлины на нефть и нефтепродукты

Почти во всех водоемах Минской области можно купаться без последствий для здоровья

В Беларуси число преступлений в январе-мае снизилось на 6,2%

САМОЕ ЧИТАЕМОЕ

  • Международный фестиваль ретро-мотоциклов прошёл в Вилейском районе - 24 июня 2018 (666)
  • Почти во всех водоемах Минской области можно купаться без последствий для здоровья - 25 июня 2018 (148)
  • Пока жители Молодечно возвращались домой, у них на даче сгорела баня - 26 июня 2018 (134)
  • Молодая косуля в Вилейском районе чудом избежала столкновения с легковушкой (ВИДЕО) - 26 июня 2018 (128)
  • Ожидается, что леса будут открыты для посещения в течение ближайших суток - 26 июня 2018 (108)
  • 26 июня состоится встреча про отходы в Вилейке - 25 июня 2018 (99)
  • МАЁНТАК СЭРВАЧ слыннага шляхецкага роду Козел-Паклеўскіх - 24 июня 2018 (58)
  • Где многодетные семьи могут получить скидочные купоны на канцелярские товары в Вилейке - 26 июня 2018 (27)
  • В Вилейском районе в контейнер для мусора выбросили 12 живых ежей - 25 июня 2018 (16)
  • В Вилейке подписано трёхстороннее соглашение на 2018-2020 годы между органами власти, профсоюзами и нанимателями - 26 июня 2018 (6)
  • ВСЕ НОВОСТИ

    Молодой боец из Вилейского района провёл 24 часа вместе со спасателями

    Где многодетные семьи могут получить скидочные купоны на канцелярские товары в Вилейке

    Увеличить пенсию? Реально!

    В помощь онкологическим больным…

    На вопрос «Почему вырубают здоровый лес?» есть ответ

    В Вилейке подписано трёхстороннее соглашение на 2018-2020 годы между органами власти, профсоюзами и нанимателями

    День информирования в Вилейке

    Па родных сцяжынках

    ПРЭМ’ЕРА ПРАЕКТА. Ваш субяседнік – «Віляйчанка»

    Молодая косуля в Вилейском районе чудом избежала столкновения с легковушкой (ВИДЕО)

    РУБРИКИ ШП НАШИ АВТОРЫ
    Яндекс.Метрика