Людзі Вілейшчыны

Што ні кажыце, а прыемна праз гады сустракацца на старонках газеты з героямі ранейшых публікацый. Пра вядомую майстрыху з Талуці Ніну Іванаўну Кавалік мы пісалі шэсць гадоў назад. А сёння хочацца зноў крышку расказаць пра гэту цудоўную жанчыну. І нагода для гэтага ёсць –  Ніне Іванаўне восемдзесят.

– Нават не падбяру слоў, каб расказаць, якая яна, наша мамачка, – расчулена гаворыць дачка юбіляршы Ірына Міхайлаўна і нават змахвае слязінку. – Працаўніца на ўсе рукі, за што ні возьмецца – усё ў яе спорыцца. І тчэ, і вяжа, і шые, і булкі найсмачнейшыя пячэ. Ды і сэрца залатое мае – ёй заўсёды ўсіх шкада, да ўсіх – з ласкай і дабрынёй.
Добра разумею Ірыну Міхайлаўну, бо і сама, мусіць, не знайду патрэбных слоў, каб расказаць пра сваю маму і за ўсё ёй аддзячыць.
Жыццёвае палатно Ніны Іванаўны Кавалік, як у той песні спяваецца, простае, падобнае на сотні іншых лёсаў яе сучасніц. Нарадзілася ў вёсцы, рана стала самастойнай, навучылася ткаць, прасці, жаць… Зусім маладзенькай выйшла замуж за добрага хлопца, жылі разам з бацькамі мужа і дагледзелі іх старасць. Дзвюх харошых дачок выгадавалі Ніна Іванаўна з Міхаілам Канстанцінавічам, вывучылі, аддалі замуж. Ала і Ірына ўжо даўно маюць сем’і, займаюць добрыя пасады, жывуць годна і сумленна, як і іх бацькі.
– Пяцьдзесят гадоў пражылі разам мама з татам, – расказвае Ірына Міхайлаўна. – У вузкім сямейным коле адзначылі мы гэту дату, затым і мой юбілей адбыўся, на якім бацькі яшчэ былі разам… І ўсё, праз некалькі месяцаў таты не стала. Пяць гадоў, як мама ўжо адна.
Калісьці багатае на розную жыўнасць падвор’е Кавалікаў цяпер апусцела. Сілы не тыя ў гаспадыні, ды і дзеці забараняюць нагружаць сябе. Коцік, сабачка ды куры – вось і ўся гаспадарка. Чаго-чаго, а працы на век Ніны Іванаўны хапіла. У колішнім калгасе «Чырвоны сцяг» доўгі час была звенявой па ільну, аж цяпер, здаецца, адчувае на твары пыл, які сцяной стаяў навокал, калі калгасніцы дапрацоўвалі лён.
Сёння Ніна Іванаўна адна са знакамітых майстрых раёна, вытканыя ёю ручнікі ды посцілкі не раз адзначаліся Дыпломамі на разнастайных конкурсах. Яе і цяпер часта запрашаюць у клуб на розныя мерапрыемствы. Сама ж сціплая жанчына толькі сарамліва паціскае плячыма:
– Ды ў наш час кожная дзяўчына ўмела і ткаць, і прасці. Тады ж не было крамнага. Вось і я ля мамы навучылася. Бывала, збяруцца дзяўчаты на папрадухі ў якой хаце. І спяваем, і жартуем. А ўвечары і хлопцы, вызваліўшыся ад працы, падыдуць. Весела!
Сёння ж, разважае майстрыха, аж вочы разбягаюцца ад той прыгажосці, якую бачым у магазінах. Толькі купляй. Таму і адпала патрэбнасць і прасці, і ткаць. Сама ж, між тым, беражліва захоўвае ручнікі да посцілкі, якія памятаюць яшчэ цеплыню рук яе мамы і свекрыві. Захоўвае не толькі як доказ умельства нашых продкаў, але і як светлую памяць, як нябачную нітачку, што звязвае пакаленні. І пакуль будзе ў маладых цікавасць да таго, чым жылі іх продкі, будзем на гэтым свеце мы, беларусы…
Сёння ў Ніны Іванаўны юбілей. Любячыя дзеці і ўнукі, вядома ж, прыедуць да яе і павіншуюць. Іх сустрэне, як звычайна, рухавая і такая прыгожая іх мама. Ужо пасля, седзячы за святочным сталом, застаўленым смачнымі стравамі, дзеці ў чарговы раз нагадаюць маме, што, можа, час ужо перабірацца ёй да іх, у горад. І Ніна Іванаўна, добра ведаю, у чарговы раз адмовіцца. Сапраўды, як яна паедзе з вёскі, дзе пражыла ўсё сваё жыццё, на каго пакіне свой дагледжаны дом? Вось і сонейка цяплей прыграе, хутка ўжо і пра агарод трэба думаць… Будзе справа і ёй, руплівай гаспадыні, і гарадскім дзецям. І будзе глядзець іх дом на свет жывымі аканіцамі…
Ірына БУДЗЬКО
Фота з архіву рэдакцыі


Написать комментарий

НОВОСТИ

Объем внешней торговли товарами в Вилейском районе в 2017 году возрос на 22,8%

Февральские старты вилейских каратистов и каратистки

Вилейский хоровой коллектив примет участие в гала-концерте в Солигорске

Мужчина по пути домой своровал снегозадерживающую сетку  в Вилейском районе

САМОЕ ЧИТАЕМОЕ

  • Сеансы кинотеатра «Мир» (21 – 25 февраля) - 20 февраля 2018 (2107)
  • Вилейчанин на перекрёстке вблизи ж/д переезда наехал на пешехода - 20 февраля 2018 (909)
  • Февральские старты вилейских каратистов и каратистки - 20 февраля 2018 (372)
  • Мужчина по пути домой своровал снегозадерживающую сетку  в Вилейском районе - 20 февраля 2018 (336)
  • Пустующий дом двое мужчин оборудовали под «завод» по изготовлению самогона в Молодечненском районе - 20 февраля 2018 (265)
  • Тры тэлевізары і шмат іншых падарункаў атрымалі дзеці з вілейскага інтэрната - 21 февраля 2018 (247)
  • Эксперты назвали топ-5 самых бесполезных советов для автомобилистов - 20 февраля 2018 (203)
  • На территории Вилейского района ГАИ проведёт акцию «Ребенок - главный пассажир!» - 20 февраля 2018 (107)
  • Вилейский хоровой коллектив примет участие в гала-концерте в Солигорске - 20 февраля 2018 (71)
  • Ученые рассчитали, как люди встретят инопланетян - 21 февраля 2018 (65)
  • ВСЕ НОВОСТИ

    В Год малой родины в Беларуси должен быть наведен идеальный порядок — Кочанова

    Тры тэлевізары і шмат іншых падарункаў атрымалі дзеці з вілейскага інтэрната

    21 лютага – Сусветны дзень роднай мовы

    Руководством Вилейского РОВД будет осуществлено выступление в трудовых коллективах и учебных заведениях Вилейского района, после чего будет осуществлен прием граждан по личным вопросам

    Транспортная инспекция: актуально и злободневно!

    Объем внешней торговли товарами в Вилейском районе в 2017 году возрос на 22,8%

    Пуск первого энергоблока БелАЭС намечен на февраль 2019 года

    Ученые рассчитали, как люди встретят инопланетян

    Профсоюзы проведут бесплатные юридические консультации 22 февраля

    Февральские старты вилейских каратистов и каратистки

    РУБРИКИ ШП НАШИ АВТОРЫ
    Яндекс.Метрика


    Разработка ИП Харитончик А.Н.